NYENSANG CHIA 60
60
Satentibü Shanga Welaubü
1O Mühghaü, nyi kün inleda, nyi kün leilutia;
no kün to khauanga;
lausikei tou no kün jungto sepeikaima.
2Nyi kao nyaaktia, kho leilubü kho maitiashi,
aishanga kho nyaakeida.
3Nyi kaibü mütli la kümsilei sekbü lena;
nyi kün la yeteilangeilabü ih yungtia.
4Ngühmai ngüh lenla shanga,
ka to hatbü shuong la nyi nisan che kua.
5Nyi sanoubü khümenla shanga,
kaibü mae ikei khümenashi hoba kün to jongaishi.
6Mühghaüei jembü saopobü lemshanga hai joyoa:
“Thüksimina ngei Shekhem jannyinkulabü,
hoba Sukkot pholi kü mütli la jankulabü.
7Gilead kü shangabü Manasse kei ngeibü;
Efraim kü khu khümenbou hoba Jihuda ngeibü julo.
8Lausikei Moab ngeibü chaksiam sakshang;
Edom to ngei ngeibü nguok tekan jinlabü.
Filistiabüei ngo thükan ngekyola dambei si?”
9Aoei ngo kaangbüsekbü sangnyu khüto leian loula?
Edom jungto aoei ngo leila?
10O Mühghaü, nyi kün tekan üp lo?
hoba nyi, O Mühghaü, küneibü
lakjaibü shuong yoa ayanglep lo?
11Dangbou khulimbo nyi kün la thuibü labü;
aishanga müteibü thuibü jim aki.
12Mühghaü danko künei hau kiko kümlabü;
aishanga küneibü dangbou to nakeilabü kho hao ki.
Currently Selected:
NYENSANG CHIA 60: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
