Sefaniya 3
3
1Akasyamo kaŵe kuli woyo uwakwalucila, uli nefiko, uyo-musi ulukukululusya! 2Tawakuticile isiwi; walukukano'kupoka ukulunjikwa, nekuŵulo'kupema-mo muli ŵaYawe, neli kupalamina kuli ŵaLesa ŵauo. 3Utufumu twauo utuli mukati muli wo niŋkalamu isilukuŵuluma; aŵasololwesi ŵauo naŵo fimbolo ifyenda paciŋgulo, ifitafisya neli kantu ukufika ŋgamailo. 4Aŵakusimika ŵauo ŵamakaila, ŵantu ŵakutepa; aŵapapatilisi ŵauo ŵapusyanya umulenda uswetelele, nekucitila'mafunde uŵuŋgwa.
5ŴaYawe mukati muli wo ŵaliluŋgeme; tekuti ŵacite ifyakusendama. Ineelo syonse ŵalabwenesya ukusololola kwaŵo; taŵaŵusya-po insoni; sombi usendeme tesi-po nekumfwe'nsoni. 6Nalipinicile imisyoŵo yaŵantu; amananda ayo aŋkondo alionaicile; nalionawile imiseŵo yaiyo, tapapita-mo neli muntu umo; imisi yaiyo ilitoŵawilwe, fyopele'fyo tamuli neli muntu, tamuli neli ninjikale.
7Neŵo ati: Icinenene weŵo wakuntonda neŵo, nekupoka bwino ukulunjikwa; ati apakwikala wo peŋgesa-kupinikwa, koti nifyefyo fyonse ifi nawansicile; sombi ŵo ŵaliŵucile ulueeloeelo nekuŵifya ukucita kwaŵo konse. 8Pakuti pali fyefyo mumpembelele, efilukulaŵila ŵaYawe, ili takaŋgafika akasuŵa ako ŋkema neŵo mukutape'fyakulya; pakuti ndilandakenye ukulukuwuŋganya aŵenafyalo, nekuloŋganya uŵufumu, mukwitulwila pali ŵo ukufitwa kwanji, eŵukali bwanji ŵonse ubwakusicisa; pakuti icalo eonse icapansi cikalikwa kumulilo waŵukwa bwanji.
9Pakuti apo ŋkaalula umulaka waŵenafyalo ati uŵe mulaka uswetele, ati ŵonse ŵakaliite isina lyaŵa Yawe, mukuŵapyunjila nemutima umo, 10Ukufuma pesilya lyamanika amucalo caŵaEtiopia, awalukuŋkombetela neŵo, emwana umwanakasi waŵantu ŵanji aŵapalaŋganisiwe, ŵakaleta umulambu wanji.
11Pakasuŵa ako tokomfwa-po insoni pakuti pakucita koŵe konse, uko walukunsilulwila neŵo kuli ko; pakuti pampindi iyo ŋkafumya mukati muli weŵo aŵoŵe aŵakulitota awalukwaŋga, lomba tekuti ukalukulicindika nafimbi palupili lwanji uluswetelele. 12Sombi ŋkawasila mukati muli weŵo aŵantu aŵakululucile awapeŋgele, lomba ŵo ŵakapema-mo mwisina lyaŵa Yawe. 13Aŵakusyala-po ŵakuisilaeli tekuti ŵakacite ukusendama neli kulukulaŵila ifyaŵufi; kaŵili ulumini lwakutumpaika tekuti luŵonwe mukanwa kaŵo; pakuti ŵakalukulya nekulukulala, lomba tapakalukuli-po uwakuŵatinisya neli umo.
14Kawimba wemwana umwanakasi wakuSayoni; uwele iŋgwele, weIsilaeli; usaŋgalale, ulukusemba nemutima wonse, wemwana umwanakasi wakuJelusalemi. 15ŴaYawe ŵafumya ukusininwa koŵe, nekuposya akapondo koŵe. Imfumu yakuIsilaeli, eŵaYawe, ili mukati muli weŵo; tekuti ukatine-po nafimbi ukuŵifya. 16Pakasuŵa ako ŵakalaŵila kuJelusalemi ati: Witina weSayoni; amaŵoko enu eŋgalewela. 17WaYawe Lesa woŵe ŵali mukati muli weŵo, aŵamakosa aŵakapulusya; ŵakasembela pali weŵo nekusaŋgalala, nekulukutusisya muŵutemwe bwaŵo, nekulukusaŋgalalila pali weŵo nekulukwimba. 18Ŋkaŵaŵuŋganisisya kwiwuŋgano lyansoni aŵalukulila, aŵali kuli weŵo, awalemene necipinto cauo icakutoŋgalwa. 19Ŵona-ko, pampindi iyo ŋkawacita aŵo ŵonse aŵalukukupensya; lomba ŋkamupulusya uyo ulukusunta, nekumuleta uyo uwatamfisiwe; peŋka ŋkawaalula ŵakucindikwa, lisina, aŵo insoni syaŵo esyali ponse paealo. 20Pampindi iyo ŋkamwinjisyeni, napampindi iyo kaŵili ŋkamuwuŋganyeni: pakuti ŋkamwaluleni lisina, cakucindikwa pakati paŵantu ŵonse ŵapaealo capansi, pakubwesya liŵili ŵukaili bwenu pamenso enu; efilukulaŵila ŵaYawe.
Currently Selected:
Sefaniya 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
