Mika 6
6
1Ŋgamumfwe pano ifilukulaŵila ŵaYawe: Imeni, mulukulwa pamenso amapili; utupili ŋgatumfwe isiwi lyenu. 2Mwemapili, ŋgamumfwe ukupicisya kwaŵaYawe, namweŵo mwefyapansi ifyakucalo ifyakwikalilila; pakuti ŵa Yawe ŵali necakupicisya newantu ŵaŵo; naŵo ŵakamukombetela Isilaeli.
3Mweŵantu ŵanji, kansi namucitile' ndo? Nimundo namukatesyeni? Nsimicileni! 4Pakuti nalimufumisyeni mucalo caIjipiti, nekumuluŵuleni muŋanda yaŵukaili; kaŵili naliŵatumine Mose naAloni naMilyami ati ŵamutanjilileni.
5Mweŵantu ŵanji, kamulaŋguluke' fyo ifi aipwisye Balaci, imfumu yakuMoabi, nafyefyo ifi amwasucile Balami, umwana wakwe Beyoli; kamulaŋguluka ukufuma kuSitimi ukufika kuGiligali, ati ŋgamwisiwe ifyakucita ifiluŋgeme ifyaŵaYawe.
6Mbanendo niŋgafika pamenso aŵaYawe, nekwinamisya pamenso aŵaLesa aŵakulu? Kani niŋgafika pamenso aŵo nemilambu yakoca, neŵombe aŵamwaka umo? 7Kani ŵaYawe waŋgatemenwa mumbelele isyalalume amasausande aenji, neli nenika syamafuta amasausande mpaŋgana mpaŋgana? Kani niŋgaposa umwana wanji umuŵele pakuti pakupulaisya kwanji, uwafyelwe kumuŵili wanji pakuti pakuŵifya kwamutima wanji?
8Wemuntu, ŵalikubwenesye ifyo lfiweme; lomba ŵaYawe ŵalukufwaye'ndo kuli weŵo? Kansi nikweŋko'kucito'kuluŋgama, nekutemwe'ŋkumbu, nekwenda ukwakulicefya naŵaLesa ŵoŵe.
9Isiwi lyaŵaYawe lilukulililo'musi, lomba uwamano eukaŵone'sina lyoŵe. Ŋgamukutike indondo newaiŵicile.
10Kani pacili amaŵoni aŵumbifi muŋanda yaŵakuŵifya, necakwesya icakucepa icilukufundasya mumutima? 11Kani niŋgasweta, nendi nemasikelo akuŵifya, netumba lyafyakwesya ifyakutumpaika? 12Pakuti aŵasambasi ŵakuko ŵaliiswile uwuŋgwa; injikale syakuko syalukulaŵila uŵufi; ulumini lwasisyo lwakutumpaika mutunwa twasisyo. 13Pakuti pali fyefyo nalikupamine neciweŋga iciŵipile, nekukonala pakuti pafyakuwifya fyoŵe. 14Ukalya, sombi tokekuta; ukupufiwa koŵe kukalukuli pakati pali weŵo; lomba ukaŵika, sombi tokaŵicilila, nafyefyo ifi uŵika ŋkafiposa kumpoko. 15Ukaŵyala, sombi tokateŵula; ukanyanta amaolife, sombi tokalisufya kumafuta; ukanyanta imfaina, sombi tokanwa-po ulufaina. 16Pakuti amafunde akwe Omili alukulamwa, pamo nefyakucita fyonse fyaŵakuŋanda yakwe Eyabi; lomba mweŵo mulenda mukufunda kwaŵo; ati ŋgaŋkuleŋgesye konalwa, nenjikale syakuko nsileŋgesye cikoŵe; fyopele'fyo mukapinta ukupufiwa kwaŵantu ŵanji.
Currently Selected:
Mika 6: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
