Sakaliya 2
2
1Popele nalilakamine mwiulu nekuŵona, lomba kusaŋga nikumuntu uli nemwando wakupima-ko muminwe yakwe. 2Peŋka neŵo ati: Ulukuyapi? Naye aliŋgasucile ati: Ndukuya mukupima Jelusalemi, ati mbone ifili ubwipi bwakuko neŵutali bwakuko.
3Lomba ŵoneni, iŋkalamba iyo iyalukwambala naneŵo yaliimine; naimbi Iŋkalamba nayo yaliicinsisye, 4nekulaŵila kuli yo ati: Wutuka, ulaŵile kumusaŋkwa uyu ati, MuJelusalemi mukalukwikala aŵantu apakuwula'maliŋga, pakuti pabwinji bwaŵantu nenama ubwamomo. 5Pakuti neŵo, efilukulaŵila ŵaYawe, neŵo nemwine ŋkauwela liliŋga lyamulilo ilyakuusiŋguluka; ŋkalukuli ŵuleme pakati pali wo.
6Umfweni! umfweni! mufyuke ukufuma kucalo cakunofu, efilukulaŵila ŵaYawe; pakuti namupalaŋganyeni koti fipupu fyakwiulu fyonane, efilukulaŵila ŵaYawe. 7Umfwa-ko Sayoni! upuluke, weulukwikala nemwana umwanakasi uwakuBabiloni. 8Pakuti ŵaYawe ŵamaŵumba ŵalukulaŵile'fi, pakweŵa'ti uŵuleme bwawo bwalintumine kumikoka yaŵantu aŵamutapileni-pakuti uyo ulukukuma-ko kuli mweŵo eulukukuma-ko kwisiso lyaŵo-ati: 9Ŵonako, ŋkasuŋkanya ukuŵoko kwanji pali ŵo; lomba ŵakaŵa cakutapwa kuŵalukuŵapyunjila; eli mukesiŵa ati niŵaYawe ŵamaŵumba eŵantumine.
10Kosemba, ulukusaŋgalala, wemwana umwanakasi wakuSayoni; pakuti ŵona, ndukwisa mukwikala pakati pali weŵo, efilukulaŵila ŵaYawe. 11Peŋka imikoka yaŵantu iyinji ikasaŋkana naŵaYawe akasuwa ako; yo ikalukuli ŵantu ŵanji; lomba neŵo ŋkalukwikala pakati pali weŵo, eli ukesiŵa ati ŵaYawe ŵamaŵumba ŵalintumine kuli weŵo. 12Lomba ŵaYawe ŵakapyana Juda ati cakwaŵa caŵo mucalo iciswetelele, nekusalulula kaŵili naJelusalemi, 13Mwikale celele mweŵamunefu mwense pamenso aŵaYawe; pakuti ŵaŵuka mumwakwikala mwaŵo umuswetelele.
Currently Selected:
Sakaliya 2: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
