Sakaliya 11
11
1Isula kumilyaŋgo yoŵe weLebanoni, ati umulilo woce ŵayelesi ŵoŵe. 2Kopama-mo nemisowa wemuŵelosi, pakuti yelesi aliwile, napakuti aŵaŵuleme ŵalionawilwe; kamupama-mo nemisowa mwemyeloni yakuBasyani, pakuti iyamba ilisacile ilitemenwe. 3Nikwisiwi lyamisowa yaŵembesi! pakuti uŵuleme bwaŵo ŵulionawilwe. Nikwisiwi lyakuŵuluma kwaŵapempela ŵaŋkalamu! pakuti ukufuŵatila kwaku Jodeni kulionawilwe.
4ŴaYawe Lesa wanji ŵalilaŵile'fi ati: Kosanine'taŋga lyasyakwipaiwa, 5isyo isi ŵalukwipaya aŵene ŵasisyo, nekulieŵa ati tatukwete-mulandu; naŵaŵo kaŵili aŵalukusyulisya ŵalukulaŵila ati: WaYawe ŋgawalemiwe, pakuti neŵo ndiŵilile; kaŵili aŵembesi ŵasisyo isine taŵasyumfwila-po neŋkumbu. 6Pakuti nsikasyumfwile'ŋkumbu liŵili injikale isyamucalo, efilukulaŵila ŵaYawe; sombi ŵoneni, ŋkapela aŵantu ŵonse umo umo muminwe yaŵaŵyakwe namuminwe yamfumu yakwe; naŵo ŵakapama icalo; lomba muminwe yaŵo nsikaŵapulusya-mo, koku.
7Fyopele'fyo nalisanine itaŋga lyasyakwipaiwa, icine, isipeŋgele syapetaŋga, Peŋka naliŵulile indondo siŵili; imo naliilicile ati niLuse, naimbi nayo kanjiilika ati niKukaka; popele naliembele itaŋga. 8Lomba naliŵapinicile aŵembesi ŵotatu pamwensi untu umo; pakuti umutima wanji waliŵakanamine, nemutima waŵo nawo nekunekacila neŵo. 9Popele neŵo ati: Tekuti musanineni; iyo ilukufwa, ŋgaifwe; nayeyo iŋgapinikwa, ŋgaipinikwe; napali syesyo isyakusyala-ko syonse imo imo ŋgailve umunefu waiŵyakwe. 10Peŋka naliŵulile indondo yanji, Luse, nekwipandula pakati, ati ŋkonone ukulayana kwanji, uko nalayene neŵantu ŵonse. 11Lomba kwalikonwenwe akasuŵa ako; fyopele'fyo isipeŋgele isyapetaŋga isyaŋkuticile syaliisiŵile ati lisiwi lyaŵaYawe.
12Kaŵili nalilaŵile kuli syo ati: Kani mwaeŵa ati ciweme, mumpele amalambulo anji; sombi kani ifyo tefyo, mucileke. Popele syaliŋgesesye amalambulo anji ati masyekeli esilifa amakumi atatu. 13Lomba ŵaYawe ŵalilaŵile kuli neŵo ati: Umuposele umuŵumfi umulo uyo uweme uyu naeŵelwe kuli syo. Peŋka naliŵulile ayo-masyekeli esilifa amakumi atatu, nekumuposela umuŵumfi muŋanda yaŵaYawe. 14Elyo napandwile pakati indondo yanji imbi nayo, eKukaka, ati ntoŵe ubwana-bŵaŋkasi bwapakati kaJuda naIsilaeli.
15Popele ŵaYawe ŵalilaŵile kuli neŵo ati: Uŵule liŵili ifyakupyuŋga-ko ifyamwembesi utumpile. 16Pakuti ŵona, ŋkawusya umwembesi mucalo, utaakendela isyo isipinicilwe, neli kufwayafwaye'syo isipalaŋgene, neli kuŵusya iyo ikonekele, neli kusanina iyo ikosele, sombi akalya umunefu wesipamfi, nekusantala amaŵondo asisyo. 17Isyamo liŵe kumwembesi walukoso ulukusya itaŋga! Impoko ikalukuli pakuŵoko kwakwe napalinso lyakwe ilyakulwine; ukuŵoko kwakwe kukominina, nelinso lyakwe ilyakulwine nalyo likaŵa nemfinsi bwii.
Currently Selected:
Sakaliya 11: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
