Ifya Ŵalefai 20
20
1Popele ŵaYawe ŵalilaŵile kuli Mose ati: 2Kaŵili ukalaŵile kuŵaIsilaeli ati, Aŵantu ŵonse lukoso uwapaŵaIsilaeli neli wapaŵensu aŵalukwikala muIsilaeli, upela aŵana ŵakwe kuli Moleci, eukepaiwa icine; aŵantu aŵamucalo ŵakamwipaye kumabwe. 3Kaŵili ŋkamukacila nemikansa uyomuntu, nekumupinika pakati paŵantu ŵakwe; pakuti wamupela Moleci aŵana ŵakwe, mukupaŵifya pantu panji apaswetelele, nekupusyanya isina lyanji iliswetelele. 4Nakaŵili kani aŵantu aŵamucalo ŵafutate lukoso kumuntu uyo, ili amupela Moleci aŵana ŵakwe, nekuŵulo'kumwipaya; 5eli ŋkamukacila imikansa uyo-muntu neŵakwe nekumupinika nekuŵapinika pakati paŵantu ŵaŵo ŵonse aŵalukucencemansyanya nakwe, mukucito'ŵucencemesi nakwe Moleci.
6Kaŵili nemuntu uyo uwakupasucila kuŵawililwe imipasi neli nikumfwiti, nekucencemansyanya naŵo, cine ŋkamukacila nemikansa uyo-muntu, nekumupinika pakati paŵantu ŵakwe.
7Pakuti pali fyefyo muliswesye, mulukwikele muliswetelele; pakuti neŵo nineŵaYawe Lesa wenu. 8Lomba mukalukulama amafunde anji nekulukwacita: neŵo nineŵaYawe nendukumuswesyeni.
9Pakuti aŵantu ŵonse ufiŋga ŵawisi neli niŵanyina eukepaiwa icine: kansi wafiŋga ŵawisi naŵanyina; imilopa yakwe ikalukuli pali ye.
10Kaŵili umuntu uwacito'ŵucende nemukasi wamuntu umbi, icine uyo uwacito'ŵucende namuka-muŵye, nemwalalume nemwanakasi ŵoŵilo aŵacito'ŵucende eŵakepaiwa icine.
11Kaŵili uyo-muntu uwakulala namuka-ŵawisi ewafimbulula pansoni syaŵawisi: ŵoŵilo ŵakepaiwe icine; imilopa yaŵo ikalukuli pali ŵo.
12Kaŵili kani umuntu alale nemulokasi wakwe, ŵoŵilo ŵakepaiwe icine: kansi ŵacita ukufuluŋganya; imilopa yaŵo ikalukuli pali ŵo.
13Kaŵili kani umwalalume alale neŵalalume koti kulala neŵanakasi, ŵoŵilo kansi ŵacita icipakaŵi: ŵakepaiwe icine; imilopa yaŵo ikalukuli pali ŵo.
14Kaŵili kani umuntu apoke umukasi pamo naŵanyina umwanakasi uyo, ifyo niŵumbifi: ŵakociwe mumulilo, nemwalalume neŵanakasi aŵo; bwiŋgesa kwikala ŵumbifi pakati pali mweŵo.
15Kaŵili kani umwalalume alale nenama, akepaiwe icine; kaŵili mukepaye iname'yo. 16Kaŵili kani umwanakasi apalamine kunama, alale pansi pali yo, mukepaye nemwanakasi nename'yo; tikepaiwe icine, imilopa yafiko ikalukuli pali fyo.
17Kawili kani umuntu apoke iŋkasi yakwe, umwana waŵawisi neli mwana waŵanyina, nekuwone'nsoni syaiyo, nayo nekuwona nensoni syakwe; kansi ifyo fyansoni ukwakuti; ŵakapinikwe pamenso aŵana ŵaŵantu ŵaŵo: kansi afimbulula-po pansoni syaŋkasi yakwe; akapinte ukuŵifya kwakwe.
18Kaŵili kani umuntu alale nemwanakasi ulukusesa, nekufimbulula-po pansoni syakwe; kansi afimbulula-po pakantupuntupu kakwe, naye umwanakasi kansi wafimbulula-po pakantupuntupu kamilopa yakwe; popele ŵoŵilo ŵakapinikwe pakati paŵantu ŵaŵo.
19Kaŵili tesi ukafimbulule-po pansoni syamukwaŵo ŵanoko, neli nipasyaŋkasi yaŵawiso; pakuti umuntu uwakucite'fyo wafimbulula-po pansoni syamukwaŵaŵo: wakapinte ukuŵifya kwaŵo. 20Kaŵili kani umuntu alale namukamwinsyo wakwe, kansi afimbulula-po pansoni syaŵamwinsyo ŵakwe: ŵakapinte ukuŵifya kwaŵo; ŵakafwe aŵakuwulo'kufyala. 21Kaŵili kani umuntu apoke umukasi wamukwaŵo, fiko; afimbulula-po pa nsoni syamukwaŵo; tesi ŵakafyale.
22Pakuti pali fyefyo mukalukulama amafunde anji onse, nekusololola kwanji konse, nekulukukucita; ati icalo, uko ndukumufisyeni ati mwikale-mo, ciiŋgesa kumulukeni. 23Kaŵili tesi mulukwenda mumekalilo amukoka waŵantu uyo ndukufumisya pamenso enu; pakuti ŵo walukucita ifintu ifyo fyonse, lomba pakuti pali fyefyo naliŵakanamine. 24Sombi nalilaŵile kuli mwewo ati, Mukapyane icalo caŵo, lomba nakumupeleni ati mwikale naco, icalo umulukukuŋka amandili neŵuci: neŵo nineŵaYawe Lesa wenu, aŵamulekanisisyeni nemikoka yaŵantu.
25Pakuti pali fyefyo mukalekanye inama isiliwa nasyesyo isitasiliwa, nekulekanya ifyuni ifitafiliwa nafyefyo ifili wa; lomba tesi mukakanamisye imitima yenu ku nama neli nikufyuni neli nikufintu fyonse ifikalaŵila pansi ifyo nalekenye namweŵo ati fyafiko. 26Lomba mukalukuli ŵaswetelele kuli newo: pakuti neŵo neŵaYawe ndiswetelele, namulekanisisyeni nemikoka yaŵantu, ati mwikale muli ŵanji.
27Kaŵili umwalalume kani mwanakasi uwililwe umupasi neli nimfwiti, wakepaiwe icine; ŵakaŵepaye kumabwe: imilopa yaŵo ikalukuli pali ŵo.
Currently Selected:
Ifya Ŵalefai 20: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
