Ifya Ŵalefai 18
18
1Popele ŵaYawe ŵalilaŵile kuli Mose ati: 2Ulaŵile kuŵaIsilaeli uŵaŵule ati, NineŵaYawe Lesa wenu. 3Koti kucitwa ukwamucalo caIjipiti, umo mwalukwikala, tesi mukacite; nakaŵili koti kucitwa ukwamucalo caKanani, uko ŋkamufisyeni, tesi mukacite, neli kwenda mumafunde aŵo. 4Kusololola kwanji eko mukalukucita, kaŵili mafunde anji eo mukalukulama, mukulukwendela-mo: nineŵaYawe Lesa wenu. 5Pakuti pali fyefyo mukai ukulama amafunde anji nekusololola kwanji; uko kani umuntu akalukucita akalukwikele nemweo muli ko: nineŵaYawe.
6Pali mweŵo tapali-po ukapalamina kumukwaŵaŵo mukufimbulula pansoni syakwe: nineŵaYawe. 7Pansoni syaŵawisi napansoni syaŵanoko kaŵili tesi ukafimbulule-po: ŵo niŵanoko, tesi ukafimbulule-po pansoni syaŵo. 8Pansoni syaŵamuka-ŵawiso tesi ukafimbulule-po: ninsoni syaŵawiso. 9Pansoni syaŋkasi yoŵe, umwana umwanakasi waŵanoko, naŋgawa'ti walifyelwe kwenu, naŋgawa'ti walifyelwe kwaŵo aŵensu, pansoni syakwe tesi ukafimbululepo. 10Pansoni syamwana umwanakasi uwamwana woŵe umwalalume nesyamwana umwanakasi uwamwana woŵe umwanakasi, pansoni syaŵo tesi ukafimbulule-po: pakuti isyaŵo ninsoni syoŵe wemwine. 11Pansoni syamwana umwanakasi wawamuka-wawiso, uwakufyalwa kuli wawiso, niŋkasi yoŵe, tesi ukafimbulule-po pansoni syaiyo. 12Tesi ukafimbulule-po pansoni syaŵawisoŋkasi: ŵakwaŵaŵo ŵawiso. 13Tesi ukafimbulule-po pansoni syaŵakwaŵo ŵanoko: pakuti ŵakwaŵaŵo ŵanoko. 14Tesi ukafimbulule-po pansoni syaŵakwaŵo ŵawiso, tesi ukapalamine kumukasi waŵo: kansi nimuka-wawiso, 15Tesi ukafimbulule-po pansoni syamulokasi woŵe: mukasi wamwana woŵe umwalalume; tesi ukafimbulule-po pansoni syakwe. 16Tesi ukafimbulule-po pansoni syamukasi wamukwanu: ninsoni syamukwanu. 17Tesi ukafimbululepo pansoni syamwanakasi nemwana wakwe umwanakasi; tesi ukapoke umwana umwanakasi wamwana wakwe umwalalume, neli mwana umwanakasi wamwana wakwe umwanakasi, mukufimbulula-po pansoni syakwe; kansi ŵakwaŵaŵo; niŵumbifi. 18Kaŵili tesi umupokele umwanakasi umukwawo ati ekale mukasi muŵyakwe, mukufibulula-po pansoni syakwe, muceni camuŵyakwe ili acili nemweo. 19Kaŵili tesi ukapalamine kumwanakasi mukufimbulula-po pansoni syakwe ili acili nefiko ifyakusesa kwakwe. 20Kaŵili tesi ukalukulala namuka-muŵyoŵe, mukulukuliŵifya nakwe. 21Nakaŵili tesi ukapose aŵana ŵoŵe ŵonse niukuwapisya mumulilo wakwe Moleci, neli kupusyanya isina lyaŵaLesa ŵoŵe: nineŵaYawe. 22Tesi ukalale neŵalalume koti nifyefyo ifi uŋgalala neŵanakasi: cipakaŵi. 23Tesi ukalale nenama yonse mukuliŵifya nayo; kaŵili aŵanakasi ŵonse tekwimakana pameso anama mukulala-Iala pansi nayo: kansi kufuluŋganya.
24Tekuliŵifya muli fyefyo-fintu fyonse; pakuti muli fyefyo fyonse emo iŵipile imikoka yaŵantu iyo ndukufumya pamenso enu; 25kaŵili icalo ciliŵipile; pakuti pali fyefyo ndukuletelesya ŵumbifi bwacico pali co, necalo kaŵili nekuluka lukoso injikali syacico. 26Pakuti pali fyefyo mukalukulama amafunde anji nekusololola kwanji; tesi mukacite ifipakaŵi ifyo fyonse; neli wakufyalwa mucalo neli mwensu uwakwikala pakati pali mweŵo; 27pakuti ifipakaŵi ifyo fyonse awantu aŵamucalo, aŵali-mo ili tamuŋgesa, ŵalificitile, lomba necalo nekuŵa nefiko; 28ciiŋgesa icalo kumulukeni namweŵo kaŵili, ili muciŵifya, koti nifyopele'fyo ifi caulucile umukoka waŵantu uwali-mo ili tamuŋgesa, 29Pakuti aŵantu ŵonse aŵakucita ifipakaŵi ifyo fyonse, icine aŵantu aŵakucite'fyo eŵakapinikwa pakati paŵantu ŵaŵo. 30Pakuti pali fyefyo mukalukulame'funde lyanji, ati tekucita amekalilo ayo afipakaŵi onse, alukucitwa ili tamuŋgesa, nakaŵili ati tekuliŵifisya-mo: nineŵaYawe Lesa wenu.
Currently Selected:
Ifya Ŵalefai 18: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
