Gyung So 18
18
Hkyangjong Eq Lewiq Pê É Wò
1Haû Yhûmsîng Garai gi, Arun lé, “Nàng eq náng é yùqzô pé, náng é a-myû up bang gi, haû sân-yúng jowò lé shut é mara wò yù ra râ nghut luî, nàng eq náng é yùqzô pé za, hkyangjong ayá lé shut é mara wò yù ra râ nghut lhê. 2Nàng eq náng é yùqzô pé za dangshikaq târâ kat tô é sàksé zúm má nhông byî nyi é hkûn, nang lé wó htuqbáng râ matú, náng é îchyí îwâ pê é a-myû up mâ é náng é gu-mang Lewiq byu pé lé shuî yù àq. 3Yhángmòq gi, nang lé garúm râ eq zúm bànshoq lé wú gon ra kôrâ nghut lhê; nghut kôlhang, yhángmòq gi, sân-yúng jowò mâ é chûngzè pé eq hkungga gyàp má ge chyâng htèp ê râ a nghut; haû a nghut jáng, yhángmòq le, núngmòq le, shi byùq râ nghut lhê. 4Yhángmòq gi, nang lé htuqbáng luî, zùphpong zúm lé wú gon mù, zúm haû eq sêng é mú bànshoq lé wùn wàq ra râ nghut lhê. Núngmòq nyi é jang má kúm, góbang ó le ge chyâng htèp lé râ a nghut.
5Isira-elaq byu pê chyáng Ngá é nhikmó-yo hkyô a dum jé lo sháng gàq, haû sân-yúng é jowò eq hkungga gyàp lé núngmòq wò yù ra râ nghut lhê. 6Ngò yhang, náng é gu-mang Lewiq byu pé lé, Isira-elaq byu pê chyáng mai hkyin htoq yû luî, zùphpong zúm má mú wùn wàq râ matú, haû Yhûmsîng Garai lé àp nhông byî é chyûnghuq dông núngmòq lé àp nhông byi bê nghut lhê. 7Nghut kôlhang, nàng eq náng é yùqzô pé za, hkyangjong dông, hkungga gyàp eq pán-gyang hkaû mâ é jung hkangmó lé ge zui saí râ nghut lhê. Ngò gi, hkyangjong ayá wò lé chyûnghuq dông núngmòq lé byî tô é nghut lhê. Sân-yúng jowò haú má chyâng htèp lé é gótû byù ó yùq le, sat pyâm é hui ra râ nghut lhê.” ga taî ri.
Hkyangjông Pé Eq Lewiq Byu Pê É Matú Hkungga
8Hau htoq agó, Yhûmsîng Garai gi, Arun lé, “Ngò gi, Isira-elaq byu pé mai Ngo lé nhông byî é wàq toq hkungga pé nghut é, chyoiyúng hkungga bànshoq lé wú gon râ wò, nang lé byi bê nghut mù, nàng eq náng é yùqzô pê é matú ahtum abyùq é gàmbùm dùt nyì râ dông, núngmòq lé haú pé byî é nghut lhê. 9Núngmòq gi, chyoiyúng htâng é hkungga pé mâ é myi má a nyhê é pé lé yu lé ra râ nghut lhê. Chyoiyúng htâng é hkungga pé dông yhángmòq Ngo lé yu lé byî é hkungga pé bànshoq mâ é gùqzò hkungga nghut nghut, mara hkyut hkungga nghut nghut, mara hpyî hkungga nghut nghut, haú pé gi, nàng eq náng é yùqzô pé eq sêng é nghut bê. 10Chyoiyúng htâng é nghû zo ra râ nghut lhê. Yùqzo hkangmó haú lé zo râ nghut lhê. Núngmòq gi, haú lé chyoiyúng é dông myìt yù ra râ nghut lhê.
11Hau htoq agó, Isira-elaq byu pé nhông byî é chyûnghuq mâ é wàq toq hkungga eq wàq hê hkungga bànshoq mâ é, san kut tô tô é chyûnghuq pé gi, núngmòq é matú san nghut lhê. Ngò gi, haú lé, núngmòq é ahtum abyùq é gàmbùm dông, nàng eq náng é yùqzo byìzô pé lé byî é nghut lhê. Náng é yhûmbyù wuì mâ é htûngli dông sansêng é yùq hkangmó gi, haú lé ge zo râ nghut lhê.
12Ngò gi, yhángmòq mai haû Yhûmsîng Garai lé nhông byî é yhángmòq é sânghi shû yu é kyôshi myuishi nghut é je ge é tsanlun xû, je ge é tsibyiq wing asik eq gùqzò muilhum bànshoq, nang lé byî é nghut lhê. 13Yhángmòq mai haû Yhûmsîng Garaî lé lé nhông byî é ra-mau gón mâ é sânghi myhîng é shi bànshoq le, náng é nghut lhê. Náng é yhûmbyù wuì mâ é htûngli dông sansêng é yùq hkangmó gi, haú lé ge zo râ nghut lhê.
14Haû Yhûmsîng Garai lé àp nhông byî é Isira-elaq mâ é jung hkangmó gi, náng é chyat nghut lhê. 15Haû Yhûmsîng Garai lé nhông byî é byù zo-mún nghut nghut, sânghi shuî é gaunyhaú nghut nghut, náng é chyat nghut lhê. Nghut kôlhang, nàng gi, yùqzo zo-mún hkangmó eq a sansêng é gaunyhaú pê é sânghi shuî é alo hkangmó lé, hkyi xe htoq ra râ nghut lhê. 16Lha-mó rahkyap bò bê é lé nàng hkyi xe htoq râ nghut jáng, gù lé sôn wú mù, sân-yúng jowò mâ é jàng má cháng luî, ngùnhkyí nyhit chê èq ramû mû byi mù, hkyi xe htoq yû râ dùt lhê.
17Nghut kôlhang, sânghi shuî é no, sau eq bainám pé gi, chyoiyúng lhê nghut é yánmai, nàng, haú pé lé a ge hkyi xe htoq yû râ nghut lhê. Haú pê é sui lé gi, hkungga gyàp má hpyûn gyun luî, haú pê é xû lé gi, Yhûmsîng Garaî é matú namngón shôm dùt râ dông nyhê nhong pyám râ dùt lhê. 18Haú pê é sho gi, wàq hê hkungga wànggàng eq lòqyo tangsân su náng é nghut râ nghut lhê. 19Isira-elaq byu pé mai haû Yhûmsîng Garai lé nhông byî é chyoiyúng hkungga mâ é wàq toq hkungga bànshoq gi, nàng eq náng é yùqzo byìzô pê é matú ahtum abyùq é gàmbùm dông, Ngò, núngmòq lé byî to bê nghut lhê. Haû gi, nàng eq náng é awùt ashîn pê é matú, haû Yhûmsîng Garaî é hí má xô èq lhoqgîng tô é ahtum abyùq é dangshikaq nghut ri.” ga taî ri.
20Haû Yhûmsîng Garai gi, xoq luî, Arun lé, “Nàng gi, Isira-elaq byu pé sing é maumyî má silî wunlî wó râ le a nghut, yhángmòq chyáng mâ é hai gàmbùm le wó râ a nghut; Ngò gi, Isira-elaq byu pê chyáng, náng é gàmbùm eq náng é silî wunlî nghut bê.
21Ngò gi, Lewiq byu pê é matú, yhángmòq mai zùphpong zúm má múzó wùn wàq kô é yánmai, yhángmòq é silî wunlî dông Isira-elaq byu pé wó é xê gàmbùm mâ é ragàmbùm bànshoq lé byî to bê nghut lhê. 22Ahkuî mai, Isira-elaq byu pé gi, zùphpong zúm shut a ge chyâng htèp ê lo râ nghut lhê; haû a nghut jáng, yhángmòq gi, yhángmòq é mara wò yù râ é htoq agó, shi byùq kôrâ nghut lhê. 23Lewiq byu pé za zùphpong zúm mâ é múzó wùn wàq luî, yhángmòq kut shut é mara hai é matú le, wò yù ra kôrâ nghut lhê. Haû gi, jé lô râ pyàt bán hkangmó é matú ahtum abyùq hkyô tô é hkunmó nghut lhê. Yhángmòq gi, Isira-elaq byu pê chyáng silî wunlî maumyî myang hàp yù kôrâ a nghut. 24Hkâsu mù gâ le, Ngò gi, Isira-elaq byu pé mai haû Yhûmsîng Garai lé wàq toq hkungga dông nhông byî é xê gàmbùm mâ é ragàmbùm lé, Lewiq byu pê é silî wunlî dông yhángmòq lé byî to bê nghut lhê. Haû mù luî, Ngò gi, yhángmòq eq séng mù, ‘Yhángmòq gi, Isira-elaq byu pê chyáng silî wunlî myang hàp yù râ a nghut.’ nghû taî é nghut lhê.” ga taî ri.
25Haû Yhûmsîng Garai gi, Mosheq lé, 26“Lewiq byu pé lé dang nyô mù, yhángmòq lé, ‘Núngmòq gi, núngmòq é silî wunlî dông Ngò núngmòq lé byî tô é, Isira-elaq byu pê é xê gàmbùm mâ é ragàmbùm lé hàp yu é hkûn, haú mâ é xê gàmbùm mâ é ragàmbùm lé, haû Yhûmsîng Garaî é matú wàq toq hkungga dông nhông byi ra râ nghut lhê. 27Núngmòq é wàq toq hkungga haú lé, chyârâng mâ é gùqzò hkungga dông le, tsibyiq pyik jang mâ é shi wing dông le, són byi râ nghut lhê. 28Haú dông mai, núngmòq gi, Isira-elaq byu pê chyáng mai hàp yu é xê gàmbùm mâ é ragàmbùm bànshoq mai, haû Yhûmsîng Garai lé wàq toq hkungga nhông râ nghut lhê. Núngmòq gi, hkyangjong Arun lé, xê gàmbùm mâ é ragàmbùm haú pé mâ é Yhûmsîng Garai eq sêng é gàmbùm byi ra râ nghut lhê. 29Núngmòq gi, núngmòq lé byî tô é jung hkangmó mâ é je ge é eq chyoiyúng htâng é lé, haû Yhûmsîng Garaî é gàmbùm dông nhông byi ra râ nghut lhê.’ nghû àq.
30Hau htoq agó, Lewiq byu pé lé, ‘Je ge é gû lé núngmòq nhông byî é hkûn, haú lé, chyârâng mai wó é su le, tsibyiq pyik jang mai wó é su le, núngmòq lé lhom són byi râ nghut lhê. 31Myìt tô é gû lé gi, hká má nghut kôlhang, nàng eq náng é yhûmbyù wuì ge zo râ nghut lhê; hkâsu mù gâ le, haû gi, zùphpong zúm má núngmòq múzó wùn wàq é ahpau nghut lhê. 32Je ge é lé núngmòq nhông byî é htâng má, myìt tô é eq séng luî, núngmòq mara a bò lo nghut ri; haû mù, núngmòq a shi byùq kó sháng gàq, haû Isira-elaq byu pê é chyoiyúng hkungga lé agòt a-û hkâkut kó.’ nghû àq.” ga taî ri.
Currently Selected:
Gyung So 18: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.