Abakuci 3
3
1Ŋku ukutembela kwakwe Abakuci uwakusimika, koti Iwimbo lwakwe Sigayoni:
2MweŵaYawe, naliumfwile iceŵo icakuli mweŵo, lomba natina.
MweŵaYawe, ŵusyeni imilimo yenu pakati pamyaka;
Pakati pamyaka mwiisiŵisye;
Pakukalipa, ŋgamulaŋguluke iŋkumbu.
3ŴaLesa ŵalifumine kuTemani;
A ŵo A ŵaswetelele ŵalifumine kulupili lwaPalani.
Uŵuleme bwaŵo kaŵuputa pamaulu,
Necalo capansi naeo kaeiisula ukuŵalemya.
4Ukusasamuka kwaŵo kwali koti kutuŵa;
Insasamyenje kasifuma kukuŵoko kwaŵo;
Mopelo'mo kaŵafisa amakosa aŵo.
5Umwalo kauŵatanjilila,
Necilwasi naeo ieakupisya kacifuma apali amakasa aŵo.
6Kaŵemakana, kaŵapima icalo capansi;
Kaŵatontomeka, kaŵalekanya imisyoŵo yaŵantu;
Lomba nemapili amuyayaya kaapalaŋganisiwa,
Netupili utwakulukuyayaya katwinamisya;
Insila syaŵo syali koti kale.
7Nalibwene amasema akuKusyani, alukupeŋga;
Ifipembe ifyakuealo caMidyani kafitutuma.
8ŴaYawe kani ŵalukusifitilwa inika?
Kani ukukalipa kwenu kwalukusiŵueila inika,
Neli ŵukali bwenu ukuciŵueila icisiŵa,
Pakuti mwalukwenda pali ŵakafwalo ŵenu,
Napaŋgolofwana syenu isyakupulusya?
9Uŵuta bwenu bwalifuninwe,
Ekupamwa ukulapilwe kwisiwi lyenu.
Mwalipandwile iealo kumanika.
10Amapili alimubweneni nekutina;
Neŵuloŵe naŵo nekupita;
Isiŵa ilitali kalisimbwisya nesiwi lyalilyo,
Kalisuntula peulu amaŵoko alilyo.
11Akasuŵa nemwensi kafiimakana pantu pafiko,
Pakutuŵa imifwi yenu, pakulukwenda yo,
Napakutula ifumo Iyenu ilyakuŵalaka.
12Mweŵo kamupita muealo ili mukalipile,
Kamupuma nemisyoŵo yaŵantu pakulukufitwa.
13Mwalifumine mukupulusya aŵantu ŵenu,
Emukuŵapulusya aŵasufisiwe ŵenu.
Mwalipusisye mumutwi muŋanda yambifi,
Ili mufumisya apaswetele ifyapansi ukufika nakumukosi.
14Mwalitibwile umutwi wafita fyakwe kuŋkoli syakwe;
Fyaliisile koti kapupulwa mukumpalaŋganya;
Fyalukusemba koti nipakulya aŵapeŋgele pamfiso.
15Mwalinyantawile icisiŵa kuli ŵakafwalo ŵenu,
Uyo-mupili wamenda amakosa.
16Naliumfwile, lomba munda mwanji mwalitutumine,
Nemilomo yanji nayo nekukaŋka pakumfwe'siwi.
Ukuŵola kwaliinjile namumafupa anji, naneŵo kantutumina pantu panji.
Ati ŋkatusye eelele pakasuŵa kakukatasya,
Pakuŵemina aŵantu uyo ukaŵakululusya.
17Naŋgaŵa'ti umukuyu uŵule ukusapuka,
Nefisepo nekuŵula-po pamifaina;
Naŋgaŵa'ti imilimo iyakulyolife iŵe yalukoso,
Nemaŵala nekuŵulo'kwikate'fyakulya;
Naŋgaŵa'ti itaŋga lyambelele lipinikwe ukulifumya kucimpata,
Namucipata caŋombe namo muŵulemo netaŋga lyonse;
18Naŋgaŵe'fyo ŋkalukusembela muli ŵaYawe,
Nekulukusaŋgalalila muli ŵaLesa ŵakupuluka kwanji.
19ŴaYawe, eŵaSikulu, makosa anji;
Ŵalukwaalulula amakasa anji koti makasa aŵakota;
Ŵakanyensya pantu panji apasuntucile.
Kumulisi umukulu, pali ŵamanyema ŵanji.
Currently Selected:
Abakuci 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
