Popular Bible Verses from 1 Makani 16

Share

Amuyandaule Jehova anguzu zyakwe. Amuyandaule busyu bwakwe lyoonse.

Amulumbe Jehova, nkaambo mubotu. Luse lwakwe talweeli

Amulumbe Jehova, mukwiilile izina lyakwe. Amuzibye bantu milimo yakwe mipati.

Amutembaule izina lyakwe lisalala Ikondwe myoyo yabasikuyandaula Jehova.

Amwiingasile milimo mipati njaacitide, Maleele ngaakacita ambeta zyamilimo yakwe

Amumwiimbile, amumutembaule. Amusekelele milimo yakwe yoonse iigambya.

Nkaambo Jehova ngumupati, watembaulika loko, Wayooweka kwiinda mizimu yoonse.

Amupe Jehova bulemu bweelede izina lyakwe. Amulete cipaizyo, muboole kubusyu bwakwe, Amukotamine Jehova mubweebesi busalalisya.

Bulemu abwami, zyoonse nkuzili kulinguwe. Inguzu alukondo, zyoonse zilajanwa nkwabede.

Amwiimbile Jehova, nonyika yoonse, Amusekelele lufutuko lwakwe mazuba oonse.

Amulwiide bamasi bulemu bwakwe, Akwaambila misyobo yoonse maleele aakwe.

Wakati, Mutagumi bananike bangu, Mutabisizyi basinsimi bangu.

Nkaambo baleza boonse babamasi mituni buyo, Anukuti Jehova nguwakalenga ijulu.

Amwiingasile lyoonse cizuminano cakwe, Ijwi ndyaakalailila, likalilile mumazyalani aali cuulu

Ijulu likondwe, ayalo nyika isekelele. Baambe akati kabamasi kuti Jehova ngu-Mwami.

Alumbwe Jehova Leza wa-Israyeli Maindi oonse akutamani. Mpawo bantu boonse bakaamba kuti, Amen, akutembaula Jehova.

Amulemeke Jehova, numisyobo yabantu, Amupe Jehova bulemu anguzu.