1 Makani 16
16
1 #
2 Sam 6:17-19
Mbuboobo mbubakaleta ibbokesi lya-Leza akulikazika mukati kacilao Davida ncaakalibambilide, nkabela bakatuula zituuzyo azipaizyo zyakutontozya kubusyu bwa-Leza. 2Elyo Davida naakamana kutuula zituuzyo azipaizyo zyakutontozya, wakalongezya bantu muzina lya-Jehova. 3Nkabela wakaabila bantu boonse ba-Israyeli, baalumi abanakazi, umwi aumwi cimbulunge cacinkwa acituli canyama acibunge camicelo iiyanikidwe.
4Alimwi wakasala bamwi ba-Levi kuti bamane milimo kunembo lyabbokesi lya-Jehova, balemeke akulumba akutembaula Jehova Leza wa-Israyeli. 5Silutwe wabo kali Asafu, abamutobela mbaaba: Zekariya, Jeieli, Semiramoti, Jehieli, Matitiya, Eliabu, Benaya, a-Obedi-Edomu, a-Jeieli, ibakali kulizya nyeele atuntimbwa. Asafu nguwakali kulizya zigweele, 6a-Benaya a-Jahazieli bapaizi mbobakali kulizya myeembo ciindi coonse kunembo lyabbokesi lyacizuminano ca-Leza.
Lutembauzyo lwa-Davida
7 #
2 Sam 23:1
Lino ndoolu lutembauzyo Davida ndwaakataanguna kubika mubuzuba obo kuti lwiimbilwe Jehova kumilomo ya-Asafu ayababunyina.
8 #
Int 105:1; 145:1 Amulumbe Jehova, mukwiilile izina lyakwe.
Amuzibye bantu milimo yakwe mipati.
9 #
Int 95:1,2; 100:1 Amumwiimbile, amumutembaule.
Amusekelele milimo yakwe yoonse iigambya.
10 #
Int 34:3; Is 45:25 Amutembaule izina lyakwe lisalala
Ikondwe myoyo yabasikuyandaula Jehova.
11 #
Am 5:6,14 Amuyandaule Jehova anguzu zyakwe.
Amuyandaule busyu bwakwe lyoonse.
12 #
Int 103:2; 111:2 Amwiingasile milimo mipati njaacitide,
Maleele ngaakacita ambeta zyamilimo yakwe,
13Nu inyungu zya-Abrahamu mulanda wakwe,
Nubana ba-Jakobo basali bakwe.
14Ngonguwe Jehova Leza wesu.
Imbeta zyakwe zili moonse munyika.
15Amwiingasile lyoonse cizuminano cakwe,
Ijwi ndyaakalailila, likalilile mumazyalani aali cuulu,
16 #
Matl 15:18; 17:2; 26:3; Neh 9:8; Heb 6:13-18 Cizuminano ncaakatangana a-Abrahamu,
Cikonke ncaakakonkezya Izaka,
17Ncaakaimika kuti cibe mulao wa-Jakobo,
Cibe cizuminano citamani ca-Israyeli,
18Wakati, Ndakupa nyika ya-Kanana,
Ibe caabilo canu cakukona.
19 #
Matl 34:30; Heb 11:13 Ciindi eciya nibakacili bace,
Nibatakajisi makani nkaambo bakali beenzu mulinjiyo,
20ibakacili kuya butuntulika muzisi zisi
Akweendeenda kuzwa kunyika imwi kuya kumusyobo umbi
21 #
Matl 12:17; 20:3; Kul 7:15-18 Taakwe naakazumizya bantu kubapenzya.
Wakatapatila bami nkaambo kabo,
22 #
Int 105:15; 1 Joh 2:27 Wakati, Mutagumi bananike bangu,
Mutabisizyi basinsimi bangu.
23 #
Int 47:1; 96:1 Amwiimbile Jehova, nonyika yoonse,
Amusekelele lufutuko lwakwe mazuba oonse.
24 #
Is 12:4
Amulwiide bamasi bulemu bwakwe,
Akwaambila misyobo yoonse maleele aakwe.
25 #
Int 24:8; 89:6-8; Is 40:25,26 Nkaambo Jehova ngumupati, watembaulika loko,
Wayooweka kwiinda mizimu yoonse.
26 #
Lev 19:4; Int 115:4-8; Is 45:20; Jer 10:3; 1 Kor 8:4 Nkaambo baleza boonse babamasi mituni buyo,
Anukuti Jehova nguwakalenga ijulu.
27 #
Int 8:1
Bulemu abwami, zyoonse nkuzili kulinguwe.
Inguzu alukondo, zyoonse zilajanwa nkwabede.
28Amulemeke Jehova, numisyobo yabantu,
Amupe Jehova bulemu anguzu.
29Amupe Jehova bulemu bweelede izina lyakwe.
Amulete cipaizyo, muboole kubusyu bwakwe,
Amukotamine Jehova mubweebesi busalalisya.
30Amukankame kunembo lyakwe nonyika yoonse,
Luwa luliimvwi nji, talukonzyi kusosoloka.
31 #
Is 35:10; Lk 2:13; Ciy 14:2 Ijulu likondwe, ayalo nyika isekelele.
Baambe akati kabamasi kuti Jehova ngu-Mwami.
32 #
Int 96:10
Lwizi luvuume abuzule bwalo,
Isokwe liborelwe loko azyoonse zili mumo.
33Lino misamu yamulusaka iyooimba cakukondwa
Kubusyu bwa-Jehova, nkaambo weza kuzoobeteka nyika.
34 #
Int 106:1; 107:1; 118:1 Amulumbe Jehova, nkaambo mubotu.
Luse lwakwe talweeli,
35 #
Int 106:47,48 Amwaambe kuti,
Kotufutula, O Leza walufutuko lwesu.
Koruyobolola akutuvuna kulibamasi,
Kuti tulemeke izina lyako lisalala,
Akusekelela mukukutembaula.
36 #
1 Bam 8:15; Int 72:18,19; Dt 27:15; Neh 8:6 Alumbwe Jehova Leza wa-Israyeli
Maindi oonse akutamani.
Mpawo bantu boonse bakaamba kuti, Amen, akutembaula Jehova.
Ba-Levi mbubakaabilwa milimo
37Lino Davida wakasia Asafu ababunyina nkukonya oko kunembo lyabbokesi lyacizuminano ca-Jehova, kuti babeleke milimo kunembo lyabbokesi mazuba oonse, mbukweelede kubuzuba bumwi abumwi; 38alakwe ObediEdomu, ababunyina bali makumi aali musanu alimwi amusanu abatatu, Obedi-Edomu mwana wa-Jedutuni a-Hosa mbobakali kulindila milyango. 39#1 Mak 21:29; 2 Mak 1:3; 1 Bam 3:4Alakwe Zadoki mupaizi abapaizinyina wakabasia kunembo lyatente lyambunganino lya-Jehova, kucilundu cakukombela caku-Gibeoni, 40#Kul 29:38; My 28:3kuti bapaizizye Jehova zipaizyo acipaililo cakutuula, mazuba oonse cifumo amangolezya, akucita zyoonse zilembedwe mumulao wa-Jehova nzyaakalailila ba-Israyeli, 41#2 Mak 5:13; 7:3; Ezr 3:11; Neh 9:17; Int 25:10; 33:5; 100:5; Jer 33:11; Joel 2:13; Lk 6:36; Jak 5:11Bakali a-Hemani a-Jedutani abamwi ibakasalwa akulembwa mazina kuti batembaule Jehova, nkaambo luse lwakwe talweeli. 42Hemani a-Jedutuni bakali amyeembo azigweele zyakulizya azyakwiimbya nyimbo zya-Leza. Abalo bana ba-Jedutuni mbobakabikwa kuti balange mulyango.
43 #
2 Sam 6:19,20; Matl 18:19; Jos 24:15 Elyo bantu boonse bakapiluka kumaanda aabo. Alakwe Davida wakainka kuyoolongezya basiŋanda bakwe.
Currently Selected:
1 Makani 16: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
