Sakaliya 9
9
1Umulandu wesiwi lyaŵaYawe uwakucalo caKadelaci; Damasiko eukaŵa pakutusisya wo; pakuti ilinso lyaŵantu nelyamikoka yonse iyakuIsilaeli lililolele kuli ŵaYawe; 2naAmati kaŵili uli nemipaka kopelo'ko; naTulo naSidono, pakuti uli nemano akuti. 3Lomba Tulo waliliiŵacile apakosele, nekuwuŋganisya isilifa koti lifukutu, negolide ilisuŵulwilwe koti matipa amumiseŵo. 4Ŵoneni, ŵaYawe ŵakaupokolola ifyauo, nekupama amakosa auo mucisiŵa; peŋka ukapya mumulilo. 5Asikelono ukaciŵona nekutina; nawo Gasa kaŵili, ukasendaka kukusomenwa; naEcilono nawo, pakuti ulucetekelo lwauo lukaŵa nensoni; popele imfumu iyakuGasa ikonaika, namuAsikelono tamukekala-mo neli ŵantu. 6Lomba aŵana ŵaŵusice eŵakekala muAsidodi, naneŵo eli ŋkapinika ukulitota kwaŵaFilisiti. 7Kaŵili ŋkafumya-mo imilopa yaŵo mukanwa kaŵo, nefyakunekasya fyaŵo pakati pamenso aŵo; naŵo kaŵili ŵakaŵa cakusyala-po icakuli ŵaLesa ŵesu; cikalukuli koti nimfumu muJuda, naEcilono nawo koti muJ ebusi. 8Lomba neŵo ŋkewaka ifisasa apasiŋgulucile iŋanda yanji mukulwa neŵumba lyafita, eŋgesa neli muntu mukupita-mo neli kubwela, eŋgesa kaŵili neli ŵakukululusya mukupita-mo'mo liŵili; pakuti ŵukumo naŵona nemenso anji.
9Saŋgalala ukwakuti, wemwana umwanakasi wakuSayoni! Uŵilicisye, wemwana umwanakasi wakuJelusalemi! Ŵona-ko, imfumu yoŵe ilukwisa kuli weŵo, iluŋgeme, ili nekupulusya, itekenye, ilukwenda pamboŋgolo, epamutule, akana kamboŋgolo, 10Peŋka ŋkapinika iŋgolofwana yaŋkondo kuEfilayimi, nakafwalo kuJelusalemi; neŵuta bwaŋkondo naŵo ŵukapinikwa; popele ikalaŵila uŵutende kumisyoŵo yaŵantu; neŵufumu bwaiyo lomba ŵukafuma kucisiŵa cimbi nekufika nakucisiŵa ciŵyakwe, nekufuma kuNika nekufika nekupelele lukoso icalo capansi.
11Weŵo kaŵili, pakuti pamilopa yakulayana koŵe, nalifumisye ŵakaili ŵoŵe mucikanda umo umu tamuli amenda. 12Mwalulucile kuntu ukukosele mweŵakaili ŵalucetekelo; lelo lyopele ndukuwulisisya ati ŋkakubwesesya paŵili. 13Pakuti nalilifunine Juda, nekukumanya uŵuta naEfilayimi; lomba ŋkawaŵusya aŵana ŵoŵe aŵalalume weSayoni, ukuŵaŵusisya aŵana ŵoŵe aŵalalume weEla, nekukwalula koti nimpoko yamwalalume wamakosa. 14Peŋka ŵaYawe wakawoneka peulu pali ŵo; umufwi waŵo ukema koti kampesimpesi; kaŵili ŵaSikulu Yawe wakalisya ulupeŋga, nekulukwenda netupupulwa utwakusaufu, 15WaYawe ŵamaŵumba wakawalama; naŵo ŵakalukulya, nekulukunyanta amabwe amumalekeni; kaŵili ŵakalukunwa, nekucite'cipupa koti nimumfaina; naŵo nekwisusiwa koti mabeseni, nakoti makoŋko akuconto. 16Popele ŵaYawe Lesa waŵo ŵakaŵapulusya akasuŵa ako koti litaŋga lyaŵantu ŵaŵo; pakuti wakalukuli koti mabwe amumuntinya asuntwilwe peulu pacalo caŵo. 17Ele, uŵukulu bwakuwama kwaŵo! Ele, uŵukulu bwaŵulombe bwaŵo! Amasaka akaleŋgela awasaŋkwa ukusekela, nemfaina syaŵukumo nekuwaleŋgele' fyo ŵamoye.
Currently Selected:
Sakaliya 9: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
