NYENSANG CHIA 62
62
Mühghaüeibü Khümenbüa Maanglem
1Ngeibü langkeiei Mühghaü shanga ong haiyeida;
hao ka ngeibü khümenbü louda.
2Hao ong ngeibü laangnyu hoba ngo khümenbou;
hao ngeibü lapheishon yaangbü; ngo ladangkei atopeilabü.
3Aieilausi phangan kibü ba tegü,
kanei müt che haitila shanga,
kan pendouei hao lalokche pheieila?
4Hao maibü ka lai tonyanla kho ong
kanei ngühthang yenko joyoda;
kan amlanga olinyoda.
Kaneibü sembungei haükuda,
lausikei maanga khükda.
5Ngeibü soushou, nyi Mühghaü shanga ong haiteishi,
aieilausi ngeibü maanglem hao ka ki.
6Hao ong ngeibü laangnyu hoba ngo khümenbou;
hao ngeibü lapheishon yaangbü ngo atopeilabü.
7Mühghaü yoa ngeibü khümenbü hoba ngeibü soneikangbü ki;
ngeibü hau kho laang,
hoba ngo satenshang Mühghaü to ki.
8Müt shuong kanei jih pendoua hao to mailemashi;
hao junga kaneibü maangpon ipashi;
Mühghaü sen shanga satenshang ki.
9Maimaitham hanbou müt kho hak ong,
hoba müt yaangbou yepeibü ki.
Haoen pendou seret che ong;
haoen pendou souyoan haktokei songokbou.
10Shoeinakeibü to maitelem;
hoba soshau soyungbü to amlang maanglem tepho;
nyaksinam haa yaanga longa kaibü maangpon khünei tepho.
11Mühghaüei che to joyoa,
hau kho Mühghaüeibü dogo laubü ngei nyiboula dida.
12 #
1 Kor 3.8 Tokei, O Bunyubou, üeisanou kaibü ki;
aieilausi nyi mütpem weko la jembü kümsilei thüng kuda.
Currently Selected:
NYENSANG CHIA 62: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
