1 Samuele 2
2
Lwiimbo lwa-Hana ndwaakalumbya Leza
1 #
Lk 1:46-55; Flp 4:6; Int 9:14; 13:5; 20:5 Lino Hana wakakomba wakaamba wati,
Moyo wangu wakondelwa muli-Jehova,
Mutwe wangu wasongomekwa muli-Jehova.
Mulomo wangu waba silubweko kulibasinkondoma,
Nkaambo ndasekelela lufutuko lwako.
2 #
Kul 15:11; Is 6:3; 57:15; Dt 4:35; Int 73:25 Taakwe uusalala mbuli Jehova,
Nkaambo taakwe umbi, ndiwe olike.
Taakwe mwaala uuli mbuli Leza wesu.
3 #
Mal 3:13
Mutaambisyi cakulisumpula,
Cimpangwe citazwi kumilomo yanu pe.
Nkaambo Jehova ngu-Leza waluzibo,
Nguwe uueleka milimo.
4Mata aabasimizunda alatyoka,
Pele bazeelesi balisamika inguzu mbuli lutambo.
5 #
Lk 1:53; Int 113:9; Is 54:1; Gal 4:27 Bakakutisizye balabelekela zilyo,
Pele basinzala balipumunide.
Alakwe musundi wazyala bana bali musanu ababili,
Anukuti uuzyede bana banjibanji woongelwa.
6 #
Dt 32:39; Job 5:18; Hos 6:1; Joh 5:25-29; 11:25,26; Ciy 1:18 Jehova nguujaya akuponya,
Nguwe uunjizya mukabanda akugwisya mumo.
7 #
Job 1:21; 5:11; Int 102:10; 75:7 Jehova nguutengwaanya akuvubya,
Nguwe uuselusya akusumpula.
8 #
Dan 4:17; Matl 41:14; 1 Sam 15:17; Job 36:7; Jak 2:5; Ciy 1:6; 3:21; Heb 1:3 Ulabusya mutengwaana kuzwa kulusuko,
Ulagwisya mucete kuzwa kuzitantaala,
Kuti amukalike antoomwe abami
Akumukonya cuuno cabulemu.
Nkaambo misemu yansi njiya-Jehova,
Nguwe wakasitikizya insi alinjiyo,
9 #
Int 91:11; 1 Sam 14:6 Uleenzya maulu aabasalali bakwe,
Pele babi balaumunisizigwa mumudima,
Nkaambo taakwe muntu uukonzya kuzunda kunguzu zyakwe mwini.
10 #
Int 96:13
Balwisya Jehova balapwayulwa,
Ulabagalamukila kuzwa kujulu.
Nguwe uubeteka kusikila kumamanino aanyika.
Ulapa mwami wakwe inguzu
Akusongomeka mutwe wamunanike wakwe.
Bana ba-Eli mbubakali kubisya
11 #
1 Sam 3:1
Lino Elikana wakapiluka kulinguwe ku-Rama, nkabela mwana wakali kubelekela Jehova milimo kubusyu bwa-Eli mupaizi. 12#Dt 13:13; Rom 1:28Nkabela bana baalumi ba-Eli kabali bana-Saatani, kabatezi Jehova. 13Lino ciyanza cabapaizi kubantu cakali boobu. Muntu umwi aumwi naakali kupaila cipaizyo, wakasika mulanda wamupaizi, nyama niyakacili mukubila, wakalijisi ciyasyo cili ameno otatwe mujanza lyakwe. 14Lino wakali kuyasa mucibiya nimuba mudongo nimuba mumupika nimuba mumpoto, elyo yoonse njicakali kujata ciyasyo nciconya ncaakabweza mupaizi mwini. Mbuboobu mbubakali kucita aba-Israyeli boonse abakali kusika oko ku-Silo. 15Alimwi mafuta kaatana kutentwa wakali kusika mwana wamupaizi, kwaambila muntu uupaila kuti, Undipe nyama, njokele mupaizi, nkaambo tayandi nyama iijikidwe pele imbisi. 16Lino oyo muntu inga wakali kumwaambila kuti, Pele abasaangune kutenta mafuta, noti tole mbuuyanda moyo wako. Lino wakaamba kuti, Pe, uleelede kundipa lino. 17#Matl 6:11; Mal 2:8; Rom 2:24Kuti ukake ndiibweza anguzu. Mbuboobo zibi zyabana abo mbuzyakavulide loko kumeso aa-Jehova, nkaambo bakali kusampaula cipaizyo ca-Jehova,
Leza mbwaakalongezya Bana
18 #
Kul 28:4
Lino Samuele wakali kubeleka milimo kubusyu bwa-Jehova, kali mwana uusamide cikobela casani lituba. 19Alimwi banyina bakali kumucitila kabaki kaniini, kabatola kulinguwe mwaaka umwi aumwi nibakali kuya amulumaakwe kuyoopaila cipaizyo camyaaka yoonse. 20Nkabela Eli wakali kulongezya Elikana amukakwe, waamba wati, Jehova akupe bana kumwanakazi oyu nkaambo ka cikoloto eci ncaakolotesya Jehova. Lino bakali kubweeda kulimbabo. 21#Matl 21:1; Lk 2:40Nkabela Jehova wakaswaya Hana, lino wakamita, wakazyala bana balombe botatwe abasimbi bobile. Nkabela mwana Samuele wakakula kumeso aa-Jehova.
Eli mbwaakanyemena bana bakwe
22Nkabela Eli wakacembaala loko, alimwi wakali kuswiilila zyoonse nzibakali kucita bana bakwe kuba-Israyeli boonse ambubakali kulalika banakazi abakali kumana milimo kumulyango watente lyakuyobolekela. 23Lino wakabaambila wati, Nkaambonzi nomucita obo? Ikuti ndiswiilide milimo yanu mibi kuzwa kubantu boonse. 24Pe, bana bangu, nkaambo teensi imbotu impuwo njinswiilila. Mulapambusya bantu ba-Jehova. 25#My 15:30; Dt 2:30; Tus 15:10; Joh 12:39,40Kuti muntu wabisizya mweenzinyina, Leza ulamubeteka. Pele muntu abisizya Jehova, ino nguni uukonzya kumukombelezezya? Nekubaboobo teebakali kuswiilila ijwi lyawisaabo, ikuti Jehova kayanda kubajaya. 26#Lk 2:52; Tus 3:4; Lk 2:40; Inc 2:47; Rom 14:18Nkabela mwana Sumuele wakali kuya bukula akubota kumeso aa-Jehova akumeso aabantu.
Muntu wa-Leza mbwaakasinsima lufu lwabana ba-Eli
27 #
1 Bam 13:1; Kul 4:14 Lino kwakasika muntu wa-Leza kwa-Eli, wakamwaambila wati, Mbuboobu mbwaamba Jehova, Teendakalibonya kumeso aaluzubo lwauso nilwakacili mu-Egepita mubuzike bwakwa-Faro? 28#Kul 28:1-4; Lev 7:35-36; 2:3Teendakamusala kuzwa kumikowa yoonse ya-Israyeli kuti andibede mupaizi wakupaila acipaililo cangu akutenta tununkilizyo akusama cikobela cituba kubusyu bwangu? Teendakapa luzubo lwauso zipaizyo zyamulilo zyoonse zyabana ba-Israyeli? 29#Dt 32:15; Mal 1:12; Dt 12:5Ino nkaambonzi nomulyata cipaizyo cangu acituulo cangu ncindakalaizya muŋanda yangu? Ino nkaambonzi noolemeka bana bako kwiinda ndime nukulinencesya kwanu kuzipaizyo zyoonse ziinda kubota zyabantu bangu ba-Israyeli,
30 #
1 Mak 15:2; Jer 18:9; Int 18:20; 91:14; Joh 5:44; 12:26; 1 Pet 1:7; My 11:20; 2 Sam 12:9,10; Mal 2:9 Nkaambo kako Jehova Leza wa-Israyeli ulaamba kuti, Ncobeni ndakaamba kuti baluzubo lwako aluzubo lwauso baleenda kubusyu bwangu mazuba oonse, pele sunu Jehova ulaamba kuti, Pe! tacikonzeki! nkaambo abo bandilemeka ambebo ndabalemeka, pele abo bandisampaula balaubulwa. 31#1 Sam 4:11Swiilila! mazuba azoosika ninzookosokezya bana bako abana baluzubo lwauso, kuti kutabi naba omwe uucembeede muluzubo lwako. 32#Zek 8:4Nkabela uzoobona mapenzi aaŋanda yangu, nkaambo kuyoobota ku-Israyeli, pele muluzubo lwako takukooyoojanwa uuongola mazuba conse. 33Muntu omwe nsikoozoomukosokezya kulinduwe kuzwa kucipaililo cangu, ndakuleka kuti anyonyozye meso aako akupenzya moyo wako, nkabela bana bazwa kuluzubo lwako balafwa boonse kabacili bayumu. 34#1 Sam 4:11Lino eci ncecitondezyo cizooba kulinduwe akubana bako bobile Hofeni a-Pinehasi, mubuzuba bomwe bayoofwa boonse bobile. 35#1 Bam 2:35; 1 Mak 29:22; Heb 2:17; 7:26-28; 2 Sam 7:11; 1 Bam 11:38; Int 2:2Nkabela nzoobika mupaizi uusyomeka uuyoocita mbuli mbuuyanda moyo wangu amiyeeyo yangu. Oyo njoomuyakila iŋanda iijatide kuti aende kubusyu bwamunanike wangu mazuba oonse. 36#1 Bam 2:27Nkabela umwi aumwi uusyaala kuluzubo lwako uzoosika kuzoomukotamina kuti avole tuli twansiliva nikaba kankwa kansima, Ulaamba kuti, Ikaka kondipa milimo niiba iili buti yabupaizi, nkalye munsuma wansima.
Currently Selected:
1 Samuele 2: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
