Jona 3
3
1Peŋka'po isiwi lyaŵaYawe lyaliisile kuli Jona liŵili ati: 2Ima, koya kuNinife, kuli woyo-musi ukulu makosa, ukautulisisye iceŵo ico nakuŵulile. 3Fyopele'fyo Jona kaema, kaaya kuNinife, koti lisiwi lyaŵaYawe. Lomba Ninife wali musi ukulu makosa, ukuwesyo' kusiŋguluka insiku sitatu.
4Popele Jona walitaticile ukwinjila mumusi ulwendo lwakasuŵa kamo, naye kaalukuŵilicisya ati: Pasyale'nsiku amakumi ane, lomba Ninife ŵakauwisya. 5Lomba aŵantu aŵakuNinife ŵaliŵaeetekele ŵaLesa, nekutulisya ati ŋgatukane nefyakulya fwense, nekufwale'fikundulu, ŵonse neŵampupo neŵalukoso.
6Kaŵili impupo syafyefyo syalificile kumfumu yakuNinife, navo yaliimine apo yaikele peteŵe, nekufula nakaminsa wamfumu, nekufwale'fikundulu, nekwikala pamatoi.
7Popele apo yalifundile nekutulisya monse muNinife ili-ifunde lyamfumu nelyampemba syaiko, ati:
A ŵantu ŵonse neli ninama syonse nemataŋga onse aŋombe neambelele ŵelukumfwa kukanwa neli kantu: ŵelukulya neli kunwa-po neli menda: 8sombi ŋgaŵafwale ifikundulu, neŵantu nenama, ŋgaŵaŵalilile makosa ŵaLesa: cine, ŵonse ŋgawaaluluke ukuleke'nsila syaŵo isiŵipile newuŋgwa uŵo uŵuli muminwe yaŵo. 9Mbaninani uwisi kani cipale ŵaLesa wakwaluka nekulapila ukuŵufutatila uŵukali bwakufitwa kwaŵo, twikafwa?
10Popele apo ŵaLesa ŵalibwene ukucita kwaŵo, ati ŵaaluluka ukuleke'nsila syaŵo isiŵipile; lomba ŵaLesa kaŵalapila ukuŵifyo'ko, uku ŵalaŵile ati ŋkaŵacita; naŵo taŵakucitile.
Currently Selected:
Jona 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
