2 Samuele 3
3
1 #
Int 46:9; Is 2:4; Mik 4:3; Mt 10:35,36; Gal 5:17; Ef 6:12 Lino kakuli inkondo ciindi cilamfu akati kamukowa wa-Saulo amukowa wa-Davida, nkabela Davida wakali kuya buyumizigwa, pele mukowa wa-Saulo wakali kuya bukompamizigwa.
Bana ba-Davida mbaakazyala ku-Hebroni
2 #
1 Mak 3:1; 1 Sam 25:43 Nkabela Davida wakazyalilwa bana ku-Hebroni. Mutaanzi nguAmnoni, iwakazyalwa Ahinoamu mu-Jezreeli, 3#2 Sam 13:37; 1 Sam 27:8wabili kali Kileabu iwakazyalwa Abigayeli muka-Nabala mu-Karameli, watatu kali Abisalomu, iwakazyalwa Maaka mwana wa-Talimai mwami wa-Gesuri, 4#1 Bam 1:5; 2:13-25wane kali Adonija iwakazyalwa Hagiti, wasanu Sefatiya iwakazyalwa Abitali, 5awamusanu aumwi kali Itreamu iwakazyalwa Egila muka-Davida. Aba Davida mbaakazyala ku-Hebroni.
Abineri mbwaakakazyanya a-Isibosete akutangana buzolwani a-Davida
6 #
2 Sam 2:8,9; 2 Mak 25:8 Lino inkondo niyakali kulwa akati kamukowa wa-Saulo amukowa waDavida, Abineri wakaliyumya mumukowa wa-Saulo. 7#2 Sam 21:8,10Nkabela Saulo wakalijisi mumambe wakwe, izina lyakwe kali Rizipa mwana wa-Aya. Lino Isibosete wakaambila Abineri kuti, Nkaambonzi nowalalika mumambe waba taata? 8#Dt 23:18; 1 Sam 24:15; 2 Sam 16:9Mpawo Abineri wakanyema loko nkaambo kamajwi aya ngaakaamba Isibosete. Wakati, Sa ndi mubwa waba-Juda? Ecino ciindi ndi mukucita buuya kumukowa wa-Saulo uso akubakwabo akubeenzinyina, alimwi teendakwaaba mumaanza aa-Davida, nekubaboobo sunu wandipa mulandu kumwanakazi oyu. 9#1 Sam 15:28; 16:1,12; 1 Mak 12:23; Rut 1:17; 1 Bam 19:2; Int 78:70; 89:19,20; Inc 13:22Leza acitile Abineri mbubonya obo nanka kwiinda, na entacitili Davida mbubonya mbuli Jehova mbwaakamukonkezya. 10#Bab 20:1; 2 Sam 17:11; 1 Bam 4:25Njoonyanzya bwami kumukowa wa-Saulo akwiimika cuuno cabwami bwa-Davida kucisi coonse caba-Israyeli acaba-Juda kuzwa ku-Dani akusikila ku-Beereseba. 11Mpawo taakwe naakacili kukonzya kwaambila Abineri, nkaambo wakali kumuyoowa.
12Lino Abineri wakatuma batumwa kuli-Davida ku-Hebroni nkwaakabede, wakati, Njiyani eyi nyika? Alimwi wakati, Atutangane ayebo cizuminano, elyo ijanza lyangu lizookugwasya, kuti bwami boonse bwa-Israyeli buboole kulinduwe. 13#Matl 43:3; 44:23,26; 1 Sam 18:20Wakati, Ncibotu, tulatangana ayebo cizuminano, pele nkucili cintu comwe ncinjanda kukubuzya. Ciindi ncozoondiswaya, tatukoozoobonana kumeso cita ukaletelezye Mikala mwana wa-Saulo. 14#1 Sam 18:25,27Mpawo Davida wakatuma batumwa kuli-Isibosete mwana wa-Saulo, wakati, Ndipa mukangu Mikala, ngonguwe ngundakasela lubono lwandomo zili mwaanda zyaba-Filisti batapalwidwe. 15Elyo Isibosete wakatuma kuzoomuleta kuzwa kwa-Palitieli mwana wa-Laisi. 16#2 Sam 19:16Nkabela mulumaakwe wakamusindikila uya bulila mane kusikila ku-Bahurimu. Elyo Abineri wakamwaambila kuti, Koya, ukapiluke. Nkabela wakapiluka.
17Lino Abineri wakaambila bapati ba-Israyeli kuti, Kuciindi cakamana mwakali kuyandaula Davida kuti abe mwami wanu. 18Lino kamucita mbubonya, nkaambo Jehova waamba aa-Davida kuti, Davida mulanda wangu ngunsikavunye bantu bangu ba-Israyeli kumaanza aaba-Filisti akumaanza aabasinkondonyina boonse. 19#1 Mak 12:29Alimwi Abineri wakaamba mbubonya obo mumatwi aaba-Benjamini, elyo wakaya kuyooamba mumatwi aa-Davida ku-Hebroni akumulwiida makani ngebakali kuyanda ba-Israyeli amukowa woonse wa-Benjamini. 20Aboobo Abineri wakasika kuli-Davida ku-Hebroni, wakeza abantu bali makumi obile, nkabela Davida wakacitila Abineri abantu mbaakali abo ipobwe. 21#Dt 14:26; 1 Bam 11:37; Int 20:4Mpawo Abineri wakaambila Davida kuti, Nyamuke, njiinke kuyoobunganya boonse ba-Israyeli kulinduwe omwami wangu, kuti utangane abo cizuminano, ube mwami mbubonya mbuli moyo wako mbuuyanda. Lino Davida naakamuzumizya, wakainka caluumuno.
Joabu mbwaakajaya Abineri
22Elyo Joabu abalanda ba-Davida bakazwa kukusaala, nkabela bakaletelela zisaalo zinji, pele Abineri katako, nkaambo Davida wakalimuzumizizye kale kwiinka caluumuno. 23Lino Joabu abasinkondo boonse mbaakali abo nibakasika, Joabu wakaambilwa kuti, Abineri mwana wa-Neri wakasika kumwami, nkabela mwami wakamuzumizya kwiinka caluumuno. 24Mpawo Joabu wakeza nkwaakabede mwami, wakati, Ino ncinzi nciwacita? Abineri wakasika kulinduwe. Nkaambonzi nowakamuzumizya kuti ainke buyo? 25#My 27:17; Dt 28:6; 1 Sam 29:6; Int 121:8; Is 37:28Sa tozi kuti Abineri mwana wa-Neri wakeza kuzookweena buyo? Wakeza kuzoobona mboendeenda amboboola amilimo yoonse njocita. 26Lino Joabu naakazwa kuli-Davida, wakatuma batumwa bakuyootobela Abineri, nkabela bakamuboozya kuzwa kucikala caku-Sira, pele Davida katacizi pe. 27#1 Bam 2:5; 2 Sam 20:9,10; Matl 4:8; 2 Sam 2:23; 4:6Mpawo Abineri naakaboola ku-Hebroni, joabu wakamutola kumbali amulyango, kuti amwambwiide cakutontola, elyo wakamuyasa abumbu, nkabela wakafwa, nkaambo kabulowa bwa-Asaheli mukulana wakwe.
28Lino Davida naakamvwa makani aya, wakati, Mebo nsijisi mulandu, acalo cisi cangu tacijisi mulandu kumeso aa-Jehova, Mulandu wabulowa bwa-Abineri mwana wa-Neri tokooyooba wesu, pe, akutamani. 29#Bab 9:54-57; 1 Bam 2:32,33; Int 7:11,16; 94:22,23; Tus 2:22; 5:22; Lev 15:2Uboole amutwe wa-Joabu amitwe yabasiluzubo bakwe boonse. Mazuba oonse luzubo lwakwe lube amuntu uuciswa kanswende nanka sicinsenda nanka uuenda amusako nanka uujayigwa munkondo nanka uubula cakulya.
30 #
2 Sam 2:23
Mbuboobo Joabu a-Abisai munyina mbubakajaya Abineri, nkaambo kakuti ngonguwe nguwakajayide Asaheli mukulana wabo munkondo yakuGibeoni.
Davida mbwaakalila Abineri
31 #
2 Sam 1:2,11; Jos 7:6; Bab 11:35; 2 Bam 19:1; Matl 37:34; Job 16:15; Joel 1:8 Elyo Davida wakaambila Joabu abantu boonse mbaakali abo kuti, Amudeluule zyakusama zyanu akusama zisani zyantebe, kuti mweende bulila kunembo lya-Abineri. Nkabela mwami Davida wakali kuza bweenda kusule lyamacila. 32#1 Sam 31:4; 2 Sam 1:12; 18:33; Tus 24:17Lino bakazika Abineri mu-Hebroni, nkabela mwami wakanyampula ijwi lyakwe, wakalila kukabanda ka-Abineri, abalo bantu boonse bakalila. 33#2 Sam 13:13; Muk 2:15,16Mpawo Davida wakaimba lwiimbo lwakulila Abineri. Lwiimbo ndoolu.
Sa cakabota kuti Abineri afwe mbwafwa mufubafuba?
34Maanza aako taakaangidwe pe,
Azyalo zituta zyako teezyakasungidwe munkeetani.
Mbuli muntu mbwajayigwa kumaanza aabataluleme,
Mbubonya obo mbowakajayigwa webo.
Elyo bantu boonse bakacili kumulila.
35 #
2 Sam 12:17; Jer 16:7; Rut 1:17; 2 Sam 1:12 Mpawo bantu boonse bakeza kuli-Davida kuti bamulisye insima kakutana kusia. Pele Davida wakakonka kuti, Leza andicitile mbubonya nanka cakwiinda na ndalya insima niciba cintu cimwi izuba nilitana kubbila. 36Lino bantu boonse bakaswiilila, nkabela cakabota mumeso aabo mbuli mbucakali kubabotela kufumbwa cintu ncaakacita mwami. 37Aboobo bantu boonse aba-Israyeli boonse bakaziba mubuzuba obo kuti kateensi kumwami nkwaakazwa makani aakujaya Abineri mwana wa-Neri. 38Nkabela mwami wakaambila balanda bakwe kuti, Sa tamuzi kuti buzuba obuno kwafwa muntu mulemu mupati mucisi ca-Israyeli? 39#2 Sam 19:7,13; 1 Bam 2:5,6,33,34; Int 28:4; 62:12; 2 Tim 4:14Ambebo ndabula inguzu, nekuba kuti ndi mwami munanike, nkaambo aba bantu, bana baZeruya, mbayumu kulindime. Jehova abweedezye muntu uucita zibi mbubonya mbuli mbwabisya.
Currently Selected:
2 Samuele 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
