Mika 5
5
1Pano wakuliwuŋganya pamaŵumba, wemwana umwanakasi wamaŵumba. Tulisiŋgulucilwe; lomba ŵakamupama umusololwesi waku Isilaeli palutoŵo kundondo.
2Sombi weŵo, weBetelemi Efilata, weuli munini pakati pamikoka yakuJuda, muli weŵo mukamfumina uyo ukalukuli mwikalicisi muIsilaeli; imfumino yakwe ilitulile akale lukoso ukwamuyayaya, 3Pakuti pali fyefyo akaŵaposa, ili taiŋgafika impindi yakufyala yawoyo ulukupotwa; peŋka aŵasyele-po paŵakwaŵo ŵakabwelela kuŵana ŵakwe Isilaeli. 4Naye akemakana nekulisya itaŋga lyakwe kumakosa aŵaYawe, nakuŵuleme bwesina lyaŵaYawe, Lesa wakwe; naŵo ŵakekalilila; pakuti pano akalukuli mukulu ukufika ukupelele icalo.
5Lomba uŵutende bwesu ŵukalukuli niwuyu: pakwisa umuAsiliya mucalo cesu, nekunyantala ututanino twesu, eli tukamuŵusisya aŵembesi ŵasanu naŵaŵili, nefileme fisanu nafitatu. 6Popele ŵo ŵakonala icalo caŵaAsiliya kumpoko, necalo cakwe Nimilodi pakwinjilila kwakuko; naye akatupulusya kuminwe yamuAsiliya, pakwinjila ye mucalo cesu, nekunyantala mumipaka yesu.
7Popele aŵakusyala-po ŵakwe Yakobi ŵakalukuli pakati paŵantu aŵenji koti cime icakufuma kuli ŵaYawe, nakoti tufula twamaŵalala pacani, ututatupembelelo'muntu, neli kwikalila aŵana ŵaŵantu. 8Lomba aŵakusyala-po ŵakwe Yakobi ŵakalukuli pamisyoŵo yaŵantu, pakati pamikoka yaŵantu iyinji, koti niŋkalamu pakati panama syamwiyamba, nakoti mwana ŵaŋkalamu pakati pamataŋga ambelele; wopele, kani apite-mo, alukunyantala nekusansala; lomba tapali-po uwakupulusya. 9Ukuŵoko koŵe ŋgakusuntuke peulu paŵapate ŵoŵe, netupondo toŵe kaŵili ŋgatupinikwe tonse.
10ŴaYawe ŵalukulaŵila ati, Pakasuŵa ako pakaŵa ati ŋkapinika ŵakafwalo ŵoŵe pakati pali weŵo, nekonala iŋgolofwana syoŵe; 11kaŵili ŋkapinika imisi yakucalo coŵe, nekuwisya pantu poŵe ponse apakosele; 12nakaŵili ŋkapinika uŵufwiti ukuŵufumya muminwe yoŵe; taukalukuli-po neŵayambo; 13nakaŵili ŋkapinika pakati pali weŵo ifiŵumbwaŵumbwa fyoŵe ifyakuŵaswa nempanda syoŵe; lomba tokalukupapata liŵili kumilimo yakuminwe yoŵe. 14Popele ŋkemuna ŵaAsyela ŵoŵe ukuŵafumya pakati pali weŵo; nekonala nemisi yoŵe. 15Nakaŵili ŋkabwesyo' mulandu, nekufitwa neŵukali, pamisyoŵo yaŵantu iyo tayalukumfwa-po.
Currently Selected:
Mika 5: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
