2 Samuele 2
2
Davida mbwaakapegwa bwami bwa-Juda
1 #
My 27:21; Bab 1:1; 1 Sam 23:2-9; 30:7,8; 1 Bam 2:11 Lino aya makani naakamana, Davida wakabuzya kuli-Jehova kuti, Sa njiinke kumunzi umwi wa-Juda? Nkabela Jehova wakamwaambila kuti, Koya, Elyo Davida wakati, Njiinke kuli uli? Wakati, Koya kuHebroni. 2#1 Sam 25:42-43Mpawo Davida wakaya nkukonya, abalo banakazi bakwe bobile, Ahinoamu mu-Jezreeli a-Abigayeli muka-Nabala mu-Karameli. 3#1 Sam 27:2Abalo bantu bakwe mbaakali abo Davida wakabaleta boonse, umwi aumwi aciinga cakwe, elyo bakakala muminzi ya-Hebroni. 4#1 Sam 31:11-13; 2 Sam 5:5Mpawo bantu ba-Juda bakasika, bakananika Davida nkukonya oko, kuti abe mwami wamusyobo wa-Juda.
Nkabela bakaambila Davida kuti, Bantu ba-Jabezi Gileadi mbibakazika Saulo. 5#Int 115:15Mpawo Davida wakatuma batumwa kubantu ba-Jabezi Gileadi, wakabaambila kuti, Jehova amupe coolwe, mbuli mbumwakacitila Saulo mwami wanu obu buuya bwakumuzika. 6#2 Tim 1:16; Mt 5:44Jehova amucitile cabuuya acalusinizyo, ambebo ndamulumbula nkaambo kaceeci ncimwakacita. 7Lino amuyumye maanza aanu, mube basikainya, nkaambo Saulo mwami wanu wafwa, alimwi mukowa wa-Juda wandinanika kuti mbe mwami wabo,
Isibosete mbwaakapegwa bwami bica-Israyeli
8 #
1 Sam 14:50; 17:55; Matl 32:2; 2 Sam 17:27 Lino Abineri mwana wa-Neri, silutwe wampi ya-Saulo wakabweza Isibosete mwana wa-Saulo, wamuleta ku-Mahanaimu, 9wamu bika kuti abe mwami wa-Gileadi awa-Asuri awa-Jezreeli awa-Efraimu awa-Benjamini awaba-Israyeli boonse. 10Oyu Isibosete wakali amyaaka iili makumi one naakataanguna kuba abwami bwa-Israyeli, nkabela wakeendelezya myaaka yobile. Pele mukowa wa-Juda wakatobela Davida. 11Nkabela mweelwe waciindi Davida ncaakali mwami wamukowa wa-Juda mu-Hebroni kuuli myaaka iili musanu aibili amyeezi iili musanu aumwi.
Ba-Israyeli aba-Juda mbubakalwana ku-Gibeoni
12 #
Jos 9:3; 18:25; Is 28:21 Lino Abineri mwana wa-Neri abalanda ba-Isibosete mwana wa-Saulo bakazwa ku-Mahanaimu, basika ku-Gibeoni. 13#Jer 41:12Abalo Joabu mwana waZeruya abalanda ba-Davida bakazwa kuyoobacinga kuziba lya-Gibeoni, nkabela bakakala nkukonya, bamwi kubbazu limwi lyaziba, abamwi kubbazu limwi lyaziba. 14#Tus 10:23; 13:10Mpawo Abineri wakaambila joabu kuti, Balombe banyamuke, batusobanine. Joabu wakati, Mbubo, banyamuke. 15Elyo bakanyamuka, nkabela kwakasalwa akati kaba-Benjamini bantu bali ikumi ababili kuti babe ba-Isibosete mwana wa-Saulo, abalanda ba-Davida bali ikumi ababili. 16Mpawo bakajatana boonse umwi aumwi kumutwe wamweenzinyina, akuyasana umwi mukateku kamweenzinyina, akuwa boonse antoomwe. Nciceeco obo busena ncibwakaulikwa izina lya-Helkati-Hatsurimu (nkukuti Muunda wamapanga.) Buli mucisi ca-Gibeoni.
17 #
1 Bam 20:11
Lino kakuli inkondo impati loko mubuzuba obo, nkabela Abineri abantu ba-Israyeli bakazundwa kubalanda ba-Davida. 18#1 Mak 2:16; 12:8; Int 18:33; Lwi 2:17; 8:14Alimwi bana botatwe ba-Zeruya bakaliko, Mazina aabo ngaaya:— Joabu, Abisai a-Asaheli. Nkabela Asaheli wakali aluno loko mbuli insya yamusokwe. 19Lino Asaheli wakali kuya butobela Abineri, nkabela taakwe naakaleya, nikuba kululyo nikuba kulumwensi, pe, wakali kutobelela buyo Abineri. 20Elyo Abineri wakaceba, wakati, Sa nduwe Asaheli? Wakati, Ndime. 21#1 Sam 17:42Mpawo Abineri wakamwaambila kuti, Leya kululyo nanka kulumwensi, ukajate umwi mulombe, ukabweze zilwisyo zyakwe. Pele Asaheli wakakaka kuleya akuleka kumutobela. 22Lino Abineri wakaboola lwabili kwaambila Abineri, wakati, Leka kunditobela. Sa ncibotu kuti nkuumine ansi? Tukalangane buti abakwanu Joabu? 23#2 Sam 3:27; 4:6Nekubaboobo wakacili kukaka kuleka, elyo Abineri wakamuyasa asumo acibunduusule abumbu, lyapola kumusana. Lino wakawida ansi, wakafwa mpoonya awo mpaakabede. Nkabela boonse bantu ibakasika oko nkwaakafwida Asaheli bakaimikila.
24 #
Jos 9:3; 10:2 Pele Joabu a-Abisai bakacili kuya butobela Abineri, nkabela izuba lyakababbilila munzila nibakasika kucilundu ca-Ama cili kunembo lya-Giya munzila iiya kunkanda ya-Gibeoni. 25Mpawo bana ba-Benjamini bakayoboloka kuli-Abineri, bakaba impi yomwe, bakaimikila atala acilundu cimwi. 26#Job 18:2; 19:2; Int 4:2; Inc 7:26Nkabela Abineri wakamusompezya Joabu, wakati, Sa ipanga liciya bulya bantu lyoonse? Sa tozi kuti kumamanino kuyoomululila? Ulaambila bantu lili kuti baleke kutanda bakwabo? 27#Tus 17:14; 20:18; Lk 14:31,32Lino Joabu wakati, Jehova mbali muumi, niwatakaamba, elyo cifumofumo bantu nibaleka kutanda bakwabo.
28Mpawo Joabu wakalizya mweembo, nkabela bantu boonse bakaima, teebakacili kubatanda limbi ba-Israyeli, taakwe nibakacili kulwana limbi pe. 29#Lwi 2:17; Matl 32:2; Jos 21:38; 2 Sam 17:24Nkabela Abineri abantu bakwe bakeenda masiku ayo oonse munyika ya-Araba, bakazubuka mulonga wa-Jordano, bakainda moonse mu-Bitroni mane bakasika ku-Mahanaimu. 30Alakwe Joabu wakapiluka kuzwa kukutobela Abineri, nkabela naakabunganya bantu boonse, kwakajanwa kuti kakutawo balanda ba-Davida bali ikumi amusanu abane a-Asaheli. 31Pele balanda ba-Davida bakalijayide akati kaba-Benjamini abantu ba-Abineri bantu bali myaanda yotatwe amakumi aali musanu alimwi, 32#Matl 47:29,30; 49:29; Bab 8:32; 2 Sam 17:23; 19:37Lino bakabweza Asaheli, bakaakumuzika mumavwiko aabawisi mu-Betelehemu. Nkabela joabu abantu bakwe bakeenda masiku oonse, elyo nibwakaca cifumofumo bakasika ku-Hebroni.
Currently Selected:
2 Samuele 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
