Jona 2
2
1Popele apo jona walitembele kuli ŵaYawe, Lesa wakwe, mopele umo munda mwacisaŵi; 2nekulaŵila ati:
Pakuti pakupeŋga kwanji kambalilila ŵaYawe,
Naŵo kaŵanjitaŵila;
Munda mwaSyeoli kandila;
Lomba mweŵo kamunumfwa nesiwi lyanji.
3Pakuti mwalimposele mumenda atali, mukati mufisiŵa,
Lomba nemenda afulile nekumputa;
Amaŋkapa enu onse nawafuŋgwe wenu ŵonse kaŵapita peulu pali neŵo.
4Lomba neŵo ati: Nditamfisiwe pamenso enu;
Naŋgawe'fyo ŋkalola liŵili kwitempuli Iyenu iliswetelele.
5Amenda alinsiŋgulucile, nekufika nakumutima wanji;
Amenda atali ali ponse pali neŵo;
Nefyani ifyamumenda nafyo fyalimpambanisisye kumutwi.
6Kanseluka, kamfika munsi mumapili;
Necalo kacinjisalilila nemipinjilo yaeiko:
Naŋgaŵe'fyo mwawaŵula-mo umweo wanji mwikande'likulu, mweŵa Yawe, Lesa wanji.
7Pakulesuko'mutima wanji muli neŵo, kambalaŋguluka ŵaYawe:
Kaŵili ukutembela kwanji kakwinjila umuli mweŵo, mwitempuli lyenu iliswetelele.
8Aŵo aŵalonde'fyakutumpaika, Ŵalasileke'ŋkumbu syaŵo aŵene.
9Sombi neŵo, ŋkamuposeleni imilambu nesiwi lyakutota;
Ŋkafute'fyo ifi nalayene.
Ukupulusya kulatulila kuli ŵaYawe.
10Popele apo ŵaYawe ŵalilaŵile kucisaŵi, naeo kacimuluka Jona kumutunta.
Currently Selected:
Jona 2: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
