HEBREOS 11

Mborogüɨrovia regua

1Mborogüɨrovia ñanoi yave, yaikuaa ñanoita ko ñaäro ñaï yayerovia reve vae, yepe tëi mbaetɨño yaecha. 2Ñaneñemuñagüe reta iporogüɨrovia rupi omboyerovia Tumpa.

3Mborogüɨrovia rupi yaikuaa ɨvɨ jare opaete ara re ñogüɨnoi vae oyeapo ko Tumpa iñee rupi;#Gn 1.1; Sal 33.6,9; Jn 1.3. opaete mbaembae oyekuaa vae, oyeapo ko mbaetɨ vae güi.

4Iporogüɨrovia rupi Abel omee Tumpa pe mɨmba oyeyukagüe, ikavi yae jókuae Caín omee vae güi. Jókuae rupi Tumpa oikuaauka ombojupi ko Abel,#Gn 4.3-10. jare omboresive mbota omee chupe vae; yepe tëi Abel omano ma, ërei iporogüɨrovia rupi jekuaeño imiari.

5Iporogüɨrovia rupi Enoc oyereraja ɨvɨ güi jekove reve. Mbaetɨ kia ipuere oväe chupe. Echa Tumpa güɨraja ɨvɨ güi. Ndei Tumpa güɨraja mbove, jae ombopɨakatu Tumpa.#Gn 5.21-24. 6Ërei mbaetɨ ñanoi mborogüɨrovia Tumpa re yave, ngaraai yamboyerovia. Echa yarovia Tumpa yave, yaroviata oime ko jae jare omboekovia ko oeka vae reta pe.

7Iporogüɨrovia rupi Noé oyapo barco guasu jëtara reta oasayepe#Gn 6.13-22. vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

8Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.#Gn 12.1-5. 9Iporogüɨrovia rupi Abraham oiko ketɨgua rami ɨvɨ oñemeeta chupe vae pe ɨvɨ ambuae pe rami. Oiko o guakapi pegua pe Isaac jare Jacob ndive, yepe tëi jae reta vi ko ɨvɨ iyarä vae.#Gn 35.27. 10Echa Abraham oäro tëi oike vaerä tëta guasu opambae vae Tumpa oyapo vae pe.#Heb 13.14.

11Iporogüɨrovia rupi vi Sara imembɨ, yepe tëi jae ko imembɨmbae jare itɨ̈aro yae ma; echa güɨrovia Tumpa ombopota ko iñee.#Gn 17.19; 18.11-14; 21.2; Ro 4.17-22. 12Jáeramo vi Abraham indechi yae ma vae güi jeta iñemuña, yasɨtata ara re ñogüɨnoi vae rami jare jeta yae ɨvɨkuitï#Gn 15.5; 22.17; 32.12. ɨguasu jembeɨ rupi rami.

13Iporogüɨrovia reve opa omano omboresivembae reve Tumpa güɨrökuavee chupe reta vae, ërei oecha reta mombɨrɨ güi iporogüɨrovia rupi jare omomaraetei, jare jae reta omae iyé ketɨguaño ko kuae ɨvɨ pe.#Gn 23.4; 1 Cr 29.15; Sal 39.12. 14Jare jökorai jei vae reta, oipota jei oeka ko jëtaguasurä; 15echa oyemongeta yave mona jókuae ɨvɨ Abraham oë ojo chugüi vae re, ipuereño tëi opa ye oyerova reta jokotɨ. 16Ërei oipota reta tëta ikavi yae vae jókuae güi. Oipota reta tëtaguasu ara pegua. Jáeramo Tumpa mbaetɨ oñerenoi oiko vaerä jae reta iTumparä, echa omokätɨro chupe reta metei tëtaguasu.

17Iporogüɨrovia rupi Abraham, Tumpa ojäa iporogüɨrovia yave, oyukata tëi Isaac omee vaerä Tumpa pe. Oïndaivi omee vaerä taɨ jaevaeño vae yepe tëi omboresive morogüɨrökuavee,#Gn 22.1-14. 18Tumpa jei yave chupe: “Isaac#Gn 21.12. rupiño oimeta neñemuña.” 19Echa Abraham güɨrovia oyuka yave taɨ, Tumpa ipuere omoingove ye. Jare yandepuere yae Abraham omboresive ye ko Isaac mano güi.#Gn 22.13.

20Iporogüɨrovia rupi Isaac jei ñee kavi Jacob pe jare Esaú pe,#Gn 27.27-29,39-40. oyeapota chupe reta vae regua.

21Iporogüɨrovia rupi Jacob omanota ma yave, jei ñee kavi José taɨ reta ñavo pe, jare omboete Tumpa oyeko reve ipopoka re.#Gn 47.31—48.20.

22Iporogüɨrovia rupi José omanota ma yave, jei Israel pegua reta pe oëta ko yogüɨraja Egipto güi vae; jare oyókuai reta jetegüe re.#Gn 50.24-25; Ex 13.19.

23Iporogüɨrovia rupi Moisés oa yave tu reta oñomi güɨreko mboapɨ yasɨ rupi,#Ex 2.2. echa oecha reta michia Moisés maepöra yae ko, jare mbaetɨ okɨɨye#Ex 1.22. reta mburuvicha guasu iporookuai güi.

24Iporogüɨrovia rupi Moisés okuakuaa ma yave, oipotaä oiko vaerä Faraón tayɨ#Ex 2.10-12. imembɨrä; 25oiparavo oiporara vaerä Tumpa imbae vae reta ndive, oyerovia vaerägüe yerovia mbaeyoa pegua pe michi pegua, 26chupeguarä ikavi yae ko oiporara vaerä Cristo oiporara rami, Egiptoɨgua reta imbaeyekou güi; echa omae avei Tumpa omeeta chupe mbota vae re.

27Iporogüɨrovia rupi Moisés ojo Egipto güi,#Ex 2.15. okɨɨyembae reve mburuvicha guasu iyarasɨ güi, echa oñemomɨ̈rata oecha rami Tumpa Oyekuaambae vae. 28Iporogüɨrovia rupi Moisés oyapo Pascua jare oñapiramo öke reta tugüɨ pe, agüɨye vaerä araɨgua mano jerúa oyuka Israel iñemuña taɨrɨpɨ reta.#Ex 12.21-30.

29Iporogüɨrovia rupi Israel iñemuña reta oasa Ɨguasu Pɨ̈ta vae ɨvɨ otini vae rupi rami; jare Egiptoɨgua reta oipota tëi oasa jae reta rami yave opa ɨ oyasoi.#Ex 14.21-31.

30Mborogüɨrovia rupi tëta guasu Jericó ikësea opa osururu chiu#Jos 6.12-21. ara ma oyere jese reta güire. 31Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive,#Jos 6.22-25. Echa jae omboresive kavi Israel pegua temimondo oporopïaro#Jos 2.1-2. vae reta.

32¿Mbae ye pa jaeta? Arovia oatata cheve ara chemiari vaerä, peve Gedeón,#Jue 6.11—8.32. Barac,#Jue 4.6—5.31. Sansón,#Jue 13.2—16.31. Jefté,#Jue 11.1—12.7. David,#1 S 16.1—1 R 2.11. Samuel#1 S 1.1—25.1. jare ñeemombeúa reta regua; 33iporogüɨrovia rupi opɨ̈ro reta mborookuaía reta, oyapo reta jupi vae, omboresive reta oñererökuavee chupe reta vae, jare oiyuruokua yaguapope reta,#Dn 6. 34ombogüe reta tata yavaetegüe,#Dn 3. oasayepe reta kɨsepuku güi, oñemomɨ̈rata reta ipɨtu pɨte pe, imbaepuere yae reta ñeraro pe, opa ombotekuarai tovaicho ketɨgua reta. 35Amogüe kuña reta omboresive ye omano chugüigüe oikove ye vae.#1 R 17.17-24; 2 R 4.25-37.

Ërei ïru vae reta omano oiporara yae reve, oñemaeño reve oikove ye vaerä kuri ikavi yae vae peguarä. 36Ïru vae reta oyeyuvangauka iyé jare oñenupauka chikote#Jer 20.2; 37.15. pe, jare ïru vae reta oñeñoñauka tembipɨɨrɨru pe.#1 R 22.26-27; 2 Cr 18.25-26; Jer 20.2; 37.15; 38.6. 37Amogüe vae oyapi ita pe oyuka,#2 Cr 24.21. ïru vae reta oyasɨa ikúa rupi siera pe oyuka, ojäa reta iporogüɨrovia, omano reta kɨsepuku pe;#Jer 26.23. oguata reta oipota rupi oyemonde reve vecha ipiregüe ani kavara ipiregüe peño, poriau reta, ipɨatɨtɨ yae reta, yogüɨrekoasɨ katu; 38opaete kuae reta, mbaetɨ jaekavi yogüɨreko vaerä ɨvɨ pe, oguata yogüɨreko ñuu rupi, ɨvɨtu guasu reta rupi, ɨvɨkua tuicha vae reta rupi, itakua reta rupi.

39Opaete jókuae reta omboyerovia Tumpa iporogüɨrovia pe. Ërei omboresiveä oñererökuavee chupe reta vae. 40Echa Tumpa omokätɨro yandeve mbae ikavi yae vae, agüɨye vaerä jae reta räri oyembojupiuka yandegüi.

Currently Selected:

HEBREOS 11: GUABD

Highlight

Copy

Compare