NYENSANG CHIA 57
57
Thuibü Hiko Welaubü
1Kü to sanoudamai, O Mühghaü, kü to sanoudambai;
aishanga ngeibü langkei ka to satetlangda;
haü habü thushed adanshongko;
ngo kaibü yeme phanga satetlangda.
2Thükkabou Mühghaü aoei kü shanga pendou kümda,
ngei hao to ngekkho.
3Aoei ngo suimangsühda, haoei kü to hakjinei,
haoei khuthük ka yantilabü hoba ngo khümenlabü.
Mühghaüei haoeibü sanoudambü hoba ngühmai hautilabü.
4Ngeibü langkei molosaonyu yoa kia;
wanlong longbü yoa ngo kijan.
Haoen müteibü shousishuong aoyoueibü hauh aubu hoba laujin;
hoba haoeneibü lishang in akbü tegü.
5O Mühghaü, müh thükaenei no tonenashi;
kaibü soneikangbü kaonyu pendou thüka kitishi.
6Haoenei ngeibü you shanga sung lamlea;
ngo khonsakei khüpjung kouda.
Haoenei küthedanga püngkhün thukuda;
haoen jembü lolo khünei atetakei.
7Ngeibü maangpon atopeiko kia, O Mühghaü,
ngeibü maangpon atopeiko kia;
ngei chia laukho, haü, ngei nyensang chia laukho.
8Piashi, ngeibü soneikangbü!
Piashi, pithung hoba kongkin!
ngo lolo ngeyang enyu pilabü.
9Ngei phangshuong yoa ka to olinbü lenkho, O Bunyubou;
ngei phang yoa ka to nyensang chia laukho.
10Aieilausi kaibü sanoudambü müh sühko,
hoba kaibü ngühmai sangmei hau yaangbü ki.
11O Mühghaü, müh thükkaboua no tonenashi;
kaibü soneikangbü kaonyu pendou thüka kitishi.
Currently Selected:
NYENSANG CHIA 57: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
