NYENSANG CHIA 21
21
Thük Hapbü shanga Nyensangbü
1O Bunyubou, Chobaei kaibü haua olinlabü;
hoba kaibü thuibüa haoei yaangenko olinlabü.
2Nyi hao la haoeibü maangponei mangsühbü kua;
hoba haoeibü sembung khopei subüjabü senetan apho.
3Aishanga nyi haülabü maiboutham jungan hao to haüyoda;
nyi haoeibü khua hon lanbü khun hankuda.
4Haoei ka to langkei hikei, nyi hao la kho kukei,
khei thon akibü salang.
5Kaibü thuibü danko haoeibü soneikangbü yaangbü ki.
nyensang nyenhang hoba yaangenbü nyi hao la kuda.
6Aieilausi nyi hao thon akiko pendou to haübou yeitida;
nyi hao ka thedanga olinbüei maang nyemtida.
7Aieilausi Chobaei Bunyubou to maanglemda;
hoba thükkabou üeisanou danko hao atopeilabü.
8Kaibü ikei kaibü dangbou pendou lamenlabü;
Kaibü mai ikei ka to mangsenbü shuong lamenlabü.
9Nyi kaibü khauang longjinei haoen wan longbü
hokjung tegü yeitilabü.
Bunyubouei hao khauanga haoen suilabü;
hoba wanei haoen juokan aplabü.
10Haoen ka bakbü nyi kaodak ka mautilabü;
hoba haoeneibü lilabü müteibü
shousi shuong yoka mautilabü.
11Haoenei kakhu limbo amaibü damda,
haoenei huon amaibü takalonga haoenei thük ühüplabü.
12Aieilausi nyi haoen lintilabü,
Kaibü laoei haoen to kipla nyi lamlelabü.
13O Bunyubou kaibü haua yaangenashi!
Künei kaibü hau chia, hoba nyensang chia laulabü.
Currently Selected:
NYENSANG CHIA 21: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
