Mika 2
2
1Kasyamo kuli ŵaŵo aŵaalakanya ukusendama, aŵacito'kuŵifya pamalo aŵo! Pakuco'lucelo kaŵakucita, pakuti nikumakosa akuminwe yaŵo. 2Lomba ŵalaakumbwa amaŵala nekwapokolola, nemananda nekwanyoŋgomona; kaŵili ŵalapensya umuntu nenanda yakwe, emuntu neŵupyani bwakwe.
3Pakuti pali fyefyo ŵaYawe ŵalukulaŵile'fi ati: Ŵoneni, ici-cisolo ndukucalakanisisyo'kuŵifya, uko tamukafumya imikosi yenu kuli ko; kaŵili tekuti mukalukwenda ili mulitota; pakuti nimpindi iŵipile. 4Pakasuŵa ako ŵakamuŵusisyeni ukupalanya, nekulukulila nemisowa yakuwombomana, nekulaŵila ati, Tulionaicile ono ono; ŵalacalula icakwaŵana caŵantu ŵanji; kansi ŵalacifumya kuli neŵo! ŵalaŵaaŵanisisya amaŵalaesuaŵakwalucila. 5Pakutipali fyefyo tamukalukuli newakupime'yafipimo kucipa mwiwuŋgano lyaŵaYawe.
6Tekusimika-efi ŵasimika. Tekuti ŵakasimike kuli ŵaŵa; ukutoŋgala takukafuma-po. 7Kani fikalaŵilwe ati, Wenanda yakwe Yakobi, kani umupasi waŵaYawe ulifininwe? Kani ifi fyakucita fyaŵo? Kansi amasiwi anji taalacita bwino kuli woyo ulukwenda ukuluŋgeme? 8Sombi ŵukumo aŵantu ŵanji ŵa ŵuka koti kapondo; mulafula ŵakaminsa ukuŵafumya kufyakufwala fyaŵo aŵalukupita ili ŵacetekele, ukwakuŵulo' kulaŋguluke'fyaŋkondo. 9Mulatamfya mumananda aŵo aweme aŵanakasi ŵaŵantu ŵanji, nekufumininisya uŵuleme bwanji kuŵana ŵaŵo aŵanice. 10Imeni, mulukuya; pakuti ifi tafili kutusya kwenu, pakuti pafiko ifyonala nekonala ukulemene. 11Kani umuntu, ili enda mucipupu nefyaŵufi, aŵepe ati, Nakukusimicila ifyamfaina nekunwa ukukosele; niye ukaŵa wakusimika waŵantu aŵa.
12Icinenene, weYakobi, ŋkamuwuŋganyeni mwense; icinenene ŋkawawuŋganya aŵakusyala-po ŵakuIsilaeli; ŋkaŵaŵika pamo koti nimbelele syakuBosila; koti litaŋga pakati pacembelelo caliko, ŵakacite'cipupa icikulu pakuti pabwinji bwaŵantu. 13Uwakutoŵala waninina ukulukuŵatanjilila; ŵo ŵa toŵala nekupitila nakumusiko, nekufumamo'mo; kaŵili imfumu yaŵo yapita ukulukuŵatanjilila, naŵaYawe kaŵili nekuŵaŵanjilila.
Currently Selected:
Mika 2: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
