1 Makani 15
15
Ibbokesi lya-Leza mbulyakaletwa ku-Jerusalemu
1 #
1 Mak 16:1; 17:1-5; Int 132:2-5; Inc 7:46 Lino Davida wakaliyakila maanda mumunzi wa-Davida, alimwi wakabambila ibbokesi lya-Leza busena akulisimpikila cilao. 2#My 4:2,15; Dt 10:8; 31:9; Jos 3:3Elyo Davida wakati, Taakwe beelede kuyumuna ibbokesi lya-Leza cita ba-Levi luzutu, nkaambo mbombabo Jehova mbaakasala kuti bayumune ibbokesi lya-Leza akumumanina milimo lyoonse. 3#1 Bam 8:1; 1 Mak 13:5Nkabela Davida wakayobolola ba-Israyeli boonse ku-Jerusalemu kuti balonzye ibbokesi lya-Jehova kuya kubusena bwalyo mbwaakalibambilide. 4Lino Davida wakabunganya bana ba-Aroni aba-Levi: 5#Kul 6:16-18bana ba-Kohati, Urieli silutwe abeenzinyina bali mwaanda amakumi obile; 6bana ba-Merari, Asaya silutwe abeenzinyina bali myaanda yobile amakumi obile; 7bana ba-Gerisomu, Joeli silutwe abeenzinyina bali mwaanda amakumi otatwe; 8#Kul 6:22bana ba-Elizafana, Semaya silutwe abeenzinyina bali myaanda yobile; 9#Kul 6:18; My 26:58bana ba-Hebroni, Elieli silutwe abeenzinyina bali makumi aali musanu aatatu; 10bana ba-Uzieli, Aminadabu silutwe abeenzinyina bali mwaanda akumi ababili. 11Nkabela Davida wakaita Zadoki a-Abyatare bapaizi, aba-Levi Urieli, a-Asaya, a-Joeli, Semayaya-Elieli a-Aminadabu, 12#Kul 19:10,22; Lev 10:3; 1 Sam 7:1; 2 Mak 5:11; 29:5,15; Ezk 48:11; Joh 17:17; Rom 12:1,2wakabaambila kuti, Ndinywe basilutwe banzubo zyaba-Levi. Amulisalazye akusalazya bakwanu, kuti mulonzye ibbokesi lya-Jehova Leza wa-Israyeli kuya oko nkundalibambila. 13#2 Sam 6:3; 1 Mak 13:7,10,11Kukutaanguna teensi ndinywe mwakaliyumuna, aboobo Jehova Leza wesu wakatusotokela, nkaambo teetwakalibamba muciyanza ceelede. 14Mpoonya awo bapaizi aba-Levi bakalisalazya kuti balonzye ibbokesi lya-Jehova Leza wa-Israyeli. 15#Kul 25:14; My 4:15; 7:9Nkabela bana ba-Levi bakayumuzya zisamu ibbokesi lyaLeza amakuko aabo, mbubonya mbuli Musa mbwaakalailila kujwi lyaJehova.
16 #
1 Mak 6:31; 13:8; Int 33:2; 68:25 Alimwi Davida wakalailila basilutwe baba-Levi kuti babike bamwi bakwabo kuti babe basikwiimba abasikulizya zibulo zyakwiimya, nyeele atuntimbwa azigweele, akusekelela loko.
17 #
1 Mak 6:33,39,44 Elyo ba-Levi bakabika Hemani mwana wa-Joeli, aumwi wababunyina, Asafu mwana wa-Berekiya; amubana ba-Merari bakwabo, Etani mwana wa-Kusaya; 18abakwabo batobela lwabili, Zekariya, Beni, a-Jaazieli, aSemiramoti, a-Jeieli, a-Uni, Eliabu, a-Benaya, a-Maaseya, a-Matitiya, a-Elifelehu, a-Mikineya, abasimilyango Obedi-Edomu a-Icieli. 19Abasikwiimba: Hemani a-Asafu a-Etani mbobakali kulizya zigweele zyamukuba; 20a-Zekariya a-Azieli a-Semiramoti a-Jehieli a-Uni a-Eliabu a-Maaseya a-Benaya mbobakali kulizya nyeele zyansenseeku; 21a-Matitiya a-Elifelehu a-Mikineya a-Obedi-Edomu a-Jeieli a-Azaziya mbobakali kulizya tuntimbwa twasyamupa. 22A-Kenaniya mwiimbi simutwe waba-Levi nguwakeelede kwiimbya, nkaambo kezi loko. 23A-Berekiya a-Elikana mbobakali basimulyango babbokesi lya-Leza. 24#My 10:8; Int 81:3Abapaizi Sebaniya a-Josafati a-Netaneli a-Amasai a-Zekariya a-Benaya a-Eliezeri mbobakali kulizya myeembo kunembo lyabbokesi lya-Leza. Abalo Obedi-Edomu a-Jehiya bakali basimulyango babbokesi.
25 #
2 Sam 6:12,13; 1 Bam 1:8; Dt 12:7,18; Ezr 6:16 Aboobo Davida abapati ba-Israyeli abasilutwe bazyuulu bakaakuleta ibbokesi lyacizuminano ca-Jehova kuzwa kuŋanda ya-Obedi-Bdomu, bali mukusekelela. 26#My 23:1; Job 42:8Lino Leza mbwaakali kugwasya ba-Levi ibakayumwide ibbokesi lyacizuminano ca-Jehova, bakatuula bacende bali musanu ababili abagutu bambelele bali musanu ababili. 27Nkabela Davida kasamine cikobela casani lituba, abalo ba-Levi ibakayumwide ibbokesi, abasikwiimba, a-Kenaniya musolozi wabasikwiimba. Alimwi Davida kasamine cibaki cabupaizi casani lituba. 28#1 Mak 13:8Aboobo ba-Israyeli boonse bakaleta ibbokesi lyacizuminano ca-Jehova, bali kuyobayoba, akulizya mweembo ampeta azigweele, akulizya nyeele atuntimbwa.
29 #
2 Sam 6:16; Inc 2:13 Lino ibbokesi lyacizuminano ca-Jehova lisike buyo kumunzi wa-Davida, Mikala mwana musimbi wa-Saulo wakasondela kucimboni, wabona Davida ulazyana akusekelela, elyo wakamusampaula mumoyo wakwe.
Currently Selected:
1 Makani 15: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
