Ifya Ŵalefai 12
12
1Popele ŵaYawe ŵalilaŵile kuli Mose ati: 2Laŵila kuwa Isilaeli ati: Kani umwanakasi aliimitile nekufyala umwana umwalalume, eli akalukuli nefiko insiku sisanu nasiŵili; koti nipansiku syafiko fyakutenda kwakwe, fyopele'fyo akalukuli nefiko. 3Lomba pakasuŵa kaŵusisanu nasitatu umunefu wamusuti wamwana ukakopolwe. 4Popele umwanakasi akalukwikele mumilopa yakuswesiwa kwakwe insiku amakumi atatu nasitatu; tesi akume-ko kufintu ifiswetelele fyonse, neli kwinjila umuswetelele, ili tasiŋgapela insiku syakuswesiwa kwakwe. 5Sombi kani afyale umwana umwanakasi, eli akalukuli nefiko imiluŋgu iŵili, koti nipakusesa kwakwe; popele akalukwikele mumilopa yakuswesiwa kwakwe insiku amakumi asanu nalimo nasisanu nakamo.
6Peŋka pakukumana insiku syakuswesiwa kwakwe, pakuti pamwana umwalalume neli mwanakasi, umwanakasi akalete umwana wambelele uwamwaka umo lukoso ati mulambu uwakoca, pamo nemwana waŋkulimba neli nisika mpele ati mulambu uwapafyakuŵifya, kumulyaŋgo uwakwisema lyeŵuŋgano, kumupapatilisi; 7lomba umupapa tili si akaipose pamenso aŵaYawe, nekumucitila umwanakasi ukulamwina; naye umwanakasi akaswesiwa kukantupuntupu kamilopa yakwe. Ilyo lifunde lyamwanakasi ufyala kani afyale umwalalume kani mwanakasi. 8Lomba kani taakwete uŵuŵoni ubwakukumana umwana wambelele, eli akaŵule ŵasikampele ŵaŵili neli ŵana waŋkulimba ŵaŵili; umo ati mulambu uwakoca, naumbi naye ati mulambu uwapafyakuŵifya; lomba umupapatilisi akamucitile ukulamwina, naye akalukuswetele.
Currently Selected:
Ifya Ŵalefai 12: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
