2 Samuele 1
1
Davida mbwaakaletelwa makani aalufu lwa-Saulo
1 #
1 Sam 11:11; 30:17,26; 1 Bam 20:29,30 Lino Saulo naakamana kufwa, Davida wakaboola kuzwa kukuuma ba-Amaleki, nkabela wakakala mu-Zikilaga mazuba obile, 2#2 Sam 4:10; Matl 37:29; 44:13; My 14:6; Jos 7:6; 1 Sam 4:12; Job 1:20; Inc 14:14elyo mulibwatatu kwakasika umwi muntu kuzwa kumalabba kuli-Saulo. Oyu muntu zyakusama zyakwe zyakalidelukidwe, alimwi wakali avu amutwi! wakwe, nkabela naakasika kuli-Davida, wakaliwaala ansi akumukotamina. 3Mpawo Davida wakamubuzya kuti, Ino uzwidai? Lino wakamwaambila kuti, Ndaloboka kuzwa kumalabba aaba-Israyeli. 4#1 Sam 4:16Elyo Davida wakamwaambila kuti, Kwaambwanzi? Kondilwiida makani. Wakati, Bantu bacija kuzwa kunkondo, alimwi bantu banji balifwide, abalo Saulo a-Jonatani mwanaakwe balifwide.
5Lino Davida wakamwaambila oyo mulombe iwakamulwiida kuti, Uzi buti kuti Saulo wafwa, a-Jonatani mwanaakwe? 6#1 Sam 31:1-6; 1 Mak 10:1-6Nkabela mulombe iwakamulwiida wakati, Nkendiwo ambebo acilundu ca-Giliboa, elyo Saulo wakalilimbilila asumo lyakwe, abalo basiŋola abasimbizi bakali kuya bumutobelela. 7Mpawo naakaceba, wakandibona, wakandiita, lino ndakati Mpendi. 8Elyo wakandibuzya kuti, Nduweni? Ndakati, Ndi mu-Amaleki. 9Mpawo wakandaambila kuti, Zoondiimikile akundijaya, nkaambo ndaba acizyungubweebwe, pele buumi bwangu mpobucili. 10#Bab 9:54Elyo ndakamwiimikila akumujaya, nkaambo ndakalizi kuti takoobuka alimwi mbawide. Nkabela ndakabweza munsini iwakali amutwe wakwe, ankaya iyakali kukuboko kwakwe, ndazileta okuno kulinduwe, O mwami wangu.
11 #
Jos 7:6; 2 Sam 3:31; 13:31; 2 Mak 34:27; Ezr 9:3; Joel 2:13 Mpawo Davida wakajata zyakusama zyakwe, wakazideluula, abalo bantu boonse mbaakali abo bakacita mbubonya. 12Nkabela bakoomoka akulila akuliimya zilyo mane kusikila kumabbililo aazuba, nkaambo ka-Saulo a-Jonatani mwanaakwe abantu boonse ba-Jehova aluzubo lwa-Israyeli nkaambo bakajayigwa kupanga. 13Lino Davida wakabuzya oyo mulombe iwakamulwiida kuti, Ino uzwa kuli? Wakati, Ndi mwana wamuzwakule, mu-Amaleki. 14#My 12:8; 1 Sam 24:6; Int 105:15Elyo Davida wakamwaambila kuti, Nkaambonzi notakali kuyoowa kutambika ijanza lyako kukujaya munanike wa-Jehova? 15#Bab 8:20; 1 Sam 22:17,18; 2 Sam 4:10; 1 Bam 2:25,34,46Lino Davida wakaita umwi wabalombe, wakati, Koya afwiifwi, umujaye, Mpawo wakamuuma, wakafwa. 16#1 Sam 26:9; 1 Bam 2:32; Lk 19:22Nkabela Davida wakati, Bulowa bwako bukutikile omwini, nkaambo mulomo wako omwini nguwakupesya wakuti, Ndajaya munanike wa-Jehova.
Lwiimbo Davida ndwaakalizya Saulo a-Jonatani
17Elyo Davida wakaimba olu lwiimbo lwakulizya Saulo a-Jonatani mwanaakwe. 18#Jos 10:13Nguwe wakalailila kwiiya bana ba-Juda lwiimbo lwabuta. Lulilembedwe mubbuku lya-Jasari.
19Bulemu bwa-Israyeli bulijayidwe azilundu.
Maawe! Basintaze balifwide!
20 #
Bab 16:23; 1 Sam 31:9; Mik 1:10; Kul 15:20; Bab 11:34; 1 Sam 18:6; 31:4 Mutabalwiidi baku-Gati,
Mutamwaisyi makani mumigwagwa ya-Asikeloni,
Kuti bana basimbi baba-Filisti batakondwi,
Kuti bana babatapalwidwe batasekeleli.
21 #
Bab 5:23; Job 3:3,4; Jer 20:14; 1 Sam 10:1 Nuzilundu zya-Giliboa,
Mutasikilwi lume nikuba kuwidwa imvula,
Nikuba kuba amyuunda iizyalisya micelo.
Nkaambo nkukonya oko intobo yabasintaze nkuyakafwisigwa bweeme.
Intobo ya-Saulo tiikwe niiyoonanikwa mafuta.
22 #
1 Sam 18:4
Kuzwa kubulowa bwabajayidwe,
Akuzwa kumafuta aabasintaze,
Buta bwa-Jonatani teebwakajoka,
Alyalo ipanga lya-Saulo teelyakaboola buyo.
23 #
Bab 14:18
Saulo a-Jonatani bakali bayandwi,
Bakali babotu mubuumi bwabo,
Amulufu lwabo teebakaanzaana pe.
Bakali aluno kwiinda insika,
Bakali anguzu kwiinda balavu.
24Nubasimbi ba-Israyeli, amulile Saulo.
Ngonguwe iwakamusamika zisani zyamwenda zyeebesi,
Ngonguwe iwakamubikila zyeebesi zyangolida azyakusama zyanu,
25Maawe I Basintaze balifwide!
Jonatani ulijayidwe atala azilundu!
26 #
1 Sam 18:1,3; 19:2; 20:17 Moyo wangu waatikila mucamba cangu
Nkaambo kanduwe, jonatani mukwesu.
Wakali kubotezya loko moyo wangu,
Aluyando lwako ndookandiyanda lwakali kugambya.
Lwakali kwiinda luyando lwabanakazi.
27Maawe! Basintaze balifwide,
Azilwisyo zyankondo zyanyonyooka.
Currently Selected:
2 Samuele 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
