Ifya Ŵalefai 8
8
1Lomba ŵaYawe ŵalilaŵile kuli Mose ati: 2Upoke Aloni pamo neŵana ŵakwe ŵoŵilo, nefyakufwala, nemafuta akusufya, neŋombe yamulambu uwapafyakuŵifya, nembelele isyalalume syoŵilo, necilukwa cafimpwampwa ifyakuwulo'musuŋga: 3uwuŋganye iŵumba lyonse kumulyaŋgo wesema lvewuŋgano. 4Popele Mose walicitile koti nifyopele'fyo ifyamuŵulile ŵaYawe; lomba neŵumba nekuwuŋgana kumulyaŋgo wesema lyewuŋgano.
5Peŋka Mose walilaŵile kwiŵumba ati, Ici ececo icafundile ŵaYawe ati ŋgactoitwe. 6Peŋka Mose waliletele Aloni neŵana ŵakwe aŵalalume, nekuŵasamfya kumenda. 7Popele alimufwicile ilaya, nekuŵika-mo nemusipi, nekumufwika nemwinjila, nekuŵikako efodi, nekumusumina nemusipi wakwe efodi upicilwe nemano, nekumukaka pali ye kuli wo. 8Popele aliŵicile pali ye icakulamina-mo intiŵi: lomba mucakulamina-mo ico aliŵicile Yulimi naTumimi. 9Kawili alimufwicile mumutwi insalu yapamutwi; kaŵili pansalu iyo kumenso alitekele icegolide, umuntinya uswetelele; koti nifyopele'fyo ifyamufundile Mose ŵaYawe.
10Peŋka Mose waliŵulile amafuta akusufya, nekusufya-po pesema napali fyo fyonse ifyali-mo, nekufiswesya. 11Kaŵili alisansile ifyapaconto impindi sisanu nasiŵili, nekusufya paconto napafiŋkoloŋkolo fyakuko fyonse, napamusambilo napacapansi cauo, nekufiswesya. 12Popele alifiitile ifyamafuta akusufya pamutwi wakwe Aleni, nekumusufya-po mukumuswesya. 13Popele Mose waliletele aŵana ŵakwe Aloni aŵalalume, nekuŵafwika nemalaya, nekuŵakaka-po nemisipi, nekuŵakaka nefyapamitwi yaŵo: koti nifyopele'fyo ifyamufundile Mose ŵaYawe.
14Peŋka waliletele iŋombe yamulambu uwapafyakuŵifya; peŋka Aloni neŵana ŵakwe ŵalitekele neminwe yaŵo pamutwi waŋombe yamulambu uwapafyakuŵifya. 15Peŋka aliipeye; naye Mose waliŵulile imilopa, nekwiŵika pamaseŋgo akuconto ponse ponse kumunwe wakwe, nekuciswesya' iconto, nekwitulwila pansi paconto imilopa, nekuciswesya mukucicitila ukulamwina. 16Peŋka aliŵulile amafuta onse ali pafyamukati, nalwisalila waciŵu, nemfyo syoŵilo, nemafuta asisyo; lomba Mose nekuoca paconto. 17Sombi iŋombe pamo neciseŵa nemunefu neŵufulu alifyocele fyonse mumulilo pesonde lyacisasa; koti nifyopele'fyo ifyamufundile Mose ŵaYawe.
18Popele apo alipele nembelele iyalalume iyamulambu uwakoca: naŵo Aloni neŵana ŵakwe ŵalitekele neminwe yaŵo pamutwi wambelele. 19Naye aliipeye; naye Mose walisansile nemilopa paconto ponse ponse. 20Peŋka alipampile imbelele; naye Mose waliocele umutwi neminefu nemafuta. 21Popele alisamfisye mumenda ifyamukati nemolu; naye Mose waliocele imbelele yonse paconto: mulambu uwakoca uwakunuŋka bwino; mulambu uwamumulilo uwakuli ŵaYawe; koti nifyopele'fyo ifyamufundile Mose ŵaYawe.
22Popele apo alipele nayeyo-mbelele iyalalume imbi, imbelele iyalalume iyakuJiposa kuli ŵaLesa; peŋka Aloni neŵana ŵakwe ŵalitekele iminwe yaŵo pamutwi wambelele. 23Lomba aliipeye; peŋka Mose waliŵulile pamilopa yaiyo, nekwiŵika peulu lukoso lyakutwi kwakwe Aloni ukwakulwine; napacikumo icakukuŵoko kwakwe ukwakulwine, napacikumo icikulu icakulukasa lwakwe ulwakulwine. 24Kaŵili aliletele neŵana ŵakwe Aloni; naye Mose aliŵicile ifyamilopa peulu lukoso lyakutwi kwaŵo ukwakulwine, napacikumo icakukuŵoko kwaŵo ukwakulwine, napacikumo icikulu icakulukasa lwaŵo ulwakulwine; kaŵili Mose walisansile imilopa paconto ponse ponse. 25Popele aliŵulile amafuta, nemucila wamafuta, nemafuta onse ali pafyamukati, nalwisalila waciŵu, nemfyo syoŵilo, nemafuta asisyo, nekasolo akakulwine; 26peŋka mucilukwa cafimpwampwa ityakuwulo'musuŋga, icali pamenso aŵaYawe, aliŵulile umukate umo uwakuwulo'musuŋga, nemukate umo wasiŋkwa uwali nemafuta, necimbala cimo, nekufiteka peulu pamafuta napakasolo akakulwine; 27peŋka alifiŵicile fyonse muminwe yakwe Aloni, namuminwe yaŵana ŵakwe, nekufikupala ati mulambu uwakukupala pamenso aŵaYawe. 28Popele apo Mose walififumisye muminwe yaŵo, nekufyoca paconto peulu pamulambu wakoca; ifyo fyakuliposa kuli ŵaLesa ifyakunuŋko' kuwene: mulambu uwamumulilo uwakuli ŵaYawe. 29Peŋka Mose waliŵulile intiŵi nekwikupala ati mulambu uwakukupala pamenso aŵaYawe: iyo yakwaŵana yakwe Mose iyapambelele iyalalume iyakuliposa kuli ŵaLesa; koti nifyopele'fyo ifyamufundile Mose ŵaYawe.
30Popele apo Mose waliŵulile-po pamafuta akusufya, napamilopa iyali paconto, nekwisansa pali Aloni, napafyakufwala fyakwe, napaŵana ŵakwe, napafyakufwala fyaŵana ŵakwe, pamo nakwe; nekumuswesya Aloni, nefyakufwala fyakwe, neŵana ŵakwe, nefyakufwala fyaŵana ŵakwe, pamo nakwe.
31Popele Mose walilaŵile kuli Aloni nakuŵana ŵakwe ati, Mwipike umunefu mumulyaŋgo uwakwisema Iyewuŋgano; mulile-po apo pamo nasiŋkwa uli mucilukwa icakuliposa kuli ŵaLesa, koti nifyopele'fyo ifi nafundile ati, Aloni neŵana ŵakwe eŵakufilya. 32Popele ifyo ifyakusyala-po ifyamunefu nefyasiŋkwa mukafyoce mumulilo. 33Lomba apo tesi mukafume mumulyaŋgo uwakwisema lyewuŋgano insiku sisanu nasiŵili, ili tasiŋgakumana insiku syakuliposa kwenu, pakuti ŵakalukumuposeni kuli ŵaLesa insiku sisanu nasiŵili. 34Koti nifyefyo ifyacitwa nekasuŵa kano koti nifyopele'fyo ŵaYawe efyo ŵafundile mukumucitileni ukulamwina. 35Kaŵili mumulyaŋgo uwakwisema Iyewuŋgano emo mukalukwikele akasuŵa neŵusiku insiku sisanu nasiŵili, ukulukulamo'kuŵula kwaŵaYawe, niŋgesa kufwa: pakuti koti nifyefyo efi mfundilwe. 36Popele apo Aloni neŵana ŵakwe aŵalalame ŵalicitile ifintu ifyo fyonse ifyafundile ŵaYawe kukuŵoko kwakwe Mose.
Currently Selected:
Ifya Ŵalefai 8: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
