1 Samuele 3
3
Leza mbwaakalibonya kuli-Samuele
1 #
Int 74:9; Am 8:11 Lino mwana Samuele wakali kumanina Jehova milimo kumeso aa-Eli, nkabela ijwi lya-Jehova lyakali kuyandika kuciindi eco, kakutakwe bulu nguluzi ubwakaide impuwo. 2Lino buzuba bumwi Eli wakalilede kulinguwe nkabela meso aakwe akaamba kuofwaala, katakonzyi kubonesya. 3#Kul 27:21; 30:7,8; Lev 24:3Nkabela ilampi lya-Leza kalitana kuzima, Samuele kalede muntempele lya-Jehova nkulyakabede ibbokesi lya-Leza. 4Lino Jehova wakaita Samuele, nkabela wakavuwa wati, Mpendi. 5Lino wakazuzaanina kuli-Eli, wakaamba wati, Mpendi, nkaambo wandiita, Wakaamba wati, Nsiitide pe! Bweeda, ukalale. Lino wakaya, wakalala. 6Nkabela Jehova wakaboola kabili kuongolola, wati, Samuele! Lino Samuele wakanyampuka, wakaya kuli-Eli, waamba wati, Mpendi, nkaambo wandiita! Waamba wati, Nsiitide mwanaangu. Bweeda, ukalale. 7#Jer 9:24; Inc 19:2Lino Samuele katana kumuziba Jehova, alyalo ijwi lya-Jehova kalitana kumubonekela. 8Mpawo Jehova wakaboola kuongolola Samuele alwatatu, nkabela wakanyampuka, wakaya kuli-Eli, wakaamba wati, Mpendi, nkaambo wandiita! Lino Eli wakabona kuti Jehova nguuita mwana. 9Mpawo EH wakaambila Samuele wati, Koya, ukalale, lino akwiita uvuwe kuti, Koamba, Jehova, nkaambo mulanda wako ulaswiilila. Nkabela Samuele wakaya wakalala kulinguwe. 10#Int 85:8; Inc 9:6Lino Jehova wakaboola, wakiima, woongolola mbuli ziindi zyoonse, wati, Samuele, Samuele. Mpawo Samuele wakavuwa, wati, Koamba, ikuti mulanda wako ulaswiilila.
11Lino Jehova wakaambila Samuele wati, Bona! Ndacita cintu muIsrayeli, elyo kufumbwa muntu uuyoociswiilila, matwi aakwe oonse obile alapakamana. 12#1 Sam 2:30Mubuzuba obo njoozuzya kuli-Eli makani oonse nginda-kaambide kuluzubo lwakwe kuzwa kumasaangunino kusikila kumamanino. 13#1 Sam 2:12Nkaambo ndakamwaambila kuti ndabeteka luzubo lwakwe lyoonse nkaambo kamulandu ngwazi, ikuti bana bakwe basampaula Leza, nkabela walo tabakasyi pe. 14#My 15:30; Is 22:14; Jer 7:16; Heb 10:26-31Nkaambo kako ndakonkezya kuluzubo lwa-Eli kuti milandu valuzubo lwa-Eli tiikonzyi kumanizigwa kucipaizyo nikuba kucituuzyo mane kukabe kutamani,
15Lino Samuele wakalala kusikila kukuca, wakajula milyango yaŋanda ya-Jehova, Nkabela Samuele wakali kuyoowa kwaambila Eli cilengano. 16Limo Eli wakaita Samuele, wakaamba wati, Mwanaangu Samuele. Nkabela wakaamba wati, Mpendi! 17#Rut 1:17; Mt 26:63Lino wakabuzya wati, Makaninzi ngowaambilwa? Utasisi kulindime pe. Leza akucitile mbubonya obo akwiinda kuti wandisisa cintu niciba comwe akati kamakani oonse ngaakwaambila. 18#Matl 18:25; 1 Sam 16:10-12; Job 1:21; 2:10; Int 39:9; Is 39:8; 1 Pet 5:6Mpawo Samuele wakamwaambila makani oonse, teewakasisa cintu niciba comwe. Lino wakaamba wati, Ngu-Jehova! acite kufumbwa cintu cimubotela kumeso aakwe.
19 #
Matl 39:2; 1 Sam 18:14; 2 Tim 4:22; 1 Sam 9:6 Nkabela Samuele wakakomena, alakwe Jehova kabali awe, teewakawisya ansi ijwi lyakwe niliba lyomwe. 20#Bab 20:1Nkabela ba-Israyeli boonse kuzwa kuDani kusikila ku-Beereseba bakaziba kuti Samuele kabikidwe mbuli musinsimi wa-Jehova. 21#Matl 12:7; 15:1; My 12:6; Am 3:7; Heb 1:1Nkabela Jehova wakaboola kulibonya mu-Sile, nkaambo Jehova wakalibonya kwa-Samuele mu-Sile kujwi lya-Jehova.
Currently Selected:
1 Samuele 3: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
