Ifya Ŵalefai 16
16
1Popele ŵaYawe ŵalilaŵile kuli Mose, pakweŵa ati ŵafwa kale aŵana ŵakwe Aloni aŵalalume ŵoŵilo, ili ŵapalamine pamenso aŵaYawe nekufwa; 2naŵo ŵaYawe kawalawila kuli Mose ati: Ulaŵile kuli Aloni umukwanu ati ye tekwinjila pampindi syonse umo umuswetelele mukati mucipembe, pamenso pacifuniko cacifuto icili peulu lyebokosi; eŋgesa kufwa; pakuti ŋkawoneka mwikumbi peulu pacifuniko cacifuto. 3Aloni akenjila umo umuswetelele pamo nafifi: pamo nemwana waŋombe umusune ati kuposa ukwapafyakuŵifya, nembelele iyalalume ati kuposa ukwakoca. 4Popele akafwale ilaya ilyansalu iliswetelele; kaŵili akafwale pamunefu wakwe kaputula wansalu, aŵike-po umusipi wansalu, afwale necapamutwi icansalu: ifyo efyakufwala ifiswetelele; lomba akasambe nakumunefu wakwe mumenda, afifwale. 5Peŋka akaŵule kwiwuŋgano lyaŵaIsilaeli ŵapepe ŵaŵili ati kuposa ukwapafyakuŵifya, nemwana wambelele imo ati kuposa ukwakoca. 6Popele Aloni akapele iŋombe yaku posa ukwapafyakuŵifya, ukuli pakuti pali ye umwine, alicitile ukulamwina nekwicitila iŋanda yakwe. 7Popele akaŵule imbusi syoŵilo, asilete pamenso aŵaYawe kumulyaŋgo wakwisema lvewuŋgano, 8Popele Aloni akateye'fipa pambusi syoŵilo; icipa cimo pakuti pali ŵaYawe, nacimbi naco pakuti pali Asaseli, 9Popele Aloni akalete imbusi iyo iyateyelwe kucipa caŵaYawe, akepose ati kuposa ukwapafyakuŵifya. 10Sombi imbusi iyo iyateyelwe kucipa cakwe Asaseli, ikatekwe ilaŵi pamenso aŵaYawe mukwicitila ukulamwina, nekwipulusya ukulukuya mupaŋga kuli Asaseli.
11Peŋka Aloni akalete'ŋombe yakuposa ukwapafyakuŵifya, ukuli pakuti pali ye umwine, alicitile ukulamwina nekwicitila nenanda yakwe; popele akepaye iŋombe yakuposa ukwapafyakuŵifya ukuli pakuti pali ye umwine. 12Peŋka akaŵule imbale iswile amakalasi amulilo ukwafumya kuconto pamenso aŵaYawe, namuminwe yakwe iswile ifinuncile bwino ifya nse ifitwisiwe makosa, enjisye mukati mucipembe; 13popele akaŵike ifinuncile bwino pamulilo pamenso aŵaYawe, ati ikumbi lyafinuncile bwino lifimbe-po pacifuniko cacifuto icili pakulayana, eŋgesa kufwa; 14popele akaŵule-po pamilopa yaŋombe, akesa nse kumunwe wakwe pacifuniko cacifuto kumutulesuŵa; kaŵili napamenso acifuniko cacifuto akasanse ifyamilopa kumunwe wakwe impindi sisanu nasiŵili.
15Eli akepaye'mbusi yaku posa ukwapafyakuŵifya ukuli pakuti paŵantu, enjisye imilopa yaiyo mucipembe, acite nemilopa yaiyo koti nifyefyo ifi acitile nemilopa yaŋombe, aisanse peulu pacifuniko cacifuto, napamenso acifuniko cacifuto; 16kaŵili akaucitile ukulamwina umupunda uswetelele, pakuti pafiko fyaŵaIsilaeli, napakuti pakupulaisya kwaŵo, mukuŵifya kwaŵo konse; nakaŵili akacite fyopele'fyo pakuti pesema lyewuŋgano, iliikele pakati pali ŵo pakati pafiko fyaŵo. 17Popele tapakalukuli mwisema lyewuŋgano neli umo umuntu pakwinjila ye mukucite' kulamwina umo umuswetelele, ili taaŋgafuma-mo, ili taaŋgalicitila ukulamwina, nekuŵacitila awamuŋanda yakwe newuŋgano lyonse ilyaŵaIsilaeli. 18Eli akafuma ukulukuya kuconto icili pamenso aŵaYawe, nekucicitila ukulamwina; popele akaŵule ifyamilopa yaŋombe nefyamilopa yambusi, afiŵike pamaseŋgo aconto ponse ponse. 19Kaŵili akasanse-po ifyamilopa pali co kumunwe wakwe imipindi sisanu nasiŵili, aciswesye aciwamisisye ukufumya pali co ifiko fyaŵaIsilaeli.
20Popele ili akasilo'kulamwina umupunda uswetelele, nesema lyewuŋgano, neconto, eli akalete'mbusi iyo ilaŵi; 21popele Aloni akaŵike-po nemaŵoko akwe oŵilo pamutwi wambusi ilaŵi, afisulule peulu pali yo ukuŵifya kwaŵaIsilaeli konse, nekupulaisya kwaŵo konse ukwamufyakuŵifya fyaŵo fyonse, ili akuŵika pamutwi wambusi, popele aketume kuminwe yamuntu upembelele ukulukuya mumpaŋga; 22popele imbusi iyo ikapinta pali yo ukuŵifya kwaŵo konse ukukutwala kucalo icakuŵula' ŵantu; popele akafyusye imbusi mumpaŋga.
23Popele apo Aloni akenjile mwisema Iyewuŋgano, afule nefyakufwala ifyansalu, ifyo afwite pakwinjila umo umuswetelele afisye-mo umo; 24eli akasambe nakumunefu wakwe mumenda pamupunda uswetelele, afwale nefyakufwala fyakwe, afume, lomba akapose ukuposa kwakwe ukwakoca, nekuposa kwakoca ukwaŵantu, alicitile ukulamwina nekuŵacitila neŵantu. 25Lomba amafuta akuposa ukwapafyakuŵifya akaoce paconto.
26Kaŵili uyo uwakutwalila Asaseli imbusi akasamfye ifyakufwala fyakwe asambe nakumunefu wakwe mumenda, popele pantanjile pali fyefyo akenjile mucisasa. 27Popele iŋombe yakuposa ukwapafyakuŵifya, nembusi yaku posa ukwapafyakuŵifya, imilopa yasiko eyainjisiwe mukulamwina mumupunda uswetelele, sikatwalwe pesonde lyacisasa; popele ŵakafyoce mumulilo ifiseŵa fyasiko nemunefu wasiko neŵufulu bwasiko. 28Popele uyo uwakufyoca eukasamfya ifyakufwala fyakwe nekusamba nakumunefu wakwe mumenda, popele pantanjile pali fyefyo akenjile mucisasa.
29Popele likalukuli lifunde ilyamuyayaya kuli mweŵo: pamwensi waŵuisanu naiŵili, pakasuŵa kekumi akamwensi, mukalipensye imitima yenu, tesi mukacite imilimo yonse lukoso, mweŵakufyalwa mucalo, neŵensu aŵakwikala lukoso pakati pali mweŵo; 30pakuti pakasuŵa ako mukacitilwe ukulamwina, mukumuswesyeni, uku lukuswetele kufyakuŵifya fyenu fyonse pamenso aŵaYawe. 31Nisabata uwakutusya ukwansoni mumitima yenu, popele mukalipensye imitima yenu; lifunde ilyamuyayaya. 32Popele umupapa tili si ukasufiwa nekulekanisiwa ati aŵe mupapatilisi pamupunda waŵawisi eukacita ukulamwina, nekufwala ifyakufwala ifyansalu, efyakufwala ifiswetelele; 33peŋka akalamwine umupunda uswetelele, nekulamwina isema Iyeŵuŋgano neconto; kaŵili akaŵacitile ukulamwina aŵapapatilisi neŵantu ŵonse awakwiwuŋgano. 34Lomba ilyo likalukuli lifunde ilya muyayaya kuli mweŵo, mukuwacitila aŵaIsilaeli ukulamwina, pakuti pafyakuŵifya fyaŵo limo pamwaka.
Naye kaacita koti nifyopele'fyo ifyamufundile Mose ŵaYawe.
Currently Selected:
Ifya Ŵalefai 16: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
