NYENSANG CHIA 58
58
Lulimbü Shieikoela Mühghaü to Welaubü
1Kanei maimaitham ngüh üangko saopobü shanga joyolaoma?
O müteibü shousishuong, kanei the
achühko mat jemlaoma?
2Haü, maangpona kanei amaibü kümda;
kaneibü ik shoulobü kümsilei kanei kaodaka takan kuda.
3Amaibouei kaibü setshang ka ayingbü to hauda;
haoenei amlang ngüh lauko buksilengko ka ayingbü to hauda.
4Haoen kom kakbü pinyu tegü ki;
Haoen obangan kibü piyang phatkei.
5haoei maanglimaangsang khükko uokko
lauenbü pinyu mühtibü ngüh aditda.
6O Mühghaü, haoeneibü sembunga haoeneibü hau leilutikuashi;
O Bunyubou, molosaonyu shoushou shuong hau yaangbü apbushi.
7Athakko kouko kibü dei tegü haoen tühnyinko koutiashi;
haoenei laujin kipla shanga lau bühan sungjinei
khühbü kho wapan apan kibü tegü yeitishi.
8Nyaületbü khapthung tegü,
jih asühjinei bukbü chanyu ühüpbü na tegü haoen kitishi.
9Kaibü chak lem mophamtoua, jakham kho sangtüngbü
yingsikei linbü yingsikei haoen kho yeinakei soujung satlabü
10Phoklambü kho hapjinei saopobü müt khoje olinlabü;
amaiboueibü siia haoei haoeibü you saklabü.
11Hibü mütei laulabü, “Maimaitham
saopobü müt shanga jongsak kia;
maimaitham kaodaka matjembou Mühghaü ki.”
Currently Selected:
NYENSANG CHIA 58: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
