Sakaliya 3
3
1Popele yalindanjisye Josyua umupapatilisi umukulu, ili emakene pamenso aŋkalamba yaŵaYawe, pamo naSatana ili emakene palwine lwakwe mukumusinina. 2Peŋka ŵaYawe ŵalilaŵile kuli Satana ati: WaYawe ŋgaŵakupatile, weSatana; icine, ŵaYawe aŵasalulwile Jelusalemi ŋgaŵakupatile. Kansi uyu taali cisiŋga icilapwilwe mumulilo?
3Lomba Josyua alifwite ifyakufwala ifyafiko; waliimakene pamenso aŋkalamba. 4Popele yo yaliasucile nekulaŵila kuli ŵaŵo aŵemakene pamenso aiyo ati: Mumufulile ifyakufwala ifi ifyafiko. Nakuli ye kailaŵila ati: Ŵona-ko, napisya ukusendama koŵe, ukukufumya pali weŵo; lomba nakukufwika ifyakufwala ifyamataŋgalo. 5Peŋka neŵo ati: Ŋgaŵamufwalike insalu iswetele mumutwi wakwe. Fyopele'fyo kaŵamufwalika insalu iswetele mumutwi wakwe, nekumufwika ifyakufwala; peŋka iŋkalamba yaŵaYawe yaliimakene apo.
6Popele iŋkalamba y'aŵaYawe yalimufundile Josyua ati, 7WaYawe ŵamaŵumba ŵalukulaŵile'fi ati:
Kani ulukwenda pansila syanji, nekulukulilama ifunde lyanji, eli ukalukusololola muŋanda yanji, nekulama imansa syanji; peŋka naneŵo ŋkakupela imficilo pakati pali ŵaŵa aŵemakene pano. 8Umfwa-po pano, Josyua wemupapatilisi umukulu, weŵo neŵaŵyoŵe aŵekala pamenso oŵe; pakuti ŵo ŵantu aŵakulanjisya ifyo ifikesa. Pakuti ŵoneni, ŋkabwenesya umupyunjisi wanji, eMutano. 9Pakuti ŵoneni, ndi ibwe ili naŵika pamenso akwe Josyua; pebwe limo pali amenso asanu naaŵili; woneni, ŋkalemba-po amalembo alilyo, efilukulaŵila ŵaYawe ŵamaŵumba; lomba ŋkafumya ukusendama kwacalo ico pakasuŵa kamo. 10Pakasuŵa ako, efilukulaŵila ŵaYawe ŵamaŵumba, mwense mukaŵeta aŵaŵyenu munsi yamiti yenu yamifaina neyamikuyu.
Currently Selected:
Sakaliya 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
