Sefaniya 1
1
1Ili lisiwi lyaŵaYawe ilyaisile kuli Sefaniya, umwana wakwe Kusi, umwana wakwe Gedaliya, umwana wakwe Amaliya, umwana wakwe Esikaya, pansiku syakwe Josaya umwana wakwe Amoni, imfumu yakuJuda.
2Ŋkafyonala ukulukufisilisya lukoso ifintu fyonse pamenso aealo; efilukulaŵila ŵaYawe. 3Ŋkasilisya lukoso neŵantu nenama; nekusilisya nefyuni ifyamwiulu nesaŵi ilyamucisiŵa, neficieilo pamo nembifi; kaŵili ŋkaŵapinika aŵantu ukuŵafumya pamenso aealo; efilukulaŵila ŵaYawe.
4Lomba ŋkatambicila ukuŵoko kwanji paJuda napanjikale syonse isyakuJelusalemi; kaŵili ŋkapinika aŵasyelepo kuli Bala apa-pantu, nesina lyaŵaCemali pamo neŵapapatilisi; 5naŵaŵo kaŵili aŵaŵomba kwiŵumba lyakwiulu peulu pamaŋanda; naŵaŵo aŵaŵomba, aŵalapa kuli ŵaYawe ili ŵalapa Malikomo; 6naŵaŵo aŵabwesiwa ukuleko'kuŵalonda ŵaYawe; naŵaŵo aŵataŵafwaile ŵaYawe neii kwipusya-po ifyakuli ŵo.
7Koikele eelele pakulukuli-po ŵaSikulu Yawe; pakuti akasuŵa kaŵaYawe kali apepi; pakuti ŵaYawe ŵaansika umulambu, nekuŵaswesya aŵensu aŵo ŵaitile.
8Popele, pakasuŵa kamulambu waŵaYawe, pakaŵa ati ŋkapama utufumu, neŵana ŵamfumu, naŵaŵo ŵonse aŵafwite ifyakufwala fyabwensu. 9Nakaŵili pakasuŵa ako ŋkawapama ŵonse aŵakusotoka pacibwambilo, aŵesusya iŋanda yaŵawisikuluŵo uwuŋgwa nekutumpaika. 10ŴaYawe ati: Pakasuŵa ako pakalukuli icipupa cakulila icakufuma kumusiko wesaŵi, nemusowa uwakufuma kumupunda waŵuiŵili, nekusansaika nsa nsa nsa ukufuma kumapili. 11Kamusowakana, mwenjikale isyakuMakatesi, pakuti aŵolisi ŵonse walionaicile; ŵonse aŵo aŵapintile isilifa ŵalipinicilwe. 12Lomba pampindi iyo pakawa ati ŋkalukufwaya-fwaya mujelusalemi nenyale; eli ŋkawacito'mulandu aŵantu aŵo amasiwa aŵo akatama pansi, aŵalukulaŵila mumitima yaŵo ati: ŴaYawe tekuti ŵacite ifiweme neli kucita ifiŵipile. 13Peŋka uŵuŵile bwaŵo ŵukaŵa fyakutapwa, nemananda aŵo nekuŵa konalwa; icine, ŵakeŵaka amananda, sombi taŵakekala-mo; wakalimba mumaŵala amifaina, sombi taŵakanwa-po imfaina syakuko.
14Akasuŵa kaŵaYawe akakulu kali apepi; kali apepipepi, kalukwaŋgufya, esiwi lyakasuŵa kaŵaYawe; umuntu wamakosa alukulililo'ko nekulila kwansoni isikulu. 15Ako-kasuŵa kasuŵa kaŵukali, kasuŵa kalupensyo nekukululuka, kasuŵa kakonaika nekonalwa, kasuŵa kamfinsi nematesi, kasuŵa kamakumbi nekufita bwii, 16kasuŵa kalupeŋga neŋgwele, akakuwucila imisi yamaliŋga nemananda aŋkondo atali. 17Peŋka ŋkafisya paŵantu ukukululuka, ati ŵakalukwenda koti nimpofu, pakuti ŵalukucite'fiŵipile kuli ŵaYawe; popele imilopa yaŵo iketululwa koti likuŋgu, nemunefu waŵo koti tufi. 18Neli lisilifa lyaŵo neli ligolide lyaŵo talikesiŵa ukuŵapulusya pakasuŵa kaŵukali bwaŵaYawe; sombi icalo eonse cikalikwa kumulilo waŵukwa bwaŵo; pakuti ŵakaŵasilisya nekusilisya ukwakutinisya aŵo ŵonse aŵalukwikala paealo.
Currently Selected:
Sefaniya 1: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
