Htoq Ló 14
14
1Haú hkûn, haû Yhûmsîng Garai gi, Mosheq lé, 2“Isira-elaq byu pé lé, lhing tau mù, Migidola eq nhông gyoro mâ é Pi Hahirot nàm má jowò hkyó keq nghû taí aq. Yhángmòq gi, Balaq Zehpon é tû-tap ang ang mâ é nhông yàm má jowò hkyó ra kôrâ nghut lhê. 3Hpara-uq gi, ‘Isira-elaq byu pé, hkyô-nghoq nghoq lhing wún kômù, yòso má myí tô bùm berâ nghut lhê.’ ga myìt yù râ nghut lhê. 4Ngò le, Hpara-uq é myìt lé lhoqhtan to byi râ nghut mù, yhang gi, yhángmòq lé châng hkat râ nghut lhê. Nghut kôlhang, Ngò gi, Hpara-uq dông mai le, yhâng é gyèzô pé bànshoq dông mai le, Ngá é hpungwup shingkang wó lhoqhtoq shit râ nghut lhê; haú hkûn, Ngò gi, haû Yhûmsîng Garai nghut é hkyô lé, Egutuq byu pé sé kôrâ nghut lhê.” ga taî ri. Haû mù, Isira-elaq byu pé gi, haú dông kut bekô nghut ri.
5A-myû haú bang hpâng bê ga Egutuq hkóhkâm hpó lé taî kyo kôjáng, hkóhkâm Hpara-uq eq yhâng é zaugun wuì gi, haú bang eq séng luî, yhángmòq é i-myìt dum htaî lhik kômù, “Ngá-nhúng gi, haî kut bê lhà? Ngá-nhúng gi, Isira-elaq byu pé lé nhang kat pyám luî, yhángmòq dójaú é hkyô lé lhoqhpyuq pyám bê nghut ri mhaî!” ga taî akô nghut ri. 6Haû mù, Hpara-uq gi, yhâng é gyè myanglhêng lé buí yû mù, yhang eq rahá yhâng é gyèzô pé lé shuî chûng bê nghut ri. 7Yhang gi, je réng é gyè myanglhêng hkyuq shô cham eq, Egutuq ming mâ é gótû gyè myanglhêng bànshoq lé le, haú pé lé kôn é zau wuì lé le, shuî chûng bê nghut ri. 8Haû Yhûmsîng Garai gi, Egutuq hkóhkâm Hpara-uq é myìt lé lhoqhtan to byî é nghut mù, yhang gi, a gyùq a kyûm yán htoq ló é Isira-elaq byu pé lé châng hkat bê nghut ri. 9Haú dông, Hpara-uq é myang bànshoq le, gyè myanglhêng pé le, myang ji ji bang#14:9 Myang ji ji bang gâ é lé, gyè myanglhêng kon bang le wó gâ lhê. Bun zo 17, 18, 23, 26 eq 28 mâ é lé le rajung za nghut lhê. le, gyèzô pé le nghut é, Egutuq byu pé gi, haû Isira-elaq byu pé lé châng hkat kôluî, Balaq Zehpon é tû-tap ang ang mâ é Pi Hahirot gâ é jowò nàm nhông yàm má jowò hkyô nyi tô bum é hkûn, châng hkyit bekô nghut ri.
10Haû Hpara-uq chyâng lé lo nyi é hkûn, Isira-elaq byu pé tu wú kat kô le, Egutuq byu pé châng yán lé lo nyi bùm kô é lé myàng kômù, gyùq nán byùq bùm kôluî, haû Yhûmsîng Garai lé wùt dûng ngaù bekô nghut ri. 11Yhángmòq gi, Mosheq lé, “Nàng gi, Egutuq ming má lùpdùng a jòq mù, shî yòso má shi byùq sháng gàq nghû, ngá-mòq lé shuî htoq lo é lhú? Haî mù, îsu kut luî nhîng, ngá-mòq lé Egutuq ming mai shuî htoq lo é lhú? 12‘Ngá-mòq îsu nghut nyî sháng gàq; haû Egutuq byu pé lé dójaú nhâng àq.’ nghû, Egutuq ming má nyi é hkûn, ngá-mòq nang lé taí bê a nghut lhî? Shî yòso má shi byùq râ nó nó gi, haû Egutuq byu pé lé dójaú nyi le je gè râ nghut lhê wá!” ga taî akô.
13Haû mù, Mosheq gi, shiwa byu pé lé, “Hkâgyùq kó. Zim za kut nyì keq; núngmòq gi, hkû-nyí, haû Yhûmsîng Garaî èq hkyi yù hkyô htong byi râ nghut é lé myàng kôrâ nghut lhê. Hkû-nyí núngmòq myang é Egutuq byu pé lé, núngmòq hkâ-nhám le dum myàng lo râ a nghut. 14Haû Yhûmsîng Garai, núngmòq é matú majan bo zan râ nghut lhê; núngmòq gi, zim za kut nyi to jáng nghut bê.” ga taî ri.
15Haú hkûn, haû Yhûmsîng Garai gi, Mosheq lé, “Nàng gi, haî mù Ngo lé wùt dûng ngau nyi lhê lhú? Isira-elaq byu pé lé hkyô xoq so keq nghû taî aq. 16Haû Isira-elaq byu pé gi, nhông lé kyuq huî é myigùng htoq mai wó laî byìt kó sháng gàq, wuì gam hkoq byùq râ matú, náng é dumbáng lé tû mù, náng é lòq lé nhông htoq má lhâm kat àq. 17Ngò gi, Egutuq byu pê é myìt lé lhoqhtan to byi râ nghut mù, Egutuq byu pé gi, yhángmòq é htâng má châng wang ló râ nghut lhê. Haú hkûn, Ngò gi, Hpara-uq eq yhâng é gyè jùm bànshoq dông mai le, yhâng é gyè myanglhêng pé eq yhâng é myang ji ji bang dông mai le, Ngá é hpungwup shingkang wó lhoqhtoq shit râ nghut lhê. 18Hpara-uq eq, yhâng é gyè myanglhêng pé eq yhâng é myang ji ji bang dông mai, Ngá é hpungwup shingkang lé lhoqhtoq shit é hkûn, Ngò gi, haû Yhûmsîng Garai nghut é hkyô lé, Egutuq byu pé sé kôrâ nghut lhê.” ga taî ri.
19Haú hkûn, Isira-elaq gyè jum hí má sô nyi é haû Garai Gasâng é maumang lagyo gi, lhing tau luî, yhángmòq é htâng má ló nyi ri. Haû mhut pyîlàt zìng le, hui luî, yhángmòq é ahtâng shut ê yàp tô é nghut mù, 20Egutuq gyè hpûng eq Isira-elaq gyè hpûng lé kyo to bê nghut ri. Mhut haû gi, ra-myin mau, rahkyam shut gi, mauchut tuq dùt nhâng mù, rahkyam shut gi, myòqmyàng san dùt nhang tô ri; haû mù, ra-myin maubó hpyot, shí wàp eq hé wàp a wó chyâng htèp lhum kó nghut ri.
21Haú hkûn, Mosheq gi, yhâng é lòq lé nhông htoq má lhâm kat ri; haû Yhûmsîng Garai le, ra-myin mau gyaí htan é buìhtoq hkyam laìdun mó lé nhông haú má mùt nhâng luî, nhông haû gi, kyuq huî é myigùng dùt byùq bê nghut ri. Wuì gi, í hkyam byáng gam hkoq byùq é nghut luî, 22Isira-elaq byu pé gi, wuì í hkyam shut wam tô é, kyuq huî é myigùng mai, nhông haú lé laî byìt bekô nghut ri.
23Haû Egutuq byu pé gi, yhángmòq lé châng hkat é nghut luî, Hpara-uq é myang pé bànshoq le, yhâng é gyè myanglhêng pé eq myang ji ji bang le, yhángmòq é htâng má, nhông hkaû shut châng wàng bekô nghut ri. 24Myòqmyàng maubó râ hí má, haû Yhûmsîng Garai gi, myi eq mhut pyîlàt zìng mai Egutuq gyè hpúng lé wú hkyô kat mù, hai hûháng le a sé loshoq lhoqnhúng nháng byî ri. 25Yhángmòq é gyè myanglhêng kon wui sháng gàq ga, lhêngchap pé lé lhoqhkyut pyám byî ri. Haû mù, Egutuq byu pé gi, “Sâ, Isira-elaq byu pê é hí mai hpâng sháng! Haû Yhûmsîng Garai gi, yhángmòq é matú, Egutuq byu pé lé majan bo zan bê nghut ri.” ga taî bum akô nghut ri.
26Haú hkûn, haû Yhûmsîng Garai gi, Mosheq lé, “Haû Egutuq byu pê é ahtoq má le, yhángmòq é gyè myanglhêng pé eq yhángmòq é myang ji ji bâng é ahtoq má le, wuì dum yui nghop pyám sháng gàq, náng é lòq lé nhông htoq má lhâm kat àq.” ga taî ri. 27Haû mù, Mosheq gi, yhâng é lòq lé nhông htoq má lhâm kat jáng, myòqmyang é hkûn, nhông wuì gi, yhâng é jowò mîyhang roq dum dùt byùq bê nghut ri. Haû Egutuq byu pé gi, hpang bùm kôjáng, Yhûmsîng Garai gi, yhángmòq lé nhông hkaû má myùp shi pyám nhâng bê nghut ri. 28Wuì gi, haû nhông hkaû shut Isira-elaq byu pê é htâng má châng wang ló é, Hpara-uq é gyè hpûng gón nghut é gyè myanglhêng pé eq myang ji ji bang lé, dum taû yui nghop pyám bê nghut ri. Rayùq lháng a nyi myìt to lo nghut ri.
29Nghut kôlhang, haû Isira-elaq byu pé gi, nhông haû lé, lòqyò lòqpaî hkyam shut wuì wam tô é gyoro, kyuq huî é myigùng htoq mai laî byìt bekô nghut ri. 30Haú nyi má, haû Yhûmsîng Garai gi, Isira-elaq byu pé lé, Egutuq byu pê é lòq mai hkyi yù bê nghut mù, Isira-elaq byu pé gi, Egutuq byu pé nhông yàm má shi tô bum é lé myang akô nghut ri. 31Haû Isira-elaq byu pé gi, Egutuq byu pé lé majan bo zân é dông, haû Yhûmsîng Garai wum-o a-tsam mó lhoqhtoq shit é lé myàng kôjáng, haû Yhûmsîng Garai lé gyùq hkúngga kômù, Yhang lé le, Yhâng é duìnhâng zoshâng Mosheq lé le, lùmjíng bûm bekô nghut ri.
Currently Selected:
Htoq Ló 14: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
