Ezekieli 19
19
Cilizyo cakulila bami ba-Israyeli
1 #
Ezk 26:17
Lino uwe, imba cilizyo cakulila basilutwe ba-Israyeli. 2Amba kuti, Ma! Banyoko bakali mulavu! Bakali kubwantamana akati kabuta mbonyina. Bakali kunyonsya bana babo akati kabasyuumbwanyina. 3#2 Bam 23:31Bakalela umwi wabana babo, waba mulavu, waiya kuvwima zilyo, wali kulya bantu. 4#2 Bam 23:33; 2 Mak 36:4; Jer 22:11Lino bamasi nibakamvwa impuwo yakwe, wakacegwa mukakole kabo, nkabela bakamuleta atulobyo, bamusisya kunyika ya-Egepita. 5#2 Bam 23:34Mpoonya awo, banyina nibakabona kuti bazundwa, amakani taanakuba mbubakali kulangila, bakabweza aumwi wabana babo, bacita kuti abe mulavu muvwimi. 6#Jer 22:13Wakali kuya bweendeenda akati kabasyuumbwa, waba mulavu, waiya kuvwima zilyo, wali kulya bantu. 7Wakali kubisizya maanda aabo aabwami akusaala minzi yabo. Nyika yoonse abaabo bamulinjiyo bakayoowa ijwi lyakuvuluma kwakwe. 8#2 Bam 24:2Lino bamasi bakuzisi zyoonse zyeengelede bakamubukila, bamucekelezya lusabwe lwabo, nkabela wakacegwa mumulindi wabo. 9#2 Mak 36:6; Ezk 6:2Bakamukwezya indobyo zyabo, bamubika mucizangala, bamutola kumwami wa-Babuloni. Bakamunjizya mukaliba, kuti ijwi lyakwe litamvwigwi limbi atala amalundu aa-Israyeli.
10 #
Ezk 15:2; Int 80:8; Dt 8:7 Banyoko bakali mbuli isaansa mumuunda lizikilidwe kumbali lyamaanzi, isaansa lyobene lizyalisya micelo nkaambo kamaanzi manji. 11#Dan 4:11Cisiko calyo ciyumu cakaba musako wasikweendelezya. Cakalampisya loko akati kamapanda mapanda. Cakaboneka abulamfu bwaco amitabi yaco minji. 12#Hos 13:15Pele isaansa lyakanonkolwa cabukali, lyakawaalwa ansi. Muwo wakujwe wakaliyuminizya, amicelo yalyo yakacelwa. Cisiko calyo cakayuminina; mulilo wakacisyukutya. 13#Dt 28:48Lino sunu lilizikilidwe munkanda, munyika injumu iibula maanzi. 14#Bab 9:15Mucisiko calyo mwazwa mulilo, watenta mitabi yalyo amicelo yalyo yoonse. Lino tamucijanwi mulindilyo cisiko ciyumu cikonzya kuba musako wasikweendelezya, Nceeco cilizyo, ncakulizya.
Currently Selected:
Ezekieli 19: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
