1 Samuele 4
4
1 #
1 Sam 7:12
Nkabela ijwi lya-Samuele lyakasika kuba-Israyeli boonse.
Ba-Israyeli mbubakalwana aba-Filisti akunyanzigwa Ibbokesi lya-Leza
Lino ba-Israyeli bakainka kuyoolwana aba-Filisti, nkabela bakabamba zilao zyabo kufwaafwi ku-Ebenezeri, abalo ba-Filisti bakabamba zilao zyabo ku-Afeki. 2Mpawo ba-Filisti bakalibamba kuyooswaana aba-Israyeli. Lino inkondo yakakomena, elyo ba-Israyeli bakakomwa kuba-Filisti, nkabela akati kabasilumamba bamusokwe kwakajayigwa bali mbuli zyuulu zyone,
3Mpawo bantu nibakasika kuzilao, banene ba-Israyeli bakaamba bati, Ino nkaambonzi Jehova watukoma sunu kubusyu bwaba-Filisti? Atuliyandwiide kuzwa ku-Sile ibbokesi lyacizuminano ca-Jehova, lisike akati kesu, lituvune kumaanza aabasinkondoma besu. 4#Kul 25:18,22; 2 Sam 6:2; Int 80:1; My 7:89Mpawo bantu bakatuma ku-Sile, bakagwisya nkukonya ibbokesi lyacizuminano ca-Jehova wamakamu makamu uukala akati kaba-Kerubi, nkabela bana bobile ba-Eli, Hofeni a-Pinehasi, kabaliko antoomwe abbokesi lyacizuminano ca-Leza. 5Lino ibbokesi lyacizuminano ca-Jehova nilyakasika kuzilao, ba-Israyeli boonse bakoongolola aloongololo lupati, anyika ayalo yakavwiilila. 6Nkabela ba-Filisti nibakamvwa ijwi lyaloongololo olo bakaamba bati, Ino ncinzi eli ijwi lyaloongololo lupati lizwa kuzilao zyaba-Hebrayo? Lino bakamvwa kuti ibbokesi lya-Jehova lyasika kuzilao. 7Mpawo ba-Filisti bakayoowa, nkaambo bakaamba kuti, Wasika Leza kuzilao. Alimwi bakaamba bati, Mawe! twapenga! nkaambo makani aali boobu taanabwenwe noliba jilo nokuba kuciindi cakamana. 8Mawe! twapenga! ngwani uukonzya kutuvuna kumaanza aamizimo eyi miyumu? Njiyonya eyi mizimo iyakauma ba-Egepita ingumo zyoonse munkanda. 9#2 Sam 10:12; 1 Mak 19:13; 1 Kor 16:13; Ef 6:10,11; Bab 13:1; 1 Sam 12:9Amuliyumye, mube baalumi, noba-Filisti, kuti mutabi bazike kuba-Hebrayo mbuli mbubakaba bazike kulindinywe. Amube baalumi, mulwane! 10#Lev 26:17; Dt 28:25; 32:30; Int 78:9,62Lino ba-Filisti bakalwana, nkabela ba-Israyeli bakakomwa, bakacija umwi umwi kucilao cakwe, nkabela kwakaba luumo lupati loko, kwakajayigwa akati kaba-Israyeli basimyeendo bali zyuulu zili makumi otatwe, 11#1 Sam 2:32; Int 78:61,64Nkabela ibbokesi lya-Leza lyakanyanzigwa, abana bobile ba-Eli, Hofeni a-Pinehasi, bakajayigwa.
Lufu lwa-Eli
12 #
Jos 7:6; 2 Sam 13:19; 15:32; Neh 9:1; Job 2:12 Lino obo buzuba umwi muntu mu-Benjamini wakacija kuzwa kunkondo, wakasika ku-Sile, wakeza azikobela zyakwe zidelukide, alimwi kumutwe wakwe kwakali ivu. 13#1 Sam 1:9Mpawo naakasika, wakabona Eli ulikede acuuno cakwe kubbazu lyanzila, wakali kulangila, nkaambo moyo wakwe wakali kubila nkaambo kabbokesi lya-Leza. Lino muntu naakasika kumunzi akwaamba makani, munzi woonse wakalila. 14Nkabela Eli naakaswiilila cikwala cakulila wakabuzya wati, Ino ndupyopyonganonzi olu lucita cikwala? Lino oyo muntu wakafwambaana kusika akwaambila Eli makani. 15Nkabela Eli kajisi myaaka iili makumi aali musanu mwaane aali amusanu mwaatatu yakukomena, ameso aakwe akaofwaala, takakali kukonzya kubona. 16#2 Sam 1:4Mpawo oyo muntu wakaambila Eli wati, Ndime ndakazwa kunkondo, ndacija sunu kuzwa kunkondo. Lino wakabuzya wati, Makaninzi mwanaangu? 17Nkabela sikuleta makani wakavuwa wati, Ba-Israyeli bacija kumeso aaba-Filisti, nkaambo kwakaba luumo lupati akati kabantu, nkabela bana bako bobile bafwa, Hofeni a-Pinehasi, abbokesi lya-Leza alyalo lyanyanzigwa. 18Mpawo aambe buyo makani aabbokesi lya-Leza, Eli wakawa kusule acuuno cakwe kubbazu lyamulyango, nkabela insingo yakwe yakatyoka, wafwa, nkaambo kali mucembele, kali mulemu. Nkabela wakabeteka ba-Israyeli myaaka iili makumi one.
19Nkabela mukamwana wakwe Pinehasi kamitide ida, kali kufwaafwi kuzyala, nkabela naakamvwa impuwo yakuti ibbokesi lya-Leza lyanyanzigwa ayakuti bausozyala amulumaako bafwa wakalikotamina akuzyala, nkaambo kakuti lusungo lwakasika kulinguwe. 20#Matl 35:17Lino naakaamba kufwa, banakazi abakaimvwi oko nkwaakabede bakaamba bati, Utayoowi pe, nkaambo wazyala mwana mulombe, nekubaboobo teewakamvwa nikuba kubika moyo. 21#Int 26:8; 78:61; Hos 9:12Nkabela mwana wakamuulika izina lya-Ikabodi, nkaambo wakaamba kuti, Bulemu bwalonga kuzwa ku-Israyeli, nkaambo kakuti ibbokesi lya-Leza lyakanyanzigwa akaambo kawisizyala amulumaakwe, 22Wakaamba wati, Bulemu bwalonga kuzwa ku-Israyeli, nkaambo ibbokesi lya-Leza lyanyanzigwa.
Currently Selected:
1 Samuele 4: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
