Ifya Ŵalefai 9
9
1Popele apo lomba pakasuŵa kaŵusisanu nasitatu, Mose waliwetile Aloni neŵana ŵakwe aŵalalume neŵakulu ŵaŵaIsilaeli; 2nekulaŵila kuli Aloni ati, Uŵule umombe umucende ati mulambu uwapafyakuŵifya, pamo nembelele iyalalume ati mulambu uwakoca, iyakuŵule'fisemba, usipose pamenso aŵaYawe. 3Popele nakuŵaIsilaeli ukalaŵile ati, Muŵule pepe ati mulambu uwapafyakuŵifya; nemombe nemwana wambelele, ŵoŵilo aŵalele-po pano pesonde umwaka umo lukoso, aŵakuŵule'fisemba, ati mulambu uwakoca; 4neŋombe nembelele iyalalume ati milambu yaŵutende mukusiipaila pamenso aŵaYawe; nekuposa kwawuŋga uwusaŋkene nemafuta; pakuti lelo ŵaYawe ŵalukulibwenesya kuli mweŵo.
5Popele ŵaliletele ifyo ifyafundile Mose pamenso esema lyewuŋgano; popele iŵumba lyonse lyalipalamine nekwimakana pamenso aŵaYawe. 6Peŋka Mose kaalaŵila ati, Ici ecintu icafundile ŵaYawe ati ŋgamucite; eli ŵukaŵoneka kuli mweŵo uŵuleme bwaŵaYawe.
7Peŋka Mose kaalaŵila kuli Aloni ati, Palamina apepi napaconto, upose ukuposa koŵe ukwapafyakuŵifya nekuposa koŵe ukwakoca, ulicitile ukulamwina, uŵacitile neŵantu kaŵili; upose nemulambu waŵantu, uŵacitile ukulamwina koti nifyopele'fyo ifyafundile ŵaYawe. 8Fyopele'fyo Aloni kaapalamina napaconto, kaamwipaya umombe wapakuposa kwapafyakuŵifya, ukwakulicitila ukulamwina. 9Lomba neŵana ŵakwe Aloni aŵalalume ŵalimupele imilopa; naye kaatanta-mo nemunwe mumilopa, kaaiŵika pamaseŋgo aconto, kaetulwila nemilopa pansi paconto; 10sombi amafuta nemfyo nalwisalila uwakuciŵu camulambu uwapafyakuŵifya, alifyecele paconto; koti nifyopele'fyo ifyamufundile Mose ŵa Yawe. 11Kaŵili umunefu neciseŵa alifyocele mumulilo pesonde lyacisasa. 12Kaŵili aliipeye nekuposa ukwakoca; popele aŵana ŵakwe Aloni aŵalalume ŵalimupele imilopa, naye kaaisansa paconto ponse ponse. 13Kaŵili ŵalimupele nekuposa ukwakoca, pamunefu, pamo nemutwi: naye kaayoca paconto. 14Peŋka kaasamfya ifyamukati nemolu, kaafyoca peulu pakuposa ukwakoca paconto.
15Popele apo alipele nemulambu waŵantu, nekuŵula imbusi yakuposa ukwapafyakuŵifya ukwakuŵacitila ukulamwina, nekwiipaya nekwiposa pakuti pafyakuŵifya, koti kwakutaŋga. 16Kaŵili alipele nekuposa kwakoca nekukuposa koti kulaya. 17Popele alipele nekuposa kwawuŋga, nekwisusya naŵo mulupi, nekuwoca paconto, peulu pakukoca ukuposa ukwakoca ukwalucelo. 18Kaŵili alisiipeye neŋombe nembelele iyalalume, umulambu wakuposa kwaŵutende, ukwakuŵantu; popele aŵana ŵakwe Aloni aŵalalume ŵalimupele imilopa; naye waliisansile paconto ponse ponse, 19nemafuta aŋombe, neambelele iyalalume, nemucila wamafuta, neapeulu pafyamukati, nemfyo, nalwisalila uwapaciŵu; 20naŵo ŵaliŵicile amafuta pantiŵi, naye nekuoca amafuta paconto; 21kaŵili nentiŵi syoŵilo nekasolo akakulwine Aloni walikupawile ati mulambu uwakukupala pamenso aŵaYawe; koti nifyopele'fyo ifyafundile Mose.
22Popele Aloni walisuntwilile amaŵoko akwe kuŵantu, nekuŵasyucisya; naye aliselucile pakuposa ukuposa ukwapafyakuŵifya, nekuposa ukwakoca, nekuposa kwaŵutende. 23Popele apo Mose naAloni ŵaliinjile mwisema Iyeŵuŋgano, nekufuma-mo, nekuŵasyucisya aŵantu; peŋka uŵuleme bwaŵaYawe bwalibwenekele kuŵantu ŵonse. 24Popele kakufuma umulilo napamenso paŵaYawe, kawoca paconto nekuposa ukwakoca nemafuta; lomba aŵantu ŵonse, pakuŵone'fyo, ŵaliŵilicisye nekuwila pansi pamenso aŵo.
Currently Selected:
Ifya Ŵalefai 9: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
