NYENSANG CHIA 61
61
Khümenla Shanga Welaubü
1Ngei ngekbü ditashi, O Mühghaü; ngeibü welau ditkushi.
2Ngeibü maangpon koujinei kaodak thonbü ka ngei ka to ngalabü!
Kü to suokbü laang jungto nyi ngo leikai.
3Aieilausi kü shanga dangbou ka satenshang
kaangbüsekbü lapheishon no ki.
4Kaibü lemshanga ngo salang sünga kikho;
kaibü kaakphanga ngo satetlangkho.
5Aieilausi, O Mühghaü, nyi ngeibü thebülanbü ditda;
aoyouei kaibü nyen souhatda haoeneibü phet nyi kü la kua.
6Nyi Choba salang lounyu yeitilabü;
haoeibü salang meten juong tegü kilabü!
7Hao Mühghaü junga ponpen kilabü;
hao khümenlabü lele sanoudambü hoba onoubü lamleashi.
8Hibü ngei chalou weko ngeibü theletbü kümlabü lele,
ngei kaibü nyena ponpen nyensang chia laulabü.
Currently Selected:
NYENSANG CHIA 61: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
