Mika 3
3
1Popele nalilaŵile ati: Ndukumukombeteleni ati mumfwe, mwefumu syakuli Yakobi, namweŵekalicisi ŵapananda yakuIsilaeli, kansi tamuli nimweŵo muŋgesiwa ukusololola? 2mwemufitilwa ukuwama, nekutemwa ifyakuŵifya, mwemulukuŵafunda neŋkanda yaŵo, nekufumya nemunefu waŵo kumafupa aŵo; 3mwemulukulya kaŵili umunefu waŵantu ŵanji; icine, ŵalaŵafunda iŋkanda yaŵo, nekutoŵala nemafupa aŵo; icine ŵalaŵatetala ati finani fyamunoŋgo, minefu yakwipika. 4Peŋka ŵakaŵalilila ŵaYawe, sombi tekuti ŵakaŵaasuke-po; icine, ŵakafisa amenso aŵo kuli ŵo pampindi iyo, koti nifyefyo ifi ŵacitile'fyakuŵifya pakucita kwaŵo.
5Ifyakuŵakusimika awaleŋgesya ati aŵantu ŵanji ŵaŵifye, aŵasuma kumeno aŵo, ili ŵaŵilika ati, Ŵutende; aŵaŵaŵusisya Iŋkondo ŵonse aŵo aŵataŵaŵika neli kantu mutunwa twaŵo; ŵaYawe ŵalukulaŵile'fi ifyakuli ŵo, ati: 6Pakuti pali fyefyo pakamuŵeleni ŵusiku, mwiŋgesa mukuŵa nekuŵona; pakamuŵeleni nimfinsi, mwiŋgesa-kuseŋgulula. Akasuŵa kakaŵawila aŵakusimika; pakasuŵa pakaŵafitila. 7Popeie aŵasimicisi ŵakaŵa nensoni, newakuseŋgulula nekukaŋkamikwa; icine ŵonse ŵakafimba-po pamilomo yaŵo; pakuti tapali-po neli kwasuka ukufuma kuli ŵaLesa. 8Sombi icinenene neŵo ndiiswile uŵukulu kumupasi waŵaYawe, nekusololola, nemakosa, mukumuŵulisisya Yakobi ukupulaisya kwakwe, nekumuŵulisisya Isilaeli ukuŵifya kwakwe.
9Ndukumukombeteleni ati mumfwe' fi, mwemfumu syapananda yakwe Yakobi, namweŵekalicisi ŵapaŋanda yakuIsilaeli, mwemukanamina ukusololola, mwemusendeka ukuluŋgama konse. 10Ŵaleŵaka Sayoni kumilopa, na Jelusalemi kukusendama. 11Imfumu syakuko silasololola mukupoke'lambulo, neŵapapatilisi ŵakuko nekusambisya mukupoke'syakulambula, neŵakusimika ŵakuko naŵo nekuseŋgulula mukupoke' ndalama. Naŋgawe'fyo ŵaŋgeyamina pali ŵaYawe, nekulaŵila ati, Kani ŵaYawe taŵali pakati pali fweŵo? Tekuti ŵumbifi neli ŵumo ŵukatuficile. 12Pakuti pali fyefyo, Sayoni ukalimwa koti liŵala pakuti pali mweŵo, nawo jelusalemi nekuŵa mipili-mipili lukoso, nelupili lwananda nekuŵa koti pasuntucile apasacile.
Currently Selected:
Mika 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
