Ifya Ŵalefai 13
13
1Popele ŵaYawe ŵalilaŵile kuli Mose nakuli Aloni ati: 2Kani umuntu aŵe paŋkanda yamunefu wakwe necakufimba neli cipopoto neli lupusu uluŵaŋgele, naco nekuŵa mwalo wamanata paŋkanda yamunefu wakwe, eli akaletelwe kuli Aloni umupapatilisi neli nikuli umbi uwapaŵana ŵakwe aŵapapatilisi; 3peŋka umupapatilisi akatontomeke pamwalo uwapaŋkanda yamunefu; lomba kani amasako apamwalo alialucile tuu, nekuŵoneka kwamwalo nekulukuli pansi paŋkanda yamunefu wakwe, kansi mwalo wamanata; popele umupapatilisi eli akamutontomeke nekumweŵa ati wafiko. 4Kaŵili kani ulupusu uluwaŋgele lutuwepaŋkanda yamunefu wakwe, nekuwoneka kwaluko nekuŵulo' kuya pansi paŋkanda, nemasako aluko nekuŵulo'kwaluka tuu, popele umupapa tili si eli akamwisalila uwamwalo insiku sisanu nasiŵili; 5peŋka umupapatilisi akamutontomeke pakasuŵa kaŵusisanu nasiŵili; lomba kuŵona kani pamenso akwe umwalo ulicilekele nekuŵulo'kutumbila paŋkanda, popele umupapatilisi eli akamwisalila nasimbi insiku sisanu nasiŵili; 6peŋka umupapatilisi akamutontomeke liŵili pakasuŵa kaŵusisanu nasiŵili; lomba kuŵona kani umwalo nekutatiko'kusimina, nekuŵulo'kutumbila paŋkanda, po pele umu papatilisi eli akamweŵe ati uswetele: cipopoto; naye eli akafisamfye ifyakufwala fyakwe nekulukuswetele. 7Sombi kani icipopoto nekutumbila paŋkanda, pakweŵa ati alibwenesya kumupapatilisi pakuti pakusweta kwakwe, kansi akalibwenesye liŵili kumupapatilisi; 8popele umupapatilisi akatontomeke, lomba kuŵona, kani icipopoto cilitumbile paŋkanda, eli umupapatilisi akamweŵe ati wafiko: manata.
9Kani pali pamuntu umwalo wamanata, eli akaletelwe kumupapatilisi; 10lomba umupapatilisi akatontomeke, popele kuŵona kani pali paŋkanda icakufimba icituŵile, kani caalula amasako ati atuŵe tuu, nakaŵili kani pali umunefu ulaŵi uŵisi pakati pacakufimba, 11kansi manata akale paŋkanda yamunefu wakwe, popele umupapatilisi akamweŵe ati wafiko; tesi amwisalile, pakuti wafiko. 12Kaŵili kani amanata afukuke ponse paŋkanda yawamwalo ukutatika pamutwi wakwe ukufika napamakasa akwe, ponse apabwenekele kumupapatilisi; 13popele umupapatilisi akatontomeke; lomba kuŵona kani amanata alikumene ponse pamunefu wakwe, akamweŵe ati uswetele uyo uwamwalo; fyonse filialucile tuu: kansi aliswetele. 14Sombi impindi syonse isyakuŵoneka muli ye umunefu uŵisi, akalukuli nefiko. 15Popele umupapatilisi akatontomeke pamunefu uŵisi nekumweŵa ati wafiko; umunefu uŵisi wafiko: manata. 16Kaŵili kani umunefu uwisi waluke liŵili, usaŋguke uŵe tuu, eli akese kumupapatilisi; 17naye umupapatilisi akamutontomeka, lomba kusaŋga, kani umwalo kale wasaŋguka waŵa tuu, peŋka umupapatilisi akamweŵe ati uswetele uyo uwamwalo: kansi aliswetele.
18Kaŵili kani umunefu uli nepute paŋkanda yauo, nalyo kani lilipolele, 19lomba napamupunda wepute pali necakufimba icituŵile kani lupusu uluwaŋgele, ulukasicile, ulutuŵile, eli lukabwenesiwe kumupapatilisi; 20popele umupapatilisi akatontomeke, lomba kuŵona, kani ukuŵoneka kwaluko kuli pansi paŋkanda, nemasako akuko nekulukwalucile tuu, peŋka umupapatilisi akamweŵe ati wafiko: mwalo wamanata, wafukucila mwipute. 21Sombi kani umupapatilisi atontomeke pali lo, lomba kuŵona, tapali-po masako atuŵile, nalo kawili kani taluli pansi paŋkanda, sombi lwatatiko'kusimina, popele umu papatilisi eli akamwisalile insiku sisanu nasiwili; 22popele kani lutumbile paŋkanda, lomba umupapatilisi eli akamweŵe ati wafiko: mwalo. 23Sombi kani ulupusu uluwaŋgele lusyale pantu paluko, luŵule ukutumba, kansi mukofu wepute; lomba umupapatilisi akamweŵe ati aliswetele.
24Kaŵili kani umunefu uli nekupya mumulilo paŋkanda yauo, lomba umunefu ulawi wakupya kani uŵe lupusu uluŵaŋgele ulukasicile ulutuŵile neli lutuŵile tuu lukoso; 25peŋka umupapatilisi akalutontomeke; lomba kuŵona kani amasako apalupusu uluwaŋgele aaluka tuu, nekuŵoneka kwaluko nekulukuli pansi paŋkanda; kansi manata, afukuka mukupya; popele umupapatilisi akamweŵe ati wafiko: mwalo wama nata. 26Sombi kani umupapatilisi atontomeke pali lo, lomba kuŵona tapali-po masako atuŵile palupusu uluwaŋgele, kaŵili takuli pansi paŋkanda, sombi nekutatiko'kusimina; lomba umupapatilisi akamwisalile insiku sisanu nasiŵili; 27popele umupapatilisi akamutontomeke pakasuŵa kaŵusisanu nasiŵili; kani lutumbile paŋkanda, peŋka umupapatilisi akamweŵe ati wafiko: mwalo wamanata. 28Kaŵili kani ulupusu uluwaŋgele lusyale pantu paluko, nekuŵulo'kutumbila paŋkanda, sombi nekutatiko'kusimina; kansi kufimba kwakupya, lomba umupapatilisi akamweŵe ati uswetele: pakuti mukofu wakupya.
29Kaŵili kani umwalalume kani mwanakasi ali nemwalo pamutwi kani nipamwefu, 30popele umupapatilisi akatontomeke pamwalo; lomba kuŵona kani ukuŵoneka kwauo kuli pansi paŋkanda, kaŵili kani pali wo pali amasako anini apalene netufi twalucece, lomba umupapatilisi akamweŵe ati wafiko: wuŋkulutu, kansi manata wapamutwi neli wapamwefu. 31Kaŵili kani umupapatilisi atontomeke pamwalo waŵuŋkulutu, lomba kuŵona, ukuŵoneka kwaŵuko nekuŵulo'kuya pansi paŋkanda, kaŵili kani tapali-po pali wo masako afitile, peŋka umupapatilisi akamwisalile uwamwalo wawuŋkulutu insiku sisanu nasiŵili. 32Lomba pakasuŵa kaŵusisanu nasiŵili umupapatilisi akatontomeke pamwalo; lomba kuŵona, kani uwuŋkulutu nekuŵulo'kutumba, kaŵili kani tapali-po masako atufi twalucece, nakaŵili, kani ukuŵoneka kwawuŋkulutu nekuŵulo'kuya pansi paŋkanda, 33eli ŵakamuŵeya, sombi tesi aŵeye pawuŋkulutu; peŋka umupapatilisi akamwisalile uwawuŋkulutu nasimbi insiku sisanu nasi ŵili; 34popele pakasuŵa kaŵusisanu nasiŵili umupapatilisi akatontomeke pawuŋkulutu: lomba kuŵona kani uwuŋkulutu nekuŵulo'kutumbila paŋkanda, nekuŵoneka kwaŵuko nekuŵulo'kuya pansi paŋkanda; peŋka umupapatilisi akamweŵe ati uswetele; naye akasamfye ifyakufwala fyakwe, nekulukuswetele. 35Sombi kani uŵuŋkulutu ŵutumbile ponse paŋkanda pakweŵa ati asweta; 36umupapatilisi eli akamutontomeke; lomba kuŵona, kani uwuŋkulutu ŵulitumbile paŋkanda, umu papa tili si tekuti afwaye amasako atufi twalucece; muntu wafiko. 37Sombi kani pamenso akwe uwuŋkulutu ŵulicilekele, kaŵili nekumenena-po amasako afitile; uwuŋkulutu ŵulipolele, kansi aliswetele; popele umupapatilisi akamweŵe ati uswetele.
38Kaŵili kani umwalalume kani mwanakasi ali paŋkanda yamunefu wakwe impusu isiwaŋgele, empusu isiŵaŋgele isituŵile; 39peŋka umu papatili si akatontomeke; lomba kuŵona, kani impusu isiwaŋgele isyapaŋkanda yamunefu wakwe nekulukutuŵuluka panini, kanyaŋge, kafuŵucila paŋkanda: umuntu aliswetele.
40Lomba kani imisisi yamuntu nekunukuka pamutwi wakwe, ali nepala; aliswetele. 41Kaŵili kani imisisi yakwe nekunukucila pantanjile yamutwi wakwe, ali nepala pampumi; aliswetele. 42Sombi kani pepala kani nipampumi yepala pali umwalo ukasicile utuŵile; kansi manata alukufukucila pepala lyakwe kani nipampumi yakwe yepala. 43Peŋka umupapatilisi akamutontomeke; lomba kuŵona, kani ukufimba kwamwalo nekulukuli kukasicile kutuŵile pamutwi wakwe wepala kani nipampumi yakwe yepala, koti kuŵoneka kwamanata paŋkanda yamunefu; 44kansi muntu wama nata, wafiko; umupapatilisi cine akamweŵe ati wafiko; umwalo wakwe uli pamutwi wakwe.
45Popele uwamanata, uli nemwalo, ifyakufwala fyakwe ŵakafipandala; kaŵili imisisi yamumutwi wakwe ikalukukakulucile; nakaŵili akafimbe-po pamulomo wakwe uwapeulu, nekulukuŵilicisya ati, Wafiko, wafiko! 46Insiku syonse'syo isi ali nemwalo akalukuli nefiko; ali nefiko; akalukwikele eŋka: apakwikala pakwe pakalukuli pesonde lyacisasa.
47Kaŵili kani icakufwala cili nemanata, kani camasako ambelele kani cansalu; 48kani ali patwando utwamuŵutali kani nipatwamubwipi; kani nipacansalu kani nipacamasako ambelele; kani nipaciseŵa neli nipacintu icicitilwe kuciseŵa; 49kani umwalo nekufita koti cani neli kukasika pacakufwala neli nipaciseŵa, neli nipatwamuŵutali neli nipatwamubwipi, neli nipacintu cimbi icaciseŵa; kansi mwalo wamanata, ŵakaubwenesye kumupapatilisi; 50popele umupapatilisi akatontomeke pamwalo nekuciisalila icili nemwalo insiku sisanu nasiŵili; 51peŋka akatontomeke pamwalo pakasuŵa kawusisanu nasiŵili; lomba kani umwalo wataŵa pacakufwala neli nipatwamuŵutali, neli nipatwamubwipi, neli nipaciseŵa, naŋgaŵe'milimo yaciseŵa; kansi umwalo uyo manata akulye'fintu; uli nefiko. 52Popele akacoce icakufwala kani catwando utwamuŵutali kani twamubwipi, kani camasako ambelele kani cansalu, kani caciseŵa umuli umwalo: pakuti manata akulye'fintu: ŵakacoce mumulilo.
53Popele kani umupapatilisi atontomeke, lomba kuŵona umwalo nekuŵulo'kutaŵa pacakufwala neli nipatwamuŵutali neli nipatwamubwipi neli nipacaciseŵa; 54peŋka umupapatilisi akafunde ati ŵacisamfye icintu icili nemwalo, nekuciisalila nasimbi insiku sisanu nasiŵili; 55popele apo umupapatilisi akatontomeke, pakweŵa ati umwalo ulisamfisiwe; lomba kuŵona kani umwalo nekuŵulo'kwaluka umusaŋgo wauko, kaŵili umwalo nekuŵulo'kutaŵa, uli nefiko; ukacoce mumulilo: kansi cakulye' fintu naŋgawa'ti ukuliwa uko kuli mukati kani pesonde. 56Kaŵili kani umupapatilisi atontomeke, lomba kuŵona umwalo nekutatiko'kusimina pakweŵa ati wasamfiwa, eli akaukwamuna ukuufumya mucakufwala neli nikuciseŵa, neli nikutwamuŵutali, neli nikutwamubwipi; 57popele kani uciŵoneka pacakufwala, neli nipatwamuŵutali neli nipatwamubwipi neli nipacaciseŵa, kansi ulukufukuka; ukacoce ico icili nemwalo mumulilo. 58Popele icaku fwala, kani twamuŵutali, kani twamubwipi, kani fintu fyonse ifyaciseŵa ifyo ifi ukasamfya, kani umwa lo ulifumine pali fyo, peŋka cikasamfiwe liŵili nekulukuswetele.
59Ilyo lifunde lyapamwalo wamanata apacakufwala icamasako ambelele neli cansalu, kani nipatwamuŵutali, kani nipatwamubwipi, kani nipacintu caciseŵa, mukuceŵa ati ciliswetele kani nimukuceŵa ati cafiko.
Currently Selected:
Ifya Ŵalefai 13: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
