Ifya Ŵalefai 17
17
1Popele ŵaYawe ŵalilaŵile kuli Mose ati: 2Ulaŵile kuli Aloni nakuŵana ŵakwe aŵalalume nakuŵaIsilaeli ŵonse, uŵaŵule ati, Ici ecintu icafundile ŵaYawe ati: 3Aŵantu ŵonse awapananda yakwe Isilaeli uwakwipaye'ŋombe neli mwana wambelele neli nimbusi mucisasa, neli kwipaya pesonde lyacisasa, 4utaaletele kumulyaŋgo uwakucitente cewuŋgano, mukwiposa ati mulambu kuli ŵaYawe pamenso pesema lyaŵaYawe; imilopa ikebwe kumuntu uyo; kansi wapokomosye'milopa; lomba uyo-muntu akapinikwe pakati paŵantu ŵakwe; 5ifyo ati aŵaIsilaeli ŋgaŵalete imilambu yaŵo iyo ŵepaila pampaŋga, icine ati ŋgaŵailete kuli ŵaYawe kumulyaŋgo uwakucitente cewuŋgano, kumupapatilisi, ŵepaile ati milambu yakuposa ukwaŵutende kuli ŵaYawe. 6Popele umupapatilisi akasanse imilopa paconto cawa Yawe kumulyaŋgo uwakucitente cewuŋgano, oce amafuta ati kunuŋka kwanse ukwakuli ŵaYawe. 7Lomba tesi ŵacicite ukulukuŵepaila ŵapepe imilambu yaŵo, aŵo ŵalukulonda ili ŵacito' ŵucencemesi. Ilyo likalukuli lifunde ilyamuyayaya kuli ŵo monse mufitentekwa fyaŵo.
8Kaŵili ukalaŵile kuli ŵo ati, Aŵantu ŵonse aŵakuŋanda yakwe Isilaeli neŵaŵensu aŵalukwikala pakati pali ŵo, uyo uwakuposa ukwakoca neli mulambu, 9nekuŵulo'kuleta kumulyaŋgo uwakucitente cewuŋgano, mukuŵepaila ŵaYawe, uyo-muntu eukapinikwa pakati paŵantu ŵakwe.
10Kaŵili aŵantu ŵonse lukoso aŵakuŋanda yakwe Isilaeli neŵaŵensu aŵalukwikala pakati pali ŵo, uyo uwakulya imilopa yonse yonse, ŋkamukacila nemikansa yanji umuntu uyo ulye'milopa, nekumupinika pakati paŵantu ŵakwe. 11Pakuti umweo wamunefu nimumilopa; lomba namupeleni uyo paconto, mukulamwina pakuti pamitima yenu; pakuti milopa eilamwina pakuti pamutima. 12Pakuti pali fyefyo nalilaŵile kuŵaIsilaeli, ati, pali mweŵo tapali-po neli muntu ukalya-po imilopa, neli mwensu uwikala pakati pali mweŵo neli umo tesi akalye-po imilopa.
13Lomba aŵantu ŵonse lukoso aŵaIsilaeli kani ŵensu aŵalukwikala pamo nenu, ukalonda nekwikate'nama neli cuni iciliwa, aketulule'milopa yaciko aisike nefukutu. 14Pakuti umweo waminefu yonse milopa yaiyo pamweo waiyo; pakuti pali fyefyo nalilaŵile kuŵaIsilaeli, ati: Tesi mukalye-po imilopa yamikoka yonse yaminefu; pakuti umweo waminefu yonse emilopa yaiko: aŵantu ŵonse ukalya-po akapinikwe.
15Kaŵili aŵantu ŵonse uwakulye'co icakulifwila necakupandalwa kufilwani, naŋgawa'ti wakwenu naŋgawa'ti mwensu, akasamfye ifyakufwala fyakwe, asambe namumenda, nekulukuli nefiko ukufika iciŋgulo; eli akalukuswetele. 16Sombi kani tesi afisamfye neli kusamba nakumunefu wakwe, eli akalukupintile ukusendama kwakwe.
Currently Selected:
Ifya Ŵalefai 17: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
