Ifya Ŵalefai 21
21
1Popele ŵaYawe ŵalilaŵile kuli Mose ati: Ulaŵile kuŵapapatilisi aŵana ŵakwe Aloni, uŵaŵule ati, Tapali ukaliŵifya pakati paŵantu ŵakwe pakuti paŵafwile; 2uku takuli pakuti pamukwaŵaŵo uli apepi pali ye, napakuti pali ŵanyina, napakuti pali ŵawisi napakuti pamwana wakwe umwalalume nemwanakasi, napakuti pamukwaŵo; 3napakuti paŋkasi yakwe umusice, uli apepi pali ye, utaakwete-mulume, pakuti pali woyo aŋgaliwifya. 4Tekuti aliŵifye, ye umukulu pakati paŵantu ŵakwe, mukulipusyanya. 5Tekuti ŵacite amapala pamitwi yaŵo, neli kuŵeya impelo syamyefu yaŵo, neli kucita inembo pamunefu waŵo. 6Ŵakalukuswetelele kuli ŵaLesa ŵaŵo, tesi ŵakalipusyanye isina lyaŵaLesa ŵaŵo; pakuti niŵo eŵaposa ifyakuposa ifyaŵaYawe ifyamumulilo, ifyakulya ifyaŵaLesa ŵaŵo; pakuti pali fyefyo ŵakalukuswetelele.
7Tesi ŵapoke umwanakasi umucencemesi neulukupusyanya; neli kupoka umwanakasi utamfiwe kumulume wakwe; pakuti uswetelele kuli ŵaLesa ŵakwe. 8Pakuti pali fyefyo ukamuswesye uyo-muntu; pakuti ye alaposa ifyakulya ifyaŵaLesa ŵoŵe; akalukuswetelele kuli weŵo; pakuti neŵo neŵaYawe aŵamuswesyeni ndiswetelele. 9Kaŵili umwana wamu papa tili si umwanakasi, kani alipusyanye ukulukucito' ŵucencemesi, kansi alapusyanya ŵawisi; akociwe mumulilo.
10Kaŵili uyo uli mupapatilisi umukulu pakati paŵakwaŵo, usufisiwe nemafuta akusufya pamutwi wakwe, uŵalekenye mukufwala ifyakufwala, tesi asumine ati imisisi yakumutwi wakwe ilukukakulucile, neli kupandala ifyakufwala fyakwe; 11kawili tesi enjile umuli umufu, neli kuliŵifya pakuti pali ŵawisi, neli nipakuti pali ŵanyina; 12kaŵili tesi afume-mo umo umuswetelele, neli kumupusyanya muntu umuswetelele umwaŵa-Lesa ŵakwe; pakuti umuntinya wamafuta akusufya aŵaLesa ŵakwe uli pali ye: neŵo nineŵaYawe. 13Lomba akope umukasi utaaŋgalala-po neŵalalume ŵonse. 14Mukamfwilwe, kani wakutamfiwa kumulume wakwe, kani mwanakasi ulukupusyanya, tesi apoke ŵo; sombi akope moye uwapaŵantu ŵakwe umwine. 15Lomba tesi akapusyanye aŵana ŵakwe pakati paŵantu ŵakwe; pakuti neŵo nineŵaYawe endukumuswesya.
16Kaŵili ŵaYawe ŵalilaŵile kuli Mose ati: 17Ulaŵile kuli Aloni ati, Paŵana ŵoŵe ŵonse ponse pafitentekwa fyaŵo, uyo uli necisemba eŋgapalamina mukuposa ifyakulya ifyaŵaLesa ŵakwe. 18Pakuti aŵantu ŵonse lukoso uyo uli necisemba tesi akapalamine: kani nimpofu, kani wakusunta, kani uli nemona upapakene, kani uli necintu icapeulu icitacelelwe, 19kani muntu ukonokele ulukasa, kani ukonokele ukuŵoko, 20kani usendeme umusana, kani mwipimwipi, kani uli necisemba mulinso lyakwe, kani uli neŵulwele paŋkanda neli cipopoto, kani uli nemakandi akonokele, 21aŵantu ŵonse aŵapaŵana ŵakwe Aloni umupapatilisi, uyo uli necisemba tesi apalamine mukuposa ifyakuposa ifyaŵaYawe ifyamumulilo; kansi ali necisemba; tesi apalamine mukuposa ifyakulya fyaŵaLesa ŵakwe. 22Akalye-ko kufyakulya fyaŵaLesa ŵakwe, nefyafiswetelele swete nefyafiswetelele lukoso. 23Sombi tesi akenjile mucipembe, neli kupalamina nakuconto, pakuti ali necisemba; eŋgesa kupusyanya imipunda yanji iswetelele; pakuti neŵo nineŵa Yawe a ŵaiswesya.
24Fyopele'fyo Mose kaalaŵila kuli Aloni nakuŵana ŵakwe aŵalalume, nakuŵaIsilaeli ŵonse.
Currently Selected:
Ifya Ŵalefai 21: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
