2 Samuele 22
22
Lwiimbo ndwaakaimba Davida
1 #
Kul 15:1
Ngaaya majwi aalwiimbo lwa-Davida ndwaakatembauzya Jehova mubuzuba obo Jehova mbwaakamuvuna kumaanza aabasinkondonyina boonse akumaanza aa-Saulo, 2#Matl 15:1; Dt 32:4; 1 Sam 2:2; Int 18:2; 91:2; Tus 18:10; Mt 18:11Wakati,
Jehova ngumwaala wangu, ngumampangala aangu, ngusikundivuna.
3 #
Heb 2:13; Matl 15:1; Int 3:3; Tus 30:5; Lk 1:69; Tus 18:10; Int 9:9; 18:2; Is 32:2; Is 32:2; Jer 16:19 Ngu-Leza wandomba yangu ngunsyoma.
Nintobo yangu, nduja lwalufutuko lwangu, ngumwaako wangu wakujulu, mbulobokelo bwangu.
Ngumufutuli wangu uundifutula kulupyopyongano.
4Njooimbila Jehova uutembaulika,
Elyo njoofutulwa kulibasinkondoma.
5Nkaambo mayuwe aalufu akandizyunguluka,
Akwalo kupaya kwabana-Saatani kwakandiyoosya.
6Tukole twabusangusi twakandizambaila,
Atooze twalufu twakandijata.
7 #
Int 116:4; Jon 2:2; Kul 3:7 Mukupenga kwangu ndakali koongolola Jehova,
Ndakali koongolola Leza wangu,
Elyo wakaswiilila ijwi lyangu muntempele yakwe,
Akoonzomoka kwangu kwakanjila mumatwi aakwe.
8 #
Bab 5:4; Job 26:11; Int 18:7; 77:18 Mpawo nyika yakatenkana akuzungaana.
Misemu yakujulu yakazangaama,
Yakatenkana nkaambo kabukali bwakwe.
9 #
Int 97:3; Hab 3:5; Heb 12:29 Mumpemu zyakwe mwakasuka busi,
Amukanwa lyakwe mwakalya mulilo.
Malasa akakunkwa kulinguwo,
10 #
Is 64:1
Wakakotamya ijulu, wakaseluka,
Akunsi lyazituta zyakwe kakusiya mbi.
11 #
Int 104:3
Wakatanta akerubimu, wakauluka,
Wakabonwa amababa aaluuwo.
12Wakalizyungulusya cilao camudima,
Ampumba yamaanzi amayoba malemu.
13Kukumwekamweka kwakubusyu bwakwe
Kwakakunkwa malasa aamulilo.
14 #
Is 30:30
Jehova wakandindima kujulu,
Sikujulu wakalizya ijwi lyakwe,
15 #
Dt 32:23; Int 7:13; 77:17; Hab 3:11 Wakafusa mivwi akubamwaisya,
Wakatuma lulabo akubapyopyonganya,
16Elyo kutako lyalwizi kwakaboneka,
Antalisyo zyanyika zyakayubununwa,
Nkaambo kakutapatila kwa-Jehova,
Akuyooya kwamuuwo wamumpemu zyakwe.
17Wakatambika kujulu, wandijata,
Wandigwisya mumaanzi manji.
18Wakandivuna kusinkondoma singuzu,
Akulibaabo ibakandisula, nkaambo bakandiinda kunguzu,
19Bakandikataazya mubuzuba bwamapenzi aangu,
Pele Jehova nguwakandigwasya,
20 #
Int 31:8; 2 Sam 15:26 Wakandinjizya mubusena butuba,
Wakandivuna nkaambo kakundibotelwa.
21Jehova wandilumbwida bululami bwangu,
Akundiboozezya mbwaasalala maanza aangu.
22Nkaambo ndajatisya inzila zya-Jehova,
Nsina kubisizya Leza wangu.
23 #
Dt 7:12
Imbeta zyakwe zyoonse kazili kubusyu bwangu,
Nsina kusowa milazyo yakwe.
24 #
Matl 6:9; Job 1:1; Joh 1:47 Ndakaliluleme kumeso aakwe,
Ndalikasya kuzibi zyangu.
25Nkaambo kako Jehova wandilumbwida mbuli bululami bwangu,
Mbuli kusalala kwangu kumeso aakwe.
26 #
Mt 5:7
Kumuntu siluzyalo ulalibonya mbuli siluzyalo,
Kumuntu uululeme ulalibonya mbuli mululami,
27 #
Lev 26:23
Kumuntu uusalala ulalibonya mbuli uusalala,
Pele kumuntu uupilingene ulacita cakusendama.
28 #
Kul 3:7; Int 12:5; Mt 5:3 Bantu bapengede ulabavuna,
Pele basikulisumpula ulabalanga kuti ubafwiinsye.
29Nkaambo nduwe mumuni wangu, O Jehova.
Jehova ulamunika mumudima wangu.
30Nkaambo kalugwasyolwako ndakonzya kulwisya impi.
Kulugwasyo lwa-Leza wangu ndakonzya kusotoka bwaanda.
31 #
Dt 32:4; Dan 4:37; Ciy 15:3; Int 12:6; Tus 30:5 Ncobeni Leza inzila-yakwe ililuleme.
Ijwi lya-Jehova lilasalala.
Nintobo kuliboonse bamusyoma.
32 #
Dt 32:31; 1 Sam 2:2; Is 45:5,6 Nkaambo taakwe Leza pele Jehova alike,
Taakwe mwaala mbuli Leza wesu.
33 #
Int 27:1; Dt 18:13 Leza ngumampangala aangu aali anguzu,
Ngonguwe uuenzya mululami munzila yakwe.
34 #
Hab 3:19
Ulaubya maulu aangu mbuli insya,
Ulandiimika amasena aakujulu.
35Ulaiisya maanza aangu kulwa,
Aboobo buta bwamundalila bulaobesegwa kumaboko aangu.
36Wandipa intobo yalufutuko lwako.
Kulibombya kwako kwandisumpula.
37Wandikomenenya myeendelo njinjeenda,
Amaulu aangu taatezemuki.
38Ndaakutanda basinkondoma akubanyonyoona,
Nsina kupiluka mane bakamana boonse,
39Ndabamana akubayasililacakutabuka limbi,
Bawa kunsi lyamaulu aangu.
40Wandisamika inguzu zyakulwisya,
Wandifwiinsizya abo ibakandibukila.
41Basinkondoma wabatanda, kuti bandifutatile,
Nkabanyonyoone abo bandisula.
42 #
1 Sam 28:6; Job 27:9; Tus 1:28 Bakali kulangaula, pele katakwe sikubavuna.
Bakali kukwiila kuli-Jehovaapele teewakabavwiila,
43Mpawo ndakabaumisya mbuli lusuko lwaansi,
Ndakabalyataula mbuli intimba yamunzila akubamwaisya.
44 #
Dt 28:13; Is 55:5 Nduwe wandivuna kunzumanino zyabantu bangu.
Wandibika kuti mbe simutwe wazisi,
Musyobo nguntezi ulandimanina milimo.
45Bazwakule balalibombya kulindime,
Bamvwe buyo impuwo yangu, balandiswiilila.
46 #
Mik 7:17
Bazwakule balalengauka,
Baleza buzangama kuzwa mumampangala aabo.
47 #
Int 89:26
Jehova muumi! Alumbwe mwaala wangu!
Asumpulwe Leza wandomba yalufutuko lwangu.
48 #
Int 144:2
Leza nguundiboozezya iakoto,
Nguubombya bantu mumaanza aangu.
49Nguundivuna kumaanza aabasinkondoma,
Nduwe oondisumpula kulibaabo bandibukila,
Akundifutula kubantu bakali,
50 #
Rom 15:9
Nkaambo kako njookulumba,
O Jehova, akati kamasi,
Njootembaula-izina lyako.
51Ulaleta lufutuko lupati kumwami ngwaakabika,
Ulamufwida luzyalo munanike wakwe,
Davida alunungu lwakwe lyoonse amuyamyaka.
Currently Selected:
2 Samuele 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
