NYENSANG CHIA 20
20
Thük Hapbü shanga Welaubü
1Khonsak khonku jihsiphaia Bunyubouei ka to jongaishi!
Jakobeibü Mühghaü nyenei no püetan kitishi.
2Saoposhang ka ka jungto thuibü hautishi;
hoba Zion ka no hau kitishi!
3Kaibü lembü pendou haoei damenshima,
hoba kaibü juokbü lembü sungletshima.
4Kaibü maangponei maikubü pendou kuashi;
hoba kaibü kümthen pendou haüthüktikushi.
5Kaibü thükbü thüka künei uihinko olinlabü;
hoba küneibü Mühghaü nyena,
künei küneibü nisan janglabü.
Nyi subüjabü Bunyubouei haüthüktikushima!
6 Bunyubouei haoei naangenko pienbou khümenda dogo ngei ngekei;
haoei hao to jembü saopobü khuthük ka,
haoeibü mae ik hau yaangbüei thükbü shuongei jongailabü.
7Kailong to hoba koli kailong to maang yaangenda,
künei Bunyubou küneibü Mühghaü nyen to maang yaangda.
8Haoen janglabü hoba tuonglabü,
lausikei künje pian tangsheitham lolabü.
9Choba la thükbü kushi, O Bunyubou,
künei ngajinei jongaishima.
Currently Selected:
NYENSANG CHIA 20: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
