Sakaliya 13
13
1Pakasuŵa ako pakesucila aŵakuŋanda yakwe Dafidi nenjikale syakuJelusalemi akantupuntupu, pakuti pakuŵifya napakuti pafiko.
2Lomba pakasuŵa ako, efilukulaŵila ŵaYawe ŵamaŵumba, pakaŵa ati ŋkapinika amasina afiŵumbwaŵumbwa mucalo, peŋka taakalaŋgulukwa liŵili, tau; nakaŵili ŋkaleŋgesya ati aŵakusimika nemupasi uŵipile ŵafume-mo mucalo. 3Popele fikacitwa ati, ili akalukucisimika umbi, eli ŵakalaŵila kuli ye ŵawisi naŵanyina aŵamufyele ati, Tesi wikalepo nemweo, pakuti ulukulaŵila ifyaŵufi mwisina lyaŵaYawe. Lomba ŵawisi naŵanyina aŵamufyele ŵakamutiŵula ili alukusimika.
4Peŋka pakasuŵa ako pakaŵa ati, aŵakusimika ŵonse umo umo akaŵa nensoni, pakuti pafyakuŵoneka fyakwe pakusimika; kaŵili taŵakafwala umwinjila wamasako mukutumpaika; 5sombi akalaŵila ati, Nsili ninewakusimika, tau; ndi mulimi wamusili; pakuti naliŵele nikalume ukufuma kuwusaŋkwa bwanji. 6Lomba umbi aŋgalawila kuli ye ati, Mbefi-filonda ifili pakati pamaŵoko oŵe fyando? Eli aŋgaasuka ati: Efyefyo ifi nalasilwe muŋanda yafiŵusa fyanji.
7Ŵuka wempoko, uŵucile umwembesi wanji, nemuntu uli muŵyanji, efilukulaŵila ŵaYawe ŵamaŵumba; upame umwembesi, peŋka nembelele sikapalaŋganisiwa; eli ŋkalulo'kuwoko kwanji kusinini. 8Lomba pakaŵa ati mucalo conse, efilukulaŵila ŵaYawe, amaŵumba aŵili amuli co akapinikwa nekufwa, sombi ilyaŵuatatu likasilwa-mo. 9Lomba iŵumba lyaŵuatatu ŋkalipisya mumulilo, nekuŵaswesya koti nifyefyo ifiswesiwa isilifa, nekuŵesya koti nifyefyo ifiesiwa igolide; ŵakalila mwisina lyanji, eli ŋkaŵomfwa. Neŵo ŋkalawila ati, Ŵantu ŵanji; naŵo ŵakalaŵila ati. ŴaYawe eŵaLesa ŵanji.
Currently Selected:
Sakaliya 13: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
