2 Samuele 23
23
Lwiimbo lusyaalizi ndwaakaimba Davida
1Ngaaya majwi masyaalizi ngaakaamba Davida.
Mbuboobu mbaamba Davida mwana wa-Jese,
Mbuboobu mbaamba muntu iwakasumpulwa,
Munanike wa-Leza wa-Jakobo,
Sikwiimba intembauzyo imbotu wa-Israyeli.
2 #
2 Pet 1:21
Muuya wa-Jehova wakaamba mulindime,
Majwi aakwe akali alulimi lwangu,
3 #
Kul 18:21
Leza wa-Israyeli wakaamba,
Mwaala wa-Israyeli wakandaambila,
Oyo uuendelezya bantu cabululami,
Uuendelezya cakuyoowa Leza,
4 #
Tus 4:18
Uyooba mbuli mumuni cifumofumo nilyapasa izuba,
Mucifumo citajisi mayoba,
Ciindi ncaaboneka mweemvwe ansi,
Izuba nilimunikisya, yaleka imvula,
5Sa teensi obo mbulubede luzubo lwangu kumeso aa-Leza?
Nkaambo wandibikila cizuminano citeeli,
Cibambidwe kabotu muzintu zyoonse, ciima nji.
Nkaambo lufutuko lwangu loonse,
Azyoonse nzyuuyanda moyo wangu,
Sa teensi nguwe uuzimeneka?
6Pele bana ba-Saatani boonse bayooba mbuli mamvwa aatapulwa
munzila,
Nkaambo taakonzyi kubwezwa mujanza.
7Muntu uuyanda kwaampa,
Uleelede kuba abutale acisamu casumo.
Boonse bayootentwa mumulilo nkubabede.
Baalumi basintaze ba-Davida
8Ngaaya mazina aabaalumi basintaze mbaakajisi Davida: Josebubasebete mu-Tekemoni, silutwe wabapati botatwe, ngonguwe Adino mu-Ezni, nguwakajaya bantu bali myaanda iili musanu aitatu ciindi comwe. 9#1 Mak 11:12; 27:4Musule lyayooyu kali Eleazeri mwana wa-Dodai mwana wamu-Ahohi, umwi wabaa-lumi botatwe Davida mbaakali abo ciindi ncibakasampaula ba-Filisti nibakabungene kunkondo. Lino bantu ba-Israyeli nibakainka kuyoolwana, 10oyu muntu wakabuka, kaya bujaya ba-Filisti mane ijanza lyakwe lyakakataala akukakatila kupanga. Jehova wakaleta lufutuko lupati obo buzuba, nkabela bantu bakali kumutobela kuya busaala buyo. 11#1 Mak 11:12Musule lyayooyu kali Sama mwana wa-Age mu-Harari, Lino ba-Filisti nibakabungana ku-Lehi, kakuliko muunda uuzwide nyangu. Nkabela bantu bakali kucija kubusyu bwaba-Filisti, 12pele oyu muntu wakaima akati kamuunda oyo, wakauvuna, wakajaya ba-Filisti, aboobo Jehova wakaleta lufutuko lupati.
13 #
1 Mak 11:15; 14:9; Dt 33:29; 1 Sam 22:1; 1 Mak 29:11; 2 Mak 14:11-14; 25:8; Int 3:8; 46:1; Tus 21:30,31; Rom 8:31; 2 Sam 5:18; Is 17:5 Lino bamwi botatwe babapati bali makumi otatwe bakainka ciindi cakutebula kuyoosika kuli-Davida kumampangala yaku-Adulamu. Nkabela umwi mukowa waba-Filisti kabakede musokwe mumumpata wa-Refaimu. 14#1 Sam 22:4; 1 Mak 12:16Ciindi eco Davida kali mumampangala, alimwi kakuli inkamu yabasinkondo baba-Filisti mu-Betelehemu. 15Nkabela Davida wakali kusukama, wakati, Nguni uuyanda kundinywisya maanzi aamumukalo waku-Betelehemu kumulyango? 16Mpawo baalumi basintaze botatwe bakapola akati kabasinkondo baba-Filisti, baakuteka maanzi kumukalo waku-Betelehemu kumulyango, bakaabweza akwaaleta kuli-Davida. Pele wakakaka kunywa, wakaatila ansi buyo kuli-Jehova, 17#Lev 17:10wakati, Cinditonde, O Jehova, kucita obo. Sa ndakonzya kunywa bulowa bwabantu aba ibakeenda cakutayoowa kufwa? Lino wakakaka kunywa, Mbuboobo mbubakacita abo baalumi botatwe.
18 #
2 Sam 2:18; 1 Mak 11:20 Nkabela Abisai munyina joabu mwana wa-Zeruya kali silutwe wabaalumi bali makumi otatwe, Wakasumpula isumo lyakwe kubantu bali myaanda yotatwe akubajaya, aboobo kali simpuwo mbubonya mbuli abo botatwe. 19Kali mulemu kwiinda boonse bali makumi otatwe, nekubaboobo teewakeelanisigwa abaabo botatwe bataanzi.
20 #
Jos 15:21; Kul 15:15 Lino Benaya mwana wa-Jehoyada, mwana wamwaalumi sintaze wakuKabzeli, alakwe kacita malweza. Ngonguwe wakajaya bana bobile baArieli waku-Moabu, alimwi wakajaya mulavu mukati kakalambwa ciindi maanzi ncaakagagaminwa impeyo. 21#1 Mak 11:23Alimwi wakajaya mu-Egepita, muntu mweebesi, Oyu mu-Egepita kajisi isumo mujanza lyakwe, pele wakainka nkwaakabede ankoli luzutu, wakanyanzya isumo mujanza lyamu-Egepita akumujazya ndilyonya. 22Ngaaya malweza ngaakacita Benaya mwana wa-Jehoyada, aboobo kali simpuwo mbuli abo baalumi botatwe. 23#2 Sam 8:18Kali mulemu kwiinda bantu bali makumi otatwe, nekubaboobo teewakeelanisigwa abaabo botatwe bataanzi. Nkabela Davida wakamubika kuti abe silutwe wabalindizi bakwe.
24 #
2 Sam 2:18
Asaheli munyina Joabu kali umwi wabaabo bali makumi otatwe, Elhanani mwana wa-Dodo waku-Betelehemu, 25#1 Mak 11:27Sama mu-Harodi, Helika mu-Harodi, 26Helezi mu-Paliti, Ira mwana wa-Ikesi mu-Tekoi, 27Abiyezeri mu-Anetoti, Mebunai mu-Husati, 28Zalimoni mu-Ahohi, Maharia mu-Nefati, 29Helebi mwana wa-Baana mu-Netofati, Itai mwana wa-Ribai waku-Gibeya wabana ba-Benjamini, 30#Bab 12:15; 2:9Benaya mu-Piratoni, Hidai wakutulonga twa-Gaasi, 31Abialiboni mu-Aribati, Azmaveti mu-Barruimi, 32Eliabu mu-Syaaliboni, wabana ba-Jaseni, Jonatani, 33Sama mu-Harari, Ahiamu mwana wa-Sarari mu-Harari, 34Elifaleti mwana wa-Ahasibai mwana wamu-Maaka, Eliamu mwana wa-Ahitofeli mu-Giloni, 35Hezra waku-Karimeli, Paarai mu-Aribi, 36Igali mwana wa-Natani waku-Zeba, Bani mu-Gadi, 37Zeleki mu-Amoni, Naharai mu-Beeroti, sikuyumuna zilwisyo zya-Joabu mwana wa-Zeruya, 38#2 Sam 20:26; Jos 15:48Ira mu-Itri, Garebi mu-Itri, 39#2 Sam 11:3,6Uriya mu-Hiti, Aba boonse bali makumi otatwe amusanu ababili.
Currently Selected:
2 Samuele 23: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
