Ifya Ŵalefai 14
14
1Popele ŵaYawe ŵalilaŵile kuli Mose ati: 2Ifunde lyawamanata pakasuŵa kakuswesiwa kwakwe likalukuli nilili: akaletelwe kumupapatilisi; 3popele umupapatilisi akafume pesonde lyacisasa; peŋka umupapatilisi akatontomeke, lomba kuŵona, kani umwalo wamanata ulipolele pawamanata; 4peŋka umupapatilisi eli akafunde ati ŵamuŵulile uyo uŋgaswesiwa ifyuni fiŵili ifilaŵi ifiŋgaliwa, pamo nefiti fyakwe yelesi neŋguwo isikasicile naesobi; 5peŋka umupapatilisi akaŵafunde ati ŵepaye icuni cimo munoŋgo yeloŵa peulu pamenda alukukuŋka; 6kaŵili icuni icilaŵi akaciŵule pamo nefiti fyakwe yelesi neŋguwo ikasicile naesobi, akafisumpe pamo necuni icilaŵi mumilopa yacuni ico icaipailwe peulu pamenda alukukuŋka. 7Popele akasanse pali woyo uŋgaswesiwa ukufumya amanata impindi sisanu nasiŵili, amweŵe ati aliswetele, acifyusye icuni ico icilaŵi pampaŋga.
8Popele uyo uŋgaswesiwa akasamfye ifyakufwala fyakwe, aŵeye nemisisi yakwe yonse, asambe mumenda, eli akasweta; popele pantanjile pali fyefyo akenjile mucisasa, sombi akekale pesonde Iyesema lyakwe insiku sisanu nasiŵili. 9Popele apo lomba pakasuŵa kaŵusisanu nasiŵili, akaŵeye imisisi yonse iyamumutwi wakwe pamo nemwefu nefikope, emasako akwe onse akaŵeye; naye akasamfye ifyakufwala fyakwe, asambe napamunefu wakwe mumenda, nekulukuswetele.
10Popele pakasuŵa kaŵusisanu nasitatu akaŵule aŵana ŵambelele aŵalalume aŵakuŵule'fisemba, pamo nemwana wambelele umwanakasi umo uwakukumana umwaka umo lukoso uwakuŵule'fisemba, pamo nefyakwesya fitatu pekumi lyakwe efa wawuŋga uŵupelekele bwino ati caku posa icawuŋga, ifisaŋkene nemafuta, pamo nemusasi umo wamafuta. 11Peŋka umupapatilisi ulukumuswesya akamwikalike uyo-muntu uŋgaswesiwa, pamo nefintu ifyo, pamenso aŵaYawe, kumulyaŋgo uwakwisema lyewuŋgano; 12peŋka umupapatilisi akaŵule umwana wambelele umwalalume umo, amupose ati cakuposa icapamulandu, pamo nemusasi wamafuta, afikupale ati cakuposa icakukupalwa pamenso aŵaYawe; 13eli akepaile umwana wambelele umwalalume pantu apo ŵepaila icakuposa icapafyakuŵifya necakuposa icamumulilo, pantu apo apaswetelele; pakuti koti nifyopele'fyo icili camupapatilisi icakuposa icapafyakuŵifya, fyopele'fyo necakuposa icapamulandu: ciliswetelele swete. 14Kaŵili umupapatilisi akaŵule pamilopa yacakuposa icapamulandu; peŋka umupapatilisi akauŵike peulu lukoso lyakutwi ukwakulwine ukwawoyo uŋgaswesiwa, napacikumo icakukuŵoko kwakwe ukwakulwine, napacikumo icikulu icakulukasa lwakwe ulwakulwine; 15peŋka umupapatilisi akaŵule-po pamusasi wamafuta, etile mulupi lwakwe umwine ulwakucipiko; 16peŋka umupapatilisi akasumpe umunwe wakwe uwaku lwine mumafuta ali mulupi lwakwe ulwakucipiko, asanse ifyamafuta kumunwe wakwe impindi sisanu nasiŵili pamenso aŵaYawe. 17Lomba ifyamafuta asyele-mo mulu pi lwakwe umupapatilisi akaŵike peulu lukoso lyakutwi ukwakulwine ukwawoyo uŋgaswesiwa, napacikumo icakukuŵoko kwakwe ukwakulwine, napacikumo icikulu icakulukasa lwakwe ulwakulwine, peulu pamilopa yakuposa ukwa pamulandu. 18Popele amafuta asyele-mo mulupi lwamupapatilisi akaŵike pamutwi wawoyo uŋgaswesiwa: peŋka umupapatilisi akamucitile ukulamwina pamenso aŵaYawe. 19Peŋka umupapatilisi akapose icakuposa icapafyakuŵifya, amucitile ukulamwina uyo uŋgaswesiwa pakuti pafiko fyakwe; po pele pantanjile akepaye icaku posa icakoca; 20peŋka umupapatilisi akapose icakuposa icakoca necakuposa icawuŋga paconto; naye umupapatilisi akamucitile ukulamwina: naye akalukuswetele.
21Lomba kani uyo-muntu alipeŋgele, kani tesi alete ifyakuŵe'fyo, peŋka akawule umwana wambelele umwalalume umo ati cakuposa icapamulandu mukukupalwa, mukumucitila ukulamwina, pamo necakwesya cimo pekumi lyakwe efa wawuŋga uŵupelekele bwino uŵusaŋkene nemafuta ati caku posa icaŵuŋga, nemusasi wamafuta; 22pamo naŵasikampele ŵaŵili neli twa na twaŋkulimba tuŵili, koti kwisiŵa kwakwe ukwakufiŵona; lomba cimo cikalukuli kuposa ukwapafyakuŵifya, nacimbi naco kuposa ukwakoca. 23Popele pakasuŵa kaŵusisanu nasitatu akafilete pakuti pakuswesiwa kwakwe kumupapatilisi, nekufifisya kumulyaŋgo uwakwisema lvewuŋgano, pamenso aŵaYawe. 24Peŋka umupapatilisi akaŵule umwana wambelele uwakuposa ukwapamulandu, pamo nemusasi wamafuta; lomba umupapatilisi akafikupale ati cakuposa icakukupalwa pamenso aŵaYawe; 25popele akepaye umwana wambelele uwakuposa ukwapamulandu; peŋka umupapatilisi akaŵule pamilopa yakuposa ukwapamulandu, akeŵike peulu lukoso lyakutwi ukwakulwine ukwawoyo uŋgaswesiwa, napacikumo icakukuŵoko kwakwe ukwalwine, napacikumo icikulu icakulukasa lwakwe olwakulwine; 26peŋka umupapatilisi aketile ifyamafuta mulupi lwakwe umwine ulwakucipiko; 27popele umupapatilisi akasanse kumunwe wakwe uwakulwine ambi amafuta ali mulupi lwakwe ulwakucipiko impindi sisanu nasiŵili pamenso aŵaYawe; 28popele umupapatilisi akaŵike ifyamafuta amulupi lwakwe peulu lukoso lyakutwi ukwakulwine ukwawoyo uŋgaswesiwa, napacikumo icakukuŵoko kwakwe ukwalwine, napacikumo icikulu icakulukasa lwakwe ulwakulwine, apo apali imilopa yakuposa ukwa pamulandu; 29popele amafuta asyele-mo mulupi lwamupapatilisi akaŵike pamutwi wawoyo uŋgaswesiwa, mukumucitila ukulamwina pamenso aŵa Yawe. 30Popele akapose sikampele umo kani kana kaŋkulimba, koti kwisiŵa kwakwe; 31ekoti kwisiŵa kwakwe ukwakufiŵona, cimo ati kuposa ukwapafyakuŵifya, nacimbi naco ati kuposa ukwakoca, pamo nekuposa kwawuŋga: popele umupapatilisi akamucitile ukulamwina uyo uŋgaswesiwa pamenso aŵaYawe.
32Ilyo efunde lyawoyo uli nemwalo wamanata, utesi kuŵona fyonse ifyelelwe ukuswesiwa kwakwe.
33Popele ŵaYawe ŵalilaŵile kuli Mose nakuli Aloni ati: 34Pakufika mweŵo mucalo caKanani, ico ndukumupeleni ati ŵupyani, lomba pakuŵika neŵo umwalo wamanata muŋanda iyamucalo caŵupyani bwenu; 35popele umwine wananda iyo akese akamuŵule umupapatilisi, ati, Ndukulaŋguluka ati muli umwalo muŋanda. 36Peŋka umupapatilisi akafunde ati ŵafumye ifintu fyonse muŋanda, ili taaŋgenjila umupapatilisi mukuŵona umwalo, fiiŋgesa kuŵa nefiko ifintu fyonse ifili muŋanda; popele pantanjile umupapatilisi eli akenjile mukuŵona iŋanda; 37peŋka aka tontomeke pamwalo lomba kuŵona, kani umwalo uli mufiŵumba ifyananda nefisemba ifyatupako ififitile koti cani neli fikasicile, nekuŵona kwa uko nekuya mukati muciŵumba; 38popele umupapatilisi akafume-mo muŋanda, aye kumulyaŋgo uwakunanda, esale-ko kunanda insiku sisanu nasiŵili. 39Peŋka umupapatilisi akese liŵili pakasuŵa kaŵusisanu nasiŵili, akatontomeke; lomba kuŵona, kani umwalo ulitaŵile pafiŵumba ifyakunanda, 40popele umupapatilisi akafunde ati ŵafumye amabwe ali nemwalo, ŵaapose muntu umwafiko pesonde lyamusi; 41kaŵili akaŵaŵule ati ŵapale iŋanda mukati monse monse, ŵetile syamende uyo ŵalukupala pesonde lyamusi muntu umwafiko; 42popele ŵakaŵule amabwe ambi ŵaaŵike pamupunda wamabwe ayo; popele apo akaŵule syamende umbi amase muŋanda. 43Popele apo kani umwalo nekwisa liŵili nekufukuka muŋanda, pakweŵa ati afumya akale amabwe, napakweŵa ati apala muŋanda nekumasa; 44peŋka umupapatilisi akenjile atontomeke; lomba kuŵona, kani umwalo wataŵa muŋanda, manata akulye'fintu muŋanda, afike, 45Popele apo aka toŵe iŋanda, nemabwe akuko, nefiti fyakuko, nasyamende wonse uwakunanda; eli akafitunte fyonse mukufitwala pesonde lyamusi pantu apafiko. 46Nakaŵili umuntu uyo uwakwinjila muŋanda impindi yonse'yo iyakwisalwa eukalukuli nefiko ukufika iciŋgulo. 47Kaŵili uyo uwakulala muŋanda eukasamfya ifyakufwala fyakwe.
48Lomba kani umupapatilisi akenjile atontomeke, lomba kuŵona umwalo tautaŵile muŋanda, pakweŵa ati iŋanda yamaswa; peŋka umupapatilisi akayeŵe iŋanda ati iswetele, pakuti umwalo uliposiwe. 49Popele akaŵule mukuswesye'nanda ifyuni fiŵili, nefiti fyakwe yelesi, nefikasicile, naesobi; 50eli akepaye icuni cimo munoŋgo yeloŵa peulu pamenda alukukuŋka: 51popele akaŵule ifiti fyakwe yelesi, naesobi, nefikasicile pamo necuni icilaŵi, afisumpe mumilopa yacuni iciipailwe namumenda alukukuŋka, asanse pananda impindi sisanu nasiŵili; 52naye akaswesye iŋanda kumilopa yacuni, nakumenda alukukuŋka, nakucuni icilaŵi, nakufiti fyakwe yelesi, nakuli esobi, nakufikasicile; 53sombi akafyusye icuni icilaŵi pesonde lyamusi pampaŋga lukoso; fyopele'fyo akaicitile iŋanda ukulamwina; nayo ikalukuswetele.
54Ilyo lifunde lyamyalo yonse yamanata, nelyawuŋkulutu: 55nelyamanata akucakufwala, nelyananda; 56nelyacakufimba, nelyacapopoto, nelyalupusu uluwaŋgele: 57ati lisambisye kani cili nefiko kani ciswetele: ilyo lifunde lyamanata.
Currently Selected:
Ifya Ŵalefai 14: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
