Jona 4
4
1Sombi ifyo fyalimukalipisye Jona ukwakuti; naye alifitilwe. 2Lomba alitembele kuli ŵaYawe, nekulaŵila ati: Ndukumwipusyeni, mweŵaYawe, ukulaŵila kwanji kansi takwali nikuku, ili nciikele kwesu? Pakuti pali fyefyo, kanaŋgufyo'kuŵutuka ukulukuya kuTasisi; pakuti naliisiŵile ati mweŵo muli ŵaLesa ŵaluse, aŵeswile iŋkumbu, aŵakukokolo'kufitwa, awaŋkumbu isifulile, aŵalapilo'kuŵifya. 3Pakuti pali fyefyo ŵukumo, mweŵaYawe, ndukumukombeteleni ati mufumye kuli neŵo umweo wanji; pakuti ukufwa kulicilile ukuwama napakwikala neŵo nemweo!
4Lomba ŵaYawe ati: Weŵo, pakukalipa, ulukucite'fyelelwe? 5Popele apo jona walifumine mumusi, nekwikala kumutulesuŵa ukwakumusi, nekuliiŵaeilo'ko umutanda, nekwikala-mo mucinto, ati ŋkawone ifiŋgawelo'musi.
6Peŋka ŵaYawe Lesa ŵalimesesye icitele, ati eimenene peulu pali jona, cikamucitile icinto pamutwi, mukumupulusya kukupeŋga kwakwe. Lomba Jona walitemenwe ukwakuti pakuti pacitele.
7Sombi ŵaLesa walitumine fukunyu pakueo'lueelo ŋgamailo, naye fukunyu kaalye'citele, kaeuma. 8Lomba apo, ili kaimine akasuŵa, ŵaLesa eli ŵaŵusisye icipupu icamulilo icakufuma kumutulesuŵa; nekasuŵa nako kakamukalipila Jona pamutwi, naye kaalesuka, kaalomba ati ŋgamfwe, kaalaŵila ati: Ukufwa kulicilile ukuwama napakwikala neŵo nemweo!
9Popele ŵaLesa ŵalilaŵile kuli Jona ati: Weŵo pakukalipa pakuti pacitele, ulukucite'fyelelwe? Naye ati: Filiŋgelelwe ukufitwa ukuficilo'lufu!
10Lomba ŵaYawe ati: Wacileŋgele' ŋkumbu icitele, ici topyunjile neli kumesya, icimenene uŵusiku ŵumo, nekufwo'ŵusiku ŵumo; 11lomba kansi tafiliŋgelelwe ukuleŋgele'ŋkumbu Ninife, uyo-musi ukulu makosa; umuli aŵantu aŵenji aŵakucila napamasausande umwanda umo nemakumi aŵili, aŵataŵesi ukulekanya kulwine nakucipiko, pamo nenama isitekelwe isinji?
Currently Selected:
Jona 4: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
