Sefaniya 2
2
1Ŵuŋganeni pamo, icine muwuŋgane, mweŵamusyoŵo utokwete-nsoni; 2ili taliŋgacita ifunde, pakupita akasuŵa koti musuŋgu, ili tawuŋgamuficileni uŵukali bwaŵaYawe ubwakusicisa, ili takaŋgamuficileni akasuŵa kaŵukali bwaŵaYawe. 3Kamufwaya-fwaya ŵaYawe, mwense mweŵatekenye aŵapaealo, mwemwacita koti kusololola kwaŵo; mufwaya-fwaye ukuluŋgama, mufwayafwaye nekutekanya; cipale mukafiswa pakasuŵa kaŵukali bwaŵaYawe.
4Pakuti umusi waGasa ukalekwa, nawo umusi waAsikelono nekonalwa; lomba ŵakaŵatamfya aŵakuAsidodi akasuŵa pakati, kaŵili nemusi waEeilono ukalimbulwa. 5Akasyamo kaŵe kunjikale isyakumitala iyakucisiŵa, umusyoŵo waŵaCeleti! Isiwi lyaŵaYawe lyakuŵucila, weKanani, weealo caŵaFilisiti; ŋkakonala ati kuleke ukusyala neli ninjikale. 6Peŋka imitala iyakucisiŵa ikaŵa fyembelelo, netunanda utwakwikala-mo aŵembesi nefimpata fyamataŋga ambelele. 7Popele icalo iciŵambakene necisiŵa cikalukuli caŵakusyala-po pananda yakuJuda; ŵakalukwembesesya-po. Wakalukulalo'ŵusiku mumananda akuAsikelono; pakuti ŵaYawe Lesa waŵo ŵakaŵendela, nekubwesya liwili ŵukaili bwaŵo. 8Naumfwa ukusensa kwakuMoabi nekutoŋgala kwaŵana ŵakwe Amono, uko ŵasensele kuli ko aŵantu ŵanji, nekulikusya mukuŵueila umupaka waŵo. 9Pakuti pali fyefyo, efilukulaŵila ŵaYawe ŵamaŵumba, Lesa wakwe Isilaeli, koti nififi ifi ndi nemweo, icinenene Moabi akaŵa koti niSodoma, neŵana ŵakwe Amono nekuŵa koti niGomola, calo icakwisula imbaŵaŋgwa nemakanda amueele, konalwa ukwamuyayaya; aŵakusyala-po paŵantu ŵanji ŵakaŵatapila, neŵasyele-po pamusyoŵo wanji naŵo ŵakaŵapyana. 10Ŵakapoke'fyo pakuti pakulitota kwaŵo, pakuti ŵalitoŋgawile, nekulikusya ukulukuŵucila aŵantu ŵaŵaYawe ŵamaŵumba.
11ŴaYawe ŵakaŵatinisya; pakuti ŵakaŵaleŋgesya ŵaŵe nensala ŵalesa ŵonse aŵapaealo capansi; popele aŵantu ŵakalukuŵacindika, ŵonse umo umo pantu pakwe, ensumbu syonse isyaŵenafyalo. 12Namweŵo mweŵaEtiopia kaŵili, mukepaiwa kumpoko yanji. 13Popele ŵakatambicila ukuŵoko kwaŵo mukuŵucila icalo icakunofu, nekonala Asiliya, nekwalula umusi waNinife ati uŵe wakonaika, wakuuminina koti nimpanta. 14Peŋka amataŋga akalukulala pakati pali wo, enama syonse syaŵenafyalo; lumpansya nenunji syonse sikekala mumitwi yakumpanda syakuko; isiwi lyasiko likalukwimba patumbeluka; ukonalwa kukalukuli pafibwambilo; pakuti ŵalifisulwile ifyacitilwe kuli yelesi. 15Uyu emusi wakusemba, uwalukwikala ukwakuwulo'kulaŋguluka, uwalaŵile mumutima wauo ati: Nineŵo, tapali-po umbi apakuŵula neŵo! Ŵonako, waŵa cakonalwa, nipantu apakulala ifilwani! Ŵonse aŵakupita pali wo ŵakalisye'fikoŵe, nekutembelesya nemaŵoko.
Currently Selected:
Sefaniya 2: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
