Popular Bible Verses from HEBREOS 11

Share

Mborogüɨrovia ñanoi yave, yaikuaa ñanoita ko ñaäro ñaï yayerovia reve vae, yepe tëi mbaetɨño yaecha. Ñaneñemuñagüe reta iporogüɨrovia rupi omboyerovia Tumpa.

Ërei mbaetɨ ñanoi mborogüɨrovia Tumpa re yave, ngaraai yamboyerovia. Echa yarovia Tumpa yave, yaroviata oime ko jae jare omboekovia ko oeka vae reta pe.

Mborogüɨrovia rupi yaikuaa ɨvɨ jare opaete ara re ñogüɨnoi vae oyeapo ko Tumpa iñee rupi; opaete mbaembae oyekuaa vae, oyeapo ko mbaetɨ vae güi.

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ. Iporogüɨrovia rupi Abraham oiko ketɨgua rami ɨvɨ oñemeeta chupe vae pe ɨvɨ ambuae pe rami. Oiko o guakapi pegua pe Isaac jare Jacob ndive, yepe tëi jae reta vi ko ɨvɨ iyarä vae.

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

Iporogüɨrovia rupi Enoc oyereraja ɨvɨ güi jekove reve. Mbaetɨ kia ipuere oväe chupe. Echa Tumpa güɨraja ɨvɨ güi. Ndei Tumpa güɨraja mbove, jae ombopɨakatu Tumpa.

Iporogüɨrovia rupi Abel omee Tumpa pe mɨmba oyeyukagüe, ikavi yae jókuae Caín omee vae güi. Jókuae rupi Tumpa oikuaauka ombojupi ko Abel, jare omboresive mbota omee chupe vae; yepe tëi Abel omano ma, ërei iporogüɨrovia rupi jekuaeño imiari.

Iporogüɨrovia rupi vi Sara imembɨ, yepe tëi jae ko imembɨmbae jare itɨ̈aro yae ma; echa güɨrovia Tumpa ombopota ko iñee.

Echa Abraham oäro tëi oike vaerä tëta guasu opambae vae Tumpa oyapo vae pe.

Iporogüɨrovia rupi Moisés okuakuaa ma yave, oipotaä oiko vaerä Faraón tayɨ imembɨrä; oiparavo oiporara vaerä Tumpa imbae vae reta ndive, oyerovia vaerägüe yerovia mbaeyoa pegua pe michi pegua, chupeguarä ikavi yae ko oiporara vaerä Cristo oiporara rami, Egiptoɨgua reta imbaeyekou güi; echa omae avei Tumpa omeeta chupe mbota vae re. Iporogüɨrovia rupi Moisés ojo Egipto güi, okɨɨyembae reve mburuvicha guasu iyarasɨ güi, echa oñemomɨ̈rata oecha rami Tumpa Oyekuaambae vae.

Iporogüɨrovia rupi Abraham, Tumpa ojäa iporogüɨrovia yave, oyukata tëi Isaac omee vaerä Tumpa pe. Oïndaivi omee vaerä taɨ jaevaeño vae yepe tëi omboresive morogüɨrökuavee

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

Iporogüɨrovia rupi Israel iñemuña reta oasa Ɨguasu Pɨ̈ta vae ɨvɨ otini vae rupi rami; jare Egiptoɨgua reta oipota tëi oasa jae reta rami yave opa ɨ oyasoi.

Mborogüɨrovia rupi tëta guasu Jericó ikësea opa osururu chiu ara ma oyere jese reta güire.

Iporogüɨrovia rupi Moisés oyapo Pascua jare oñapiramo öke reta tugüɨ pe, agüɨye vaerä araɨgua mano jerúa oyuka Israel iñemuña taɨrɨpɨ reta.

Iporogüɨrovia rupi José omanota ma yave, jei Israel pegua reta pe oëta ko yogüɨraja Egipto güi vae; jare oyókuai reta jetegüe re.

Iporogüɨrovia rupi Jacob omanota ma yave, jei ñee kavi José taɨ reta ñavo pe, jare omboete Tumpa oyeko reve ipopoka re.

Iporogüɨrovia rupi Isaac jei ñee kavi Jacob pe jare Esaú pe, oyeapota chupe reta vae regua.