Ezekieli 9
9
Bantu bamu-Jerusalemu mbubakanyonyoonwa, kutaamba baluleme ibakalembedwe ankumu
1 #
Int 103:20
Lino wakoongolola mumatwi aangu ajwi ipati, wati, Amuswene afwaafwi inywe nubasikuuma munzi, muze umwi aumwi acinyonyoozyo cakwe mujanza lyakwe. 2#Lev 16:4Mpawo kwakasika bantu bali musanu aumwi bazwa kulubazu lwamulyango wakujulu uulangide kunyika, Bakeza umwi aumwi acilwisyo cakwe cakujazya mujanza lyakwe, alimwi akati kabo kali muntu umwi iwakasamide masani aatuba iwakajisi zyakulembya mucikungu cakwe, Nkabela bakanjila, baakwiima kumbali lyacipaililo camukuba.
3Lino bulemu bwa-Leza wa-Israyeli bwakalitantide kuzwa kukerebimu mpaakakede kuya kucikunguzyo caŋanda. Mpawo wakoongolola oyo muntu iwakasamide masani aatuba, iwakajisi zilembyo mucikungu cakwe, 4#Int 119:53; Ciy 7:3; 9:4; 14:1Jehova wakamwaambila kuti, Inda akati kamunzi, akati ka-Jerusalemu, ukalembe citondezyo ankumu zyabantu boonse balila akutongela nkaambo kazisesemyo zyoonse zicitwa mukati kawo. 5Abamwi wakabaambila mumatwi aangu, wati, Amumutobele, mukainde mukati kamunzi, mukaume bantu. Meso aanu atabafwidi luse. Mutabafwidi luzyalo pe. 6#Ciy 9:4; Jer 25:29; Lk 12:47Bacembele, bakubusi abanakalindu, twana abanakazi, boonse buyo muleelede kubanyonyoona. Pele mutagumi muntu naba omwe uujisi lulembo lwangu. Amutalike kucikombelo cangu. Mpoonya awo bakatalika abantu abo ibakali kunembo lyaŋanda. 7Lino wakabaambila kuti, Amusofwaazye iŋanda, akuzuzya mabanza bajayidwe. Kamuya. Lino bakali kuya buuma mumunzi.
8 #
My 14:5; Dt 9:18; Jos 7:6 Lino nibakali mukuuma, mebo ndakasyaala endike, nkabela ndakavundama ansi, ndakati, Akaka Mwami Jehova! Sa ulayanda kunyonyoona boonse ba-Israyeli basyeede mbotilila Jerusalemu bukali bwako? 9#2 Bam 21:16; Int 10:11; Is 29:15Wakandaambila kuti, Milandu yaluzubo lwa-Israyeli alwa-Juda yakomena loko malaa. Nyika ilizwide bulowa, amunzi ulizwide lupilingano, nkaambo balaamba kuti, Jehova walekelezya nyika, Jehova taboni pe. 10#Dt 32:41Nkaambo kako ambebo nsikooyoobafwida luse, ameso aangu taakooyoobafwida luzyalo pe, njoobweedezya inzila zyabo amitwe yabo beni.
11Mpawo oyo muntu iwakasamide masani aatuba, iwakajisi zyakulembya mucikungu cakwe, wakaleta makani, wati, Ndacita mbubonya mbowakandilailila.
Currently Selected:
Ezekieli 9: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
